Elordada jastarmen jüielı jūmys jürgızu maqsatynda negızgı 11 baǧyt belgılendı. Būl qatarǧa qajettı infraqūrylymdy qūru men damytu, sapaly bılım beru, qoljetımdı baspanamen qamtu, özge de osy siiaqty maŋyzdy ıster kırdı. Onyŋ bärı Jastar jylyna orai äzırlengen «Nūr-Sūltan jastary-2019» aimaqtyq jol kartasynda körsetıldı. Būl turaly Nūr-Sūltan qalasy mäslihatynyŋ kezektı sessiiasynda qalalyq Qoǧamdyq damu ısterı basqarmasynyŋ basşysy Talǧat Rahmanberdı mälımdedı. Sessiiaǧa qala äkımınıŋ orynbasary Ermek Qizatov qatysty.
JAŊA MAMANDYQTARDY İGERIP JATYR
«Jalpy alǧanda memlekettık organdar ükımettık emes ūiymdarmen bırıgıp atalǧan jol kartasy aiasynda jastarǧa qatysty 136 jobany jüzege asyrudy közdeidı. Basymdyqtyŋ bırın jastardy sapaly bılımmen qamtuǧa berıp otyrmyz. Qazır qaladaǧy 109 mektepte 182 myŋ oquşy oqidy. Jyl saiyn ışkı köşı-qonnyŋ esebınen elordaǧa mektep jasyndaǧy 30 myŋ bala kelıp qosylyp jatady. Sol sebepten kelesı jyly qalada 5 orta mektep pen mektepterge japsarlas 3 ǧimaratty paidalanuǧa beru josparlanyp otyr. Oquşylar sanynyŋ artuyna säikes jylda tülekter sany da ösıp, 8-10 myŋ jasöspırım altyn ūialarymen qoştasady» degen T.Rahmanberdı mektepten keiıngı bılım berudıŋ jaǧdaiymen tanystyrdy.
Onyŋ aituynşa, osy künderı Nūr-Sūltan qalasynda 16 joǧary oqu orny jūmys ısteidı. Jyl saiyn jaŋa JOO-lar aşylyp jatyr. Mäselen, biyl IT universitet 660 studentke esıgın aiqara aşty. «Būl oqu ordasynyŋ aşyluymen astananyŋ innovasiialyq infraqūrylymyn kezeŋ-kezeŋımen damytu jalǧasady. Sonyŋ ışınde ǧylym, innovasiia jäne naqty sektordyŋ özara bailanysy küşeiedı» dedı basqarma basşysy.
Baiandamaşynyŋ mälımetınşe, qazırgı jastardyŋ tehnikalyq mamandyqtardy igeruge qyzyǧuşylyǧy artyp kele jatyr. Joǧary oqu oryndarda jaŋa mamandyqtar köbeiıp, būl mamandyqtardy igeremın degen studentterdıŋ sany artuda. Soǧan säikes jaŋa mamandyqtarǧa bölınetın granttar köbeiude. Mäselen, biyl äleumettık älsız toptar sanatyna jatatyn otbasylardyŋ şyqqan 165 bala granttardy ielense, olardyŋ 140-y aqparattyq kommunikasiialyq tehnologiialar, injeneriia, öŋdeu, auyl şaruaşylyǧy, bioresurstar salalaryna oquǧa tüstı.
«Qazır qalada käsıbi mamandardy mektep jasynan daiyndau infraqūrylymy qalyptasty dep nyq senımmen aituǧa bolady. Sol üşın «Şeberler qalasy», Worldskills Kazakhstan chempionaty, Astana Innovations Challenge startap-marafony siiaqty jobalar äzırlendı» degen T.Rahmanberdı jastardy jūmyspen qamtu jaiyna toqtalyp, būl körsetkış boiynşa elorda köşbasşy orynda ekenın aitty.
ARENDALYQ 1050 PÄTER İELERIN TABADY
Jūmys ısteitın jastardy quantatyn bır jaŋalyq – biylǧy qaraşa aiynan bastap olarǧa arendalyq 1050 päter berıle bastaidy. Ötınış «Smart Astana» platformasy arqyly qabyldanady.
– Dın salasy boiynşa jastar arasynda tüsındıru jūmystary jürgızılude. Būl ıske täjıribelı 57 dıntanuşy tartyldy. Jyl basynan berı osyndai tüsındıru 4 myŋnan astam jas azamat arasynda jürdı. Kelesı jyl Volonterler jyly bolyp jariialandy. Bız oǧan daiyndyqty bastap kettık. Jastar jyly jabylǧan soŋ, Volonterler jylyna qatysty ıs-şaralar josparyn jariialaimyz, – dedı T.Rahmanberdı.
Sessiianyŋ aldynda qalalyq mäslihattyŋ tūraqty komissiialarynyŋ bırlesken otyrysynda deputat Qaraqat Abden şahardaǧy kovorking ortalyqtar qyzmetınıŋ qymbattyǧyn aityp, şet aimaqtarda tūratyn jastarǧa arnap tiıstı ortalyqtardy salu, aula klubtarynyŋ mäselelerın köterdı. Oǧan jauap bergen T.Rahmanberdı jyl aiaǧyna deiın qalada Qoǧamdyq damu ısterı basqarmasyna qaraityn jastarǧa arnalǧan kovorking ortalyq aşylatynyn, ondaǧy qyzmetter tegın bolatynyn mälımdedı.
Al aula klubtaryna qatysty «Kezınde Almaty qalasynyŋ täjıribesın negızge alyp, aula klubtaryn damytu baǧdarlamasyn äzırlegenbız. Bıraq köp qarjyny qajet etetındıkten, būl baǧdarlama tiıstı qoldau tappai, jabylyp qaldy. Aula klubtary sol sebepten damymai qaldy. Bız qol qusyryp otyrmai, osy mäselenı şeşıp jatyrmyz. Jyl aiaǧyna deiın tiianaqtaimyz dep oilaimyn» dep jauap berdı ol.
JEŊILDIKTER QARASTYRU QAJET
Mäslihat deputaty Erlan Sydyqovtyŋ mälımetınşe, qalada 80 myŋ student bar. Onyŋ pıkırınşe, olardyŋ barlyǧyna qoǧamdyq kölıkte 50 paiyz jeŋıldıkpen jüretındei mümkındık tudyru kerek. «Qalanyŋ jas tūrǧynynyŋ kartasyn» da engızu qajet. «Būl karta arqyly jastardyŋ qozǧalysyna monitoring jürgıze alamyz. Universitetımızdıŋ täjıribesı osy kartaǧa bärı syiatynyn körsettı. Olar qai ǧimaratqa qaşan kırdı, qaşan şyqty, qanşa kıtap oqydy sonyŋ bärın bıle alamyz» degen deputat studentterge sport nysandary men mädeni oşaqtardyŋ qoljetımdılıgı mäselesın köterdı. E.Sydyqov osy nysandarǧa da jastar jeŋıldıkpen kıru kerek dep esepteidı.
Qoǧamdyq damu ısterı basqarmasynyŋ ştatynda 32 adam qyzmet atqaratynyn bılgen ol osynşama adammen 245 myŋ jas azamattyŋ barlyq mäselesın şeşu mümkın emestıgın, jastarmen jūmysty autsorsingke jıberu kerektıgın aitty.
Qalalyq Qūrylys jäne tūrǧyn üi saiasaty basqarmasy basşysynyŋ orynbasary Jan Myrzaǧali bes nysandy salu üşın jiyrma jer telımın memleket üşın satyp alu jobasyn ūsyndy. Sonyŋ bırı Q.Sätbaev pen J.Näjımedenov köşelerınıŋ qiylysyndaǧy 1200 oryndyq mektep qūrylysyna qatysty boldy.
MEKTEPTER QŪRYLYSY NEGE BAIаU?
Būl jobany deputattar bırauyzdan qoldady. Bıraq deputat Ramziia Ömırbaeva Qalalyq ortany regenerasiialau basqarmasyna saualyn baǧyttap, J.Näjımedenov köşesındegı mekteptıŋ qajettılıgı qanşalyqty bolyp otyrǧanyn sūrady. «Bız bırneşe ret Saraişyq köşesınde mektep salu turaly mäsele köterdık. «Şūbar» şaǧyn audanynda mekteptıŋ salynatyny jaily qanşa märte estıdık. Küte-küte zaryǧatyn boldyq. Sebebı sol aumaqtarda öte köp bala tūrady. Nege būl mäsele älı künge deiın şeşılmedı?» dedı deputat. Qalalyq ortany regenerasiialau basqarmasy basşysy orynbasarynyŋ mındetın atqaruşy Mūrat Mūhambetov būǧan mardymdy jauap bere almady. Būǧan R.Ömırbaeva qazır mektepterdıŋ qajettılıgı eskerılmei, bos tūrǧan aumaqtarǧa salu jiı oryn alyp jatqanyn, būl dūrys emestıgın aitty.
Astana-Opera» teatrynyŋ aldynda da mektep salynatyny aityldy. Bıraq sol äŋgımeden arada bır jarym jyl öttı. Jūmys älı bastalmady. Sol jaǧalaudyŋ ortalyǧynda mektep qūrylysyn bastau üşın qanşa uaqyt kerek dep sūrady.
Deputat Zeinolla Şıbkenov «Kirpichnyi» tūrǧyn alabynda №12 balabaqşa-bastauyş mektep keşenıne oquşylar syimai jatqanyn, sol sebepten 800-den astam bala basqa mektepterge baryp oquǧa mäjbür bolyp otyrǧanyn, būl keşendı balabaqşa retınde qaldyryp, 1200 orynǧa arnalǧan jaŋa mektep qūrylysyn bastaudy ūsynǧandaryn aityp, alaida būl mäsele älı şeşılmegenın jetkızdı.
«Menıŋşe, mektepterge japsarlas ǧimarattar da mäselenı şeşpeidı. Myna mälımetterdı qaraŋyz: №23 mektepte – segız, №49 mektepte – jetı bırınşı synyp bar. Būl sandar oquşylar sanynyŋ köptıgın bıldıredı. Üş auysymdy mektepter sanyn joiamyz degen jospar qoidyq. Alaida olar azaiudyŋ ornyna köbeiıp jatyr» dedı deputat.
«Mektepter qūrylysy boiynşa Bılım basqarmasy naqty jospar jasady. Būl basqarma qai jerge qanşa mektep kerektıgın jaqsy bıledı. Ras, keibır orta bılım beru oryndary aidalaǧa salynǧanyn joqqa şyǧarmaimyz. Sebebı tiıstı jer telımı memleket ielıgınde, eşqandai kedergıler bolǧan joq. «Şūbarda» mektep qūrylysy mäselesı köterılgenıne bes jyl boldy. Ol jerde keibır nysandardy süru jūmystary jürgızılıp, mektep salynuy kerek edı. Şaǧyn audan tūrǧyndary mekteptı kütıp jürgenıne de 10 jyl bolǧan şyǧar. Bıraq mäsele şeşılmegen küiı tūr. J.Näjımedenov köşesınde mektep saiajailar sürılgen soŋ salynady. Ol aumaqqa mektep sözsız kerek. Sebebı Myŋjyldyqtar alleiasynda tūrǧyn üi qūrylysy belsendı jürıp jatyr. Kelesı jyly būl aumaqta köptegen üi paidalanuǧa berıledı. Mūny mäslihat deputaty retınde ǧana emes, «Astana bas jospary» institutynyŋ basşysy retınde aityp otyrmyn» dedı Särsenbek Jünısov.
Sessiia qorytyndysynda deputattardyŋ barlyq saualdaryna basqarmalar tarapynan jazbaşa jauap berıletın bolyp şeşıldı.
