Astanada jas suretşılerdıŋ şeberlıgın şyŋdau, käsıbi bılıktılıgın arttyruǧa dem beru maqsatynda käsıbi suretşılerdıŋ «Academism and Progress» halyqaralyq simpoziumy aşyldy.
Astana qalalyq Mädeniet jäne sport basqarmasy, QR Ūlttyq muzeiı jäne «Jenşiny Stepi – Dala arulary» qoǧamdyq qory bırlesıp ötkızgen būl simpoziumǧa Tbilisi, Sankt-Peterburg, Bışkek, Samarqand, Almaty, Şymkent, Pavlodar qalalarynan 25 qylqalam şeberı jäne 15 elordalyq suretşı qatysuda. Qatysuşylar qūramynda jiyrmadan endı asqan jas suretşıler de bar. Simpozium 28 aqpanǧa deiın jalǧasady dep josparlanǧan.
Konferensiianyŋ saltanatty aşylu räsımı Täuelsızdık saraiynyŋ körme zalynda öttı. Şara barysynda qatysuşylardyŋ 60-tan asa eŋbekterı köpşılık nazaryna ūsynyldy. Sondai-aq simpoziumǧa qatysuşylar QR Ūlttyq muzeiınde şeberlık synyptaryn ötkızıp, beineleu önerı jolyna endı ǧana kelgen jastarmen täjıribe almasady, jinalǧan qauym aldynda öz qoldarymen jaŋa tuyndylar salady.
– Būl şara Jastar jylyna orailastyrylǧan. Basty maqsaty – qoǧam nazaryn Qazaqstannyŋ mädenietıne audaru. Bügıngı zamanda türlı elıktırerlık kommersiialyq sipattaǧy ūsynystar köp, naǧyz körkem suretpen ainalysu qiyn. Sondyqtan öz ısıne adal jastarǧa şabyt beru suretşılık önerdıŋ keregesın keŋeite tüsetını anyq, – dedı «Jenşiny Stepi – Dala arulary» qoǧamdyq qorynyŋ prezidentı Roza Jüsıpova.
Aita keteiık, 21 aqpanda Qazaq ŪÖU konferensiia aiasynda «Qazaqstandaǧy körkem surettıŋ realizmı: mūra, ündeuler, transformasiia» taqyrybynda «döŋgelek üstel» otyrysy ötedı.
Qaliakbar ÜSEMHANŪLY
