Qazırgı kezde jūmys ızdeitın jastar köp. Alaida olardyŋ jūmys beruşılermen betpe-bet kezdesuge mümkındıgı bola bermeidı. Osy olqylyqtyŋ ornyn toltyru maqsatymen «Astana jastary» memlekettık mekemesı L.Gumilev atyndaǧy EŪU-de elordamyzdaǧy joǧary oqu oryndarynyŋ tülekterı men jūmyssyz jürgen jastarǧa arnalǧan bos jūmys oryndarynyŋ järmeŋkesın ötkızdı. Järmeŋkege 40-tan asa jūmys beruşı ūiymdar, 1200-den asa jūmys ızdegen jastar qatysty. Quanarlyǧy, jastarǧa 1000-nan astam bos jūmys orny ūsynyldy. Älbette, köptegen jandardyŋ özı qalaǧan jūmysyn tapqany anyq. L.Gumilev atyndaǧy Euraziia ūlttyq universitetınde elordalyq JOO tülekterı men jūmyssyz jastar üşın bos jūmys oryndary järmeŋkesı öttı. Järmeŋkenı «Astana jastary» KMM ūiymdastyrdy.
Ūiymdastyruşylar järmeŋkenıŋ negızgı maqsaty jūmyssyz azamattardy, bılım beru ūiymdarynyŋ tülekterı men jastardy jūmys ızdeuşımen tıkelei bailanys ornatu arqyly jūmysqa ornalastyruǧa baǧyttalǧanyn atap öttı.
– Jyl saiyn ötkızıletın järmeŋkege, negızınen, joǧarǧy kurs studentterı qatysady. Ortaşa eseppen qatysuşylardyŋ 30 paiyzy jūmyspen qamtylady. Eger de studentter jūmys tauyp jatsa, jūmys beruşıler dualdı oqytu jüiesın ūsynady. Iаǧni aldymen belgılı bır uaqyt aralyǧynda täjıribeden ötedı. Oqu ornyn tämamdaǧannan keiın tūraqty negızde jūmysqa ornalasady, – dedı «Astana jastary» jastar resurstyq ortalyǧynyŋ jetekşısı Şyŋǧys Tıleulin.
Aita keteiık, järmeŋkege 40-tan astam jūmys beruşı, 1200-den astam jūmys ızdeuşı qatysty. Sondai-aq 1000-nan astam bos jūmys orny ūsynyldy. Jastar üşın būl – özı qalaǧan salada jūmys tabuǧa jäne bırneşe jūmys beruşımen bır jerde tıkelei söilesuge taptyrmas mümkındık.
«Qazpoşta» AQ «Astana pochtamty» astanalyq filialynyŋ mamany Ainaş Äliaqparova bailanys operatory, jetkızuşı, poştaşylardyŋ qataryna qosylamyn deuşılerdı ızdeitının aitty.
«Bos jūmys oryndary järmeŋkesıne ai saiyn qatysamyz. Bailanys operatoryna 35-ke deiın bos jūmys orny bar. Sondyqtan jūmys ızdep jürgen studentterdı quana qabyldaimyz» dedı ol.
Jūmys ızdeuşılerdıŋ basym bölıgın veb-dizainer, ofis-menedjer, äzırleuşı, audarmaşy siiaqty mamandyqtar boiynşa jūmys oryndary qyzyqtyrdy. Olardyŋ qatarynda L.Gumilev atyndaǧy Euraziia ūlttyq universitetınıŋ 4-kurs studentı Aijan Töleuova bar.
– Men jurnalistika jäne saiasattanu fakultetınde oqimyn. Bılım beru baǧdarlamam sifrly mediany basqaru dep atalady. Tehnikalyq qūjattarmen jūmysty atqara beremın. Menımen bırge kelgen qatarlastarym köp. Mūndai järmeŋkege bırınşı ret qatysyp otyrmyn. Osynyŋ arqasynda bız üşın osyndai mümkındık baryn bıldım, – dedı student.
Halyqty jūmyspen qamtu ortalyǧynyŋ aituynşa, mektep tülekterı, kolledj, joǧary oqu oryndarynyŋ studentterı «Jastar praktikasy» men «Alǧaşqy jūmys orny» baǧdarlamasy arqyly jūmysqa ornalasa alady.
