Keşe Astana qalasynyŋ äkımı Ädılbek Jaqsybekov 72 jas otbasyǧa saltanatty jaǧdaida päter kıltın tapsyrdy. Baspanaly bolǧan elordalyqtar «Öŋırlerdı damytu – 2020» baǧdarlamasynyŋ şeŋberınde paidalanuǧa berılgen Sarybūlaq özenınıŋ boiyndaǧy N.Tılendiev daŋǧylynan oŋtüstıkke qarai ornalasqan tūrǧyn üi keşenıne qonystanady.
Qala basşysy baspanaǧa ie bolǧandardy quanyştarymen qūttyqtai otyryp, äkımdık öz jūmysyndaǧy basty basymdyqty äleumettık mındettemelerdı ıske asyruǧa berıp otyrǧandyǧyn jäne olar tolyq kölemde oryndalatynyn atap öttı.
–Qazaqstan Respublikasynyŋ Täuelsızdıgı künı qarsaŋynda jas otbasylarǧa päter kıltın tapsyryp jatyrmyz. «Jas otbasylarǧa arnalǧan baspana» atty tūrǧyn üi qūrylysynyŋ jaŋa baǧyty arqyly būǧan qol jetkızıp otyrmyz. Atalmyş baǧyt tıkelei el Prezidentınıŋ tapsyrmasymen äzırlendı. Memleket būl mäselege ärqaşan jıtı köŋıl bölıp, barynşa qoldau körsetıp keledı. Sızderdı bügıngı quanyşpen şyn jürekten qūttyqtaimyn! Jaŋa qonystaryŋyz bereke men quanyşqa tola bersın! – dedı Ä.Jaqsybekov.
Äleumettık baǧdarlamalardy ıske asyrudyŋ arqasynda soŋǧy jyldary 4,5 myŋ elordalyq tūrǧyn baspanaly bolǧandyǧyn aita ketu kerek. Sonyŋ ışınde byltyr elordada jas otbasylarǧa arnalǧan tūrǧyn üi baǧyty boiynşa 672 päter bölındı. Bügınde 211 otbasy üilerıne qonystanyp ülgerdı. Jas otbasylarǧa arnalǧan özge 389 päter tūrǧyn üi komissiiasynyŋ aldaǧy otyrysynda bölınedı.
Jalpy, «Öŋırlerdı damytu – 2020» baǧdarlamasy aiasynda baspana böludıŋ negızgı bes baǧyty qarastyrylǧan. Onyŋ ışınde eskı jäne apatty jaǧdaidaǧy üilerdı süru atty qanatqaqty joba da bar. Atalmyş joba şeŋberınde 3 500 otbasy 2017 jyldyŋ soŋyna deiın jaŋa, jaily tūrǧyn üilerge köşırılmek.
Amanǧali QALJANOV
