Astanada «Ruhani jaŋǧyru» baǧdarlamasy aiasynda Mäşhür Jüsıp Köpeiūly men Şäkärım Qūdaiberdıūlynyŋ 160 jyldyq, Halel Dosmūhamedūlynyŋ 135 jyldyq, Ämıre Qaşaubaevtyŋ 130 jyldyq jäne Astana qalasynyŋ 20 jyldyq mereitoiyna orai «Jastyq şaq kök semserdıŋ jüzı emes pe?!» atty jas aqyndardyŋ respublikalyq aitysy öttı.
L. Gumilev atyndaǧy Euraziia ūlttyq universitetı men «Qazaqstandyq salalyq bılım jäne ǧylym qyzmetkerlerınıŋ käsıptık odaǧy» qoǧamdyq bırlestıgı ūiymdastyrǧan jyr dodasyn aqyn, ǧalym Serıkzat Düisenǧazy jürgızıp otyrdy.
Belgılı aitysker, Qazaqstannyŋ eŋbek sıŋırgen qairatkerı, professor Amanjol Ältai töraǧalyq etken qazylar alqasynyŋ qūramyna İranǧaiyp Küzembaev, Mūhtar Niiazov, Talant Arǧynǧali syndy aitystyŋ öz adamdary, alaştanuşy ǧalym Saǧymbai Jūmaǧūlov, «Qazaqstandyq salalyq bılım jäne ǧylym qyzmetkerlerı käsıpodaǧy» QB töraiymy Maira Tūrǧanqyzy kırdı.
Aitysqa bas-aiaǧy 12 aqyn qatysty. Serıkzat Düisenǧazynyŋ aituynşa, «söz barymtasyna» elımızdegı eŋ talantty jastar ırıktelıp, şaqyryldy. Qorytyndysynda bas jüldenı (500 myŋ teŋge) qyzylordalyq Syrym Ädılbek jeŋıp aldy. Bırınşı oryndy (300 myŋ teŋge) qaraǧandylyq Nūrmūhammed Baisügırov ielendı. Ekınşı oryn jüldesın (200 myŋ teŋgeden) ekıbastūzdyq Beksūltan Qaidar men aqtöbelık Älihan Jaqsylyq bölıstı. Al üşınşı oryn qyzylordalyq Bekjan Erjıgıt, astanalyq Abdrauf Oral jäne türkıstandyq Rysgül Manarbekqyzyna būiyrdy. Olardyŋ ärqaisysyna 100 myŋ teŋgeden berıldı. Sondai-aq, pavlodarlyq Märes Bairon, şymkenttık Aian Niiazbek, almatylyq Jıbek Şahmardanqyzy, semeilık Aibek Jeŋısqazin, astanalyq Bek Şymat arnaiy jüldege ie boldy.
