«Jas qanat – 2019» jas oryndauşylardyŋ respublikalyq baiqauynyŋ jeŋımpazdary anyqtaldy. Biyl jiyrma segızınşı märte ötken baiqauǧa elordanyŋ atynan üş ümıtker qatyssa, sonyŋ ekeuı märeden ozyp keldı.
Baiqau ädettegıdei Beibıtşılık jäne kelısım saraiynda üş kün boiy dürıldedı. Osy joly bırınşı künnen barlyǧy 14 änşı öner jarysyna qatysty. Olardy Nūr-Sūltan qalasy äkımınıŋ orynbasary Erlan Qanalimov qabyldady. Ümıtkerlermen äŋgımede ol daryn, eŋbekqorlyq pen şydamdylyq ūly jeŋıster men ülken jetıstıkter alyp keletının aityp, jastarǧa şyǧarmaşylyq tabystardy tıledı.
Qazylar alqasynyŋ qūramyndaǧy alǧaşqy «Jas qanattyŋ» laureaty, belgılı ənşı Medeu Arynbaev, osy baiqaudan qanattanǧan Marjan Arapbaeva, Mədina Səduaqasova, Qairat Baekenov sekıldı tanymal änşıler, «Astana Opera» teatrynyŋ hormeisterı Erjan Dəuıtov, kompozitor Serık Erkımbekov, kompozitor-multinstrumentalist Edıl Qūsaiynov, professor Raisa Mūsaqojaeva, «Kazakh TV» telearnasynyŋ halyqaralyq aqparat bölımınıŋ meŋgeruşısı, telejürgızuşı Ləzzat Şataeva, baiqaudyŋ negızın qalauşy, prodiuser Mūrat Erǧaliev qatysuşylarǧa baǧa berdı.
Qorytyndysynda finalǧa bes ümıtker şyqty. Oljas Ospan (Semei) jäne Aqerke Köpjasarova (Nūr-Sūltan) baiqaudyŋ diplomanttary atandy. Üşınşı orynǧa tiesılı «Qola qanatty» Ədıl Baltabaev (Kökşetau) ielendı. Ekınşı oryn üşın berıletın «Kümıs qanatty» Janbolat Ūzaqbai (Nūr-Sūltan) jeŋıp aldy. Bırınşı oryndy – «Altyn qanatty» ielengen Didar Äbduhalyq (Şymkent) baiqauǧa biyl jaŋadan qosylǧan «Mister Jas qanat» atalymynda da top jardy.
Būǧan qosa, «Astana» radiosy Janbolat Ūzaqbaiǧa bır jyldyq tegın rotasiia syilady. Aqerke Köpjasarova «Habar» agenttıgınıŋ «Ūlttyq dästürlerdı saqtaǧany üşın» arnaiy jüldesın ielendı. Aiym İmaşevaǧa (Semei) Nūr-Sūltan qalasy äkımınıŋ jüldesı tapsyryldy.
