«Jasai ber, jainai ber, Astana!» atty respublikalyq jyr müşäirasyna şaqyramyz
Astana qalasy äkımdıgınıŋ qoldauymen on jyldan berı Astana künıne arnap respublikalyq jyr müşäirasyn ötkızıp kelemız. Būl tūrǧyda Astana qalasy äkımdıgınıŋ Mädeniet basqarmasyna respublika qalamgerlerınıŋ aitar alǧysy mol.
Astanamyzdyŋ 25 jasqa tolǧan toiyna arnalyp jariialap otyrǧan biylǧy müşäiranyŋ mänı, tıptı erekşe. Astanany jyrlau – azattyqty jyrlau, tarihymyzdy jyrlau, ūlt bolaşaǧyn jyrlau, täuelsızdık jolynda qūrban bolǧan erler ruhyn jyrlau dep bılgenımız jön. Sondyqtan da biylǧy müşäiranyŋ taqyryp aiasy barynşa keŋ. Jülde qory da öte qomaqty. Ädılettı Qazaqstan qūruǧa bet būryp otyrǧan tarihi kezeŋde aqyndardy osy dübırlı jyr bäigesıne qatysuǧa şaqyramyz.
Bas jülde – 3 300 000.
Bırınşı oryn – 2 200 000.
Ekınşı oryn ekeu – 1 100 000.
Üşınşı oryn üşeu – 660 000.
Yntalandyru syilyǧy beseu – 330 000.
Müşäiraǧa eş jerde jaryq körmegen öleŋder, tolǧaular qatysa alady. Müşäiraǧa ümıtker şyǧarmalar 2023 jyldyŋ mausym aiynyŋ 15-ıne deiın qabyldanady.
Müşäira qorytyndysy Astana künı qarsaŋynda jariialanyp, marapattau räsımı 30 mausym künı Astana qalasynyŋ «Jastar» teatrynda ötedı.
Ümıtkerler şyǧarmasyn kompiuterde terıp, tömendegı mekenjaiǧa jıberu kerek. Nemese elektrondyq poştaǧa joldauǧa bolady. astanakalamger@mail.ru
Qazaqstan Respublikasy, Astana qalasy, «Tarihi mädeni mūrany saqtau jäne paidalanu ortalyǧy». Otyrar köşesı, 1/2 üi. İndeks: 010000,
Avtordyŋ aty-jönı, mekenjaiy, bailanys telefony, elektrondyq poştasy mındettı türde körsetıluı kerek.
Eskertu: Jüldegerlerdıŋ kelıp-ketu şyǧynyn ūiymdastyruşy tarap moinyna almaidy.
Ūiymdastyru alqasy
