Elordada mügedek balalardy qoldau üşın aşylǧan eŋ alǧaşqy qoǧamdyq qordyŋ bırı – «Balam-ai». Keiın olardyŋ qatary köbeidı. Bügınde olar siiaqty onşaqty qor bar. Al būl qor 2011 jyldan berı qalalyq Jūmyspen qamtu jäne halyqty äleumettık qorǧau basqarmasynyŋ qoldauymen memlekettık-äleumettık tapsyrys şeŋberınde arnauly äleumettık qyzmet körsetedı. On jyl ışınde ösıp, dami tüsken qordyŋ qazırgı taŋda Nūr-Sūltan qalasynda tört filialy jūmys ısteidı.
Solardyŋ bırı – elordadaǧy Ä.Bektūrov köşesındegı filialda bır jarym jastan 18 jasqa deiıngı mügedek balalardy oŋaltu jūmystary jürgızılıp, olardyŋ ata-analaryna psihologiialyq kömek körsetıledı. Qordyŋ ädıskerı Mänşük Malǧajdarovanyŋ aituynşa, mūnda tegın kömek alatyn sondai 178 bala bar. Olardyŋ jartysy – autizmge şaldyqqan balalar. Sondai-aq sal auruy, Daun sindromy, serebraldy paralichı bar, jalpy psihikalyq-nevrologiialyq tūrǧyda nauqas, mügedek balalarǧa «Balam-ai» qorynyŋ logoped, defektolog, psiholog, nevropatolog, ergoterapevt, muzyka-terapevt, izoterapevt, glinaterapevt, massaj jasauşy, voitoterapevt, bobat-terapevt, horeograf, ABA-terapevt, LFK nūsqauşy, art terapevt sekıldı mamandar qyzmet körsetedı.
– Qordy qūrudaǧy maqsat – mügedek bala asyrap otyrǧan ata-analardyŋ balalaryn osynda äkep, olardyŋ alaŋsyz öz jūmysymen ainalysuyna mümkındık beru. Zamanaui qūrylǧylarmen jabdyqtalǧan qor filialdarynda bükıl em tegın jürgızıledı. Balasyn syrqatynan aiyqtyru üşın kez kelgen ata-ananyŋ aianyp qalmasy anyq. Är balamen jeke jūmys jürgızemız, jaǧdaiy jaqsarsa toptarǧa qosamyz. Äleumettık pedagogtardyŋ, defektologtardyŋ negızgı mındetı – osyndai balalardy ömırge beiımdeu jäne öz betınşe ömır süruge üiretu. Olar üşın erekşe balanyŋ öz betınşe qasyq, kese ūstai aluy – eŋ ülken jeŋıs. Olardyŋ dūrys baǧytta damyp kele jatqanyn köru – zor baqyt. Sonymen qatar A.Toqpanov köşesındegı filialda 18 jastan joǧary mügedek jandarǧa qoldau körsetemız, – deidı ädısker.
«Balam-ai» mügedek balalardy qoldau qoǧamdyq qory byltyr «Üzdık äleumettık ükımettık emes ūiym» nominasiiasy boiynşa elordada jeŋımpaz atandy. Būl – qorda jūmys ısteitın 70-ten astam türlı sala mamandarynyŋ balalarǧa qaraudaǧy qajyrly eŋbegınıŋ arqasy
«Balam-ai» mügedek balalardy qoldau qoǧamdyq qory byltyr «Üzdık äleumettık ükımettık emes ūiym» nominasiiasy boiynşa elordada jeŋımpaz atandy. Būl – qorda jūmys ısteitın 70-ten astam türlı sala mamandarynyŋ balalarǧa qaraudaǧy qajyrly eŋbegınıŋ arqasy. Qorǧa tüske deiın kelıp, qosymşa jūmys ısteitın erdaterapevt Gülnar Seidaǧalamovanyŋ aituynşa, balalardy qandai kemşılıgı bolsa da jaqsy köre almaityn adamdar mūndai jerlerde jūmys ıstei almaidy. Bız körgende kışkentaiynan sal bolyp tuǧan 6 jasar balaǧa massaj jasap otyrǧan ol är balaǧa 20 minut uaqyt böletının jäne bır künde osyndai 8 balany qabyldaitynyn aitty.
– Myna balanyŋ qoldary iyqtan bastap ışke qaiyryla qisyq ösken. Sony tüzep, massaj jasaimyn. Kün saiynǧy massaj nätijesın berıp, balanyŋ qoly qalpyna keledı. Erdaterapevt bolǧandyqtan DSP boiynşa tek bala denesınıŋ üstıŋgı bölıgı boiynşa jūmys ısteimın. Al aiaqtaryna LFK mamany jauapty. Būl jerden bölek respublikalyq balalardy diagnostikalau ūlttyq ortalyǧynda qyzmet etemın. Onda elımızdıŋ öŋırlerınen kelgen mügedek balalardy qaraimyz, – deidı ol.
Autizmge şaldyqqan Medina esımdı 6 jasar qyzyn 2 jyldan berı jetelep äkelıp jürgen Tolqyn osyndaǧy mamandardyŋ arqasynda qyzynyŋ densaulyǧyna qatysty senım paida bolǧanyn aitady. «Qyzymnyŋ boiyndaǧy auruyn bır jarym jasqa kelgende baiqadyq, ol atyn atasa müldem qaramaityn, eşqandai syrtqy ym-işaraǧa reaksiia bermeitın. Sosyn nevropatologqa qaratyp, autizmnıŋ bırınşı belgılerı bar ekenın bıldık. Qazır söileidı, bıraq sanasy älı 4 jasar balanykındei, köp adamdy körse jylap, jatyrqaityn, qazır basylyp keledı. Mektepke barmaidy, jöndı söilemegen soŋ, ärine, mektepke almasy anyq. Mūnda logoped, defektolog, LFK qyzmetın paidalanamyz. Ekı ailyǧynda denesı sarǧyştanyp, «jeltuha» bolǧan. Sol midyŋ damuyn tejeuge äkelgen eken. Ülken ūlym 9 jasta, ol sap-sau. Myna qyzym ekınşısı, jūmysqa barmai, tek osy balammen jüremın» deidı Tolqyn.
Qordaǧy qyzmetkerlerdıŋ jartysy qalalyq Jūmyspen qamtu ortalyǧy arqyly jūmyspen qamtylyp, jalaqysyn sol jaqtan alady. Jartysy memlekettık tapsyrys arqyly qordyŋ özınen qarjylandyrylady. Sondai-aq künıne qaladaǧy medisinalyq kolledjderden kelıp täjıribeden ötetın jäne erıktı türde kömek körsetetın studentter de bolady. Qor jūmys künderı saǧat 8.00-den 18.00-ge deiın, senbıde 10.00-16.00 aralyǧynda aşyq bolady.
– Balalarǧa 3 mezgıl tamaq berıledı. Emdeu, oŋaltu şaralarynan bölek, resmi merekelerdı, balalardyŋ tuǧan künderın atap ötemız, türlı seminar-trening ūiymdastyramyz. Är sala mamany özı keste jasap, balalaryn kurspen emdeidı. Būryn qalada Daun sindromy men sal auruyna şaldyqqandar ǧana bar edı. Qazır autizmge şaldyqqandar tym köbeiıp kettı, – dep qynjylady M.Malǧajdarova.
Qorǧa qatysty bır mäsele – mūndaǧy qyzmetkerler märtebesı jaǧynan memlekettık mekeme qyzmetkerıne teŋestırılmegendıkten, olar üi kezegıne de tūra almaidy, tıptı eŋbek demalysyna da şyǧa almaidy, şyqsa da aqysyz demalady. Osy jaǧynan aldaǧy uaqytta olardyŋ märtebesın özgertu qarastyrylsa eken degen ūsynystary bar.
