Astana qalasynyŋ Jastar teatrynda jazuşy-dramaturg, Qyrǧyzstannyŋ eŋbek sıŋırgen qairatkerı Janyş Qūlmambetovtyŋ «Jasauyl» äfsanasynyŋ premerasy öttı. Körermender jaŋa qoiylymdy atalmyş teatr sahnasynan bügın de tamaşalai alady. Spektakldıŋ qoiuşy rejisserı – Qazaqstan Respublikasynyŋ eŋbek sıŋırgen qairatkerı Bekbolat Qūrmanǧojaev.
«Şyǧarma Şekspirdıŋ tılımen jazyldy. Mūnda ūşy-qiyry joq şeŋberdegı ömır sipattalady. Avtor «Sol şeŋberden qalai şyǧamyz?» degen sūraqty aldymyzǧa tartady. Qoiylymda, negızınen, qazır alys-jaqyn şetelderde bolyp jatqan jaǧdailar turaly aitylady» deidı rejisser.
Bolamyz ba, joq älde bordai tozamyz ba? Qoiylymnyŋ astarynda osy saual jasyrynǧan siiaqty. «Är sypyrtqy özınşe sypyrady» demekşı, är bileuşı taqqa otyrǧanda jaŋa zaŋdardy ornatady. Ol zaŋdardyŋ terıs yqpaly eŋ aldymen halyqqa tietını belgılı. Jasauyl bileuşı men halyq arasynda däneker bolyp jüredı. Sonda joǧary jaqtan tastalǧan taiaq, tömennen sıltengen soqqy oǧan tiedı de jüredı.
Spektaklde keiıpkerlerdı, negızınen, jas ärtıster somdady. Jasauyl beinesı Daniiar Orazaevtyŋ enşısıne tidı. «Adamnyŋ tünde ūiqyǧa jatardyŋ aldynda özıne esep beretın ädetı bolsa, menıŋ keiıpkerımnıŋ de boiynda sondai daǧdy bar. Ol özınıŋ jolyn öz erkımen taŋdaǧan joq. Jasauyl jasaǧan qatelıkterıne ökınedı. Bıraq därmensız. Sebebı joǧaryda qamşysyn ūstap tūrǧan bileuşı bar» deidı ärtıs.
Desek te, spektakl eldıktıŋ kıltı – bırlıkte ekenın, ar-imannan bezıp, adamdyq qalpynan aiyrylǧan halyqtyŋ ǧūmyry kelte bolatynyn ūǧyndyrady. Tüiındep aitqanda, qoiylym körermendı türlı filosofiialyq oilarǧa jeteleidı.
Amanǧali QALJANOV
