Juyrda №2 öner mektebınıŋ ūiymdastyruymen «Ruhani jaŋǧyru» baǧdarlamasy aiasynda Astanadaǧy jalpy bılım beru mektepterı arasynda IX qalalyq «Asyl mūra» ūlttyq öner baiqauy öttı.
Qazaq ūlttyq öner universitetınıŋ «Dombyra» kafedrasynyŋ oqytuşysy, professor, Qazaqstannyŋ eŋbek sıŋırgen qairatkerı Orynbai Düisen qazylar alqasy jas talanttardyŋ önerıne baǧa berdı. Baiqauǧa 80 oquşy ötınış berıp, aldyn ala ırıkteuden öttı. Al negızgı baiqauǧa 42 oquşy qatysty.
Jeŋımpazdar «Ūlttyq aspapta oryndauşylar», «Dästürlı än» atalymdary boiynşa anyqtalyp, är atalym kışı, orta, joǧarǧy toptarǧa bölındı.
Baiqaudyŋ qorytyndysy boiynşa qazylar alqasy tılek-ūsynystaryn bıldırdı. Solardyŋ bırı – änşı Telman Nürkenov: «Än üiretu kezınde barlyq mektepterde qalyptasqan bır jattandy repertuar qaitalana berdı. Ol tyŋdaǧan adamdy jalyqtyryp jıberedı. Bızdıŋ än mūramyzda ǧajaiyp änder bar. Sirek oryndalatyn, tıptı mülde oryndalmai jürgen änder qanşama?! Jetekşıler ızdenıp, balalardyŋ diapazonyna arnap repertuar jasasa, baiqaudyŋ baǧasy odan saiyn artar edı» degen jaqsy ūsynys aitty. Sonymen qatar qazylar alqasy baiqauǧa qobyz, şerter, sazsyrnai, t.b. ūlttyq aspaptarda oinaityn oquşylar köbırek qatyssa, nūr üstıne nūr bolar edı degen tılekterın jetkızdı.
