Jastarǧa jūmys ūsynady
Memleket basşysy Qasym-Jomart Toqaevtyŋ tapsyrmasyna säikes, biyl «Jastar täjıribesı» baǧdarlamasyna bırqatar özgerıs engızılıp, täjıribeden ötu merzımı ūzartylyp, qatysuşylarǧa beretın jalaqy kölemı artty. Elordalyq halyqty jūmyspen qamtu ortalyǧynda jobaǧa qatysu şarttary men onyŋ tiımdılıgı turaly talqylanǧan jiyn öttı.
Jastar täjıribesı – ielengen mamandyǧy boiynşa tehnikalyq jäne käsıptık, orta bılımnen keiıngı, joǧary jäne joǧary oqu ornynan keiıngı bılım beru baǧdarlamalaryn ıske asyratyn bılım beru ūiymdarynyŋ tülekterıne arnalǧan baǧdarlama. Oǧan soŋǧy üş jyl ışınde oquyn aiaqtaǧan 29 jasqa deiıngı jūmyssyz jastar qatysa alady.
Baǧdarlama barlyq menşık nysanyndaǧy käsıporyndar men ūiymdarda ötedı. Sonymen qatar salyq jäne basqa da äleumettık audarymdardy tūraqty jürgızetın, jalaqy boiynşa bereşegı joq jäne bır jyldan astam ötılı bar jūmys beruşıler qatysady.
Kezektı qarjy jylyna jastar täjıribesın ūiymdastyru üşın qūrylatyn uaqytşa jūmys oryndarynyŋ sany mümkındıgı şekteulı jandar, bas bostandyǧynan aiyru oryndarynan bosatylǧan adamdar, probasiia qyzmetınde tūrǧan adamdar üşın qūrylatyn jūmys oryndaryn qospaǧanda, qyzmetkerlerdıŋ tızımdık sanynan 20 paiyzdan aspaidy.
Jūmys beruşı elektrondyq eŋbek birjasyndaǧy «jeke kabinet» arqyly Jūmyspen qamtu ortalyǧyna aǧymdaǧy qarjy jylynyŋ 1 qaraşasyna deiıngı merzımde kezektı qarjy jylyna jastar täjıribesın ūiymdastyruǧa elektrondyq nūsqada ötınım beredı.
Memleket basşysynyŋ tapsyrmasyn oryndau maqsatynda Nūr-Sūltanda biyl «Jastar täjıribesı» jobasy aiasynda qatysuşylardyŋ eŋbekaqysy 35 AEK-ten (102 myŋ teŋge) 40 AEK-ke (122 myŋ teŋge) deiın ūlǧaityldy. Sondai-aq ötu merzımı ekı ese – 6 aidan 1 jylǧa deiın ūzartyldy.