JASTARDYŊ JIGERI JASYMASYN
Jaqynda qalada tört jıgıt, ekı qyzdan qūralǧan qylmystyq top qolǧa tüstı. Olar ekı jyl boiy päter tonap, tün jamylyp, qymbat avtomaşinalarǧa ūrlyqqa tüsıp kelgen. Barlyǧy da özımızdıŋ qaraközder. Kezektı tüngı reid barysynda bırneşe jeŋıl jürıstı boijetkender ūstalyp, aty-jönderı anyqtalǧannan keiın, olarǧa aiyppūl salyndy. Köbı – qazaq qyzdary. Studenttık jataqhana maŋynda jappai töbeles bolǧan. Qatysqandar tügel on segız ben jiyrma bestıŋ arasyndaǧy jastar…
Mıne, osyndai mälımetterdı kündelıktı aqparattardan jiı oquǧa bolady. Oqisyŋ da oiǧa qalasyŋ.
Kez kelgen el özınıŋ keleşegın öskeleŋ ūrpaǧymen bailanystyrady. Är ūrpaqtyŋ peşenesıne jazylǧan zaman aǧyny, kezeŋ tynysy bolady. Bızdıŋ atalarymyz ben aǧalarymyz bır kezde jarqyn bolaşaqqa sendı. «Keleşek jastar kemeldengen qoǧamda, molşylyqta, erteŋıne alaŋdamai erkın ömır sürsın» dep aianbai ter töktı. Tabiǧatynda tamaşa qasietterden susyndaǧan halqymyzdyŋ keremet, mol qazynalyq bailyǧynan när alyp, ertegı-aŋyz, jyrlardy jattap, maqal-mätelder men qanatty sözderdıŋ maǧynasyna qanyǧyp ösken olar ūrpaqtaryna da osyndai tärbie berdı.
Al, bügın şe? Bız sol qūndylyqtardy jastarǧa daryta alyp jürmız be? Qazır jastardy oryndy-orynsyz köp sögıp, qatyp qalǧan syŋarjaq pıkırlerge jol berıp alyp jürgen joqpyz ba?
«Bügıngı qazaq jastary jalqau. Ekı qolǧa bır kürek taba almai, bos sendelıp jür. Köbı qalaǧa kelıp, jaldamaly qara jūmys ısteidı. Ony da maŋdytyp jatqandary şamaly» dedı bır alqaly bas qosuda köptı körgen köneköz aǧamyz. Ras, aldyŋǧy buynnyŋ keiıngı ūrpaqqa köŋılderı tola bermeitını – zaŋdylyq. Öitkenı, öz zamandaryn, sol kezde tyndyryp ketken ısterın keiıngı körınıstermen salystyratyny belgılı.
Bızdıŋ halyqta sözın özgege ötkıze de, tyŋdata da bıletın bır tamaşa qasiet bar. Aitaiyn degenımız, qūr bosqa dauryǧyp, «olar ondai, olar mūndai» degenşe, sözı ötımdı, syily azamattardyŋ jastarǧa köbırek aqyl-keŋes beruın, ömırıne baǧyt-baǧdar sılteitın ǧibratty sözderın köbırek tyŋdatu kerek şyǧar. Şynynda da, adam beimaza küi keşıp jürgen keibır sätterınde ainalasynan jön
söz aitatyn, keŋes beretın ülkendı ızdeitını – zaŋdylyq. Osyndaida dertke daua aǧalar aqyly emes pe?
Teledidardaǧy tärbielık mänı az, dauryqpa, daŋǧaza şou baǧdarlamalardy bere
bergenşe, ornyna erterekte bolǧan «Syrsandyq», «Qaryz ben paryz», «Jansarai», «Terme», «Jastar», «Közkörgen» siiaqty habarlardy qaita jandandyryp, Jastar saiasaty mäselelerı, taǧy basqa da ūiymdar arqyly auzy dualy, el
qūrmetteitın abyz adamdarmen jiı-jiı jastardyŋ kezdesuı ūiymdastyrylsa deimız.
Jastardyŋ boiyna ūlttyq tärbienı, halyqtyq bolmysty sıŋıruge barynşa den qoiu kerek-aq. Osy tūrǧyda keiıngı kezde maŋyzy men mänı arta tüsken äleumettık jelılerdı keŋınen paidalana bılgen dūrys bolar edı.
Bızdıŋ sanamyzda «zaman aǧymy» degen tırkestıŋ qalyptasyp qalǧany şyndyq. Jıgıtter men qyzdardyŋ esırtkıge elıtıp, aşy suǧa qūmartuyn, jeŋgetailyq pen jezekökşelıktı, alypsatarlyq pen alaiaqtyqty, basqa da jastardyŋ boiynda kezdesetın keleŋsızdıkterdı zamannyŋ qūbyluynan köremız. Qoǧamdaǧy tolyp jatqan olqylyqtar men kemşılıkterdı osy negızden ızdeimız. Mūnyŋ özı aǧa ūrpaqtyŋ boiyndaǧy jauapkerşılık jügınıŋ jeŋıldeuıne äkelıp soǧary aidan anyq. Orystyŋ ataqty ädebiet synşysy V.Belinskiidıŋ «adam taǧdyry tärbiemen şeşıledı» degen qanatty sözın eskersek, şyn mänınde būǧan qoǧam da, adam da, aǧa ūrpaq ta jauapty.
Qai zamanda da jalpy tırşılıktıŋ tūtqasyna ie boluǧa ikemdı, qoǧam kösegesın kögertıp, merei märtebesın biıktetetın jas talaptyŋ bolatynyna eş kümän joq. Ondai daryndy jastar bügın de bar.
Sondai jastardy nege ülgı-önege retınde jan-jaqty nasihattamaimyz. Mäselen, Astana qalasynda Ermūrat Äbdıldaev esımdı at äbzelderın jasaityn jıgıt tūrady. Jasy otyzǧa da tolmaǧan ınımız özınıŋ eŋbekqorlyǧynyŋ arqasynda ülken şaŋyraqty asyrap, tek özıne ǧana emes, ainalasyna da şapaǧatyn tögıp jür.
«Äzırge auyz toltyryp aita qoiarlyqtai ıs tyndyra qoiǧan joqpyn. Şaǧyn käsıptı bastaǧanymyzǧa bır-ekı jyldyŋ jüzı boldy. Tapsyrys alyp qazaqy er, aşamai jasaimyz. Jügen, qamşy öremız. Etık tıgemız. Keŋınen tanymal bola qoiǧan joqpyz. Bıraq, aldaǧy uaqytta şaruamyzdy keŋeite tüsemız be degen oiymyz bar» deidı Ermūrat äŋgıme arasynda.
Üilengen, üş säbiı bar. Jary özıne kömekşı. Inılerımen bırge öz şarualaryn döŋgeletıp jatyr.
Auyzdy qu şöppen sürte beruge de bolmas. Ükımet te eŋbek etu jaǧdaiyn jaqsartu, tabys deŋgeiın köteru, ūzaq merzımdı nesie berudıŋ kezeŋdık jüiesın engızu, taǧy basqa da ekonomikalyq kömekter arqyly jastardyŋ äleumettık-tūrmystyq jaǧdaiyn tüzeuge qoldan kelgenşe yqpaldasyp jatyr. Osy mümkındıkterdı paidalanyp qaluǧa ūmtylatyn jastar bar da, onyŋ parqyna boilai almai öz betınşe jüretın sabazdar taǧy bar.
Qūrylysta ısteitın jūmysşy jıgıttermen äŋgımelesudıŋ sätı tüstı. Erkın, Eljan, Jänıbek, Ashat esımdı jıgıtter «zaman bolsa mynau, qymbatşylyq qysyp barady. Bır basymyzdy äreŋ alyp jürmız. Qazır üilenıp, üi bolu turaly oilamaimyz da» degen edı. Jastary otyzǧa kelıp qalǧan tepse temır üzetın nar tūlǧaly azamattardyŋ auzynan älgındei söz şyqqanda bıraz kümıljıp qaldyq.
Būl er azamattyŋ boiyna qandai qiynşylyq bolsa da töze bıletın asyl qasietterdı tärbielei almaǧanymyz ba? Būl öskeleŋ ūrpaqqa otbasyn qūru adamzatqa tän qūndylyqtardyŋ eŋ qasiettısı ekenın ūǧyndyra almaǧanymyz ba? Osydan keiın 40 myŋ sür boidaq pen 100 myŋ kärı qyzymyzdyŋ sany odan saiyn öse bermesıne eşkım kepıldık bere almasy haq. Osydan keiın qoǧamnyŋ özegın jegı qūrttai üŋgıp kırıp bara jatqan jezökşelık pen nekesız bala tuudy odan saiyn aiyptai bererımız kämıl.
Elımız täuelsızdık alǧan şirek ǧasyrda eleulı-eleulı jetıstıkterge qol jetkızdı. Älem tanyǧan bolaşaǧy zor memleket ekenımız taǧy şyndyq. Osy tabystarymyzdy eselei tüser bılımdı de bılıktı, parasatty jastarymyz bolmaq. Bügıngı jastarǧa ruhani bailyq, taza oi, tereŋ bılım, adamgerşılık, adaldyq, küş-qairat, densaulyq qajet. Elde osyndai eşqaşan ūnjyrǧasy tüspeitındei qaisar ūlandar tärbelesek deimız.
DEREK:
Astana qalasy äkımdıgıne qarasty Jūmyspen qamtu ortalyǧy elordamyzda jastardy jūmyspen qamtumen ainalysatyn bırden-bır mekeme bolyp otyr. Atalmyş mekemenıŋ mälımetıne säikes, jyl basynan berı 214 jas tülek «Jastar täjıribesı» baǧdarlamasyna qatysuşy bolyp , bügınde Astana käsıporyndarynda mamandyǧyna sai qyzmet etıp jür. Ai saiyn olarǧa 45 800 teŋge kölemınde jalaqy tölenedı.
Jalpy, «Jūmyspen qamtu – 2020 jol kartasy» baǧdarlamasy aiasynda memleket tarapynan JOO men kolledj tülekterıne mamandyǧy boiynşa alǧaşqy eŋbek ötılın jinap, tūraqty jūmysqa ornalasuǧa jaǧdai jasalǧan. Diplom alǧanyna üş jyldan aspaǧan 29 jasqa deiıngı är azamattyŋ 6 ailyq «Jastar täjıribesınen» ötuge mümkındıgı bar.
Osy oraida, jūmysqa ornalasu mäselesı tolǧandyrǧan elordalyq jastarǧa Astana qalasy äkımdıgıne qarasty Jūmyspen qamtu ortalyǧyna baryp, ondaǧy mamandardan tolyqqandy mälımet aluǧa keŋes beremız.
Taŋatar TÖLEUǦALİEV