Astana qalasynyŋ Jasyl jelektı kütıp ūstau jäne qorǧau erejelerı jetıldırudı qajet etedı. Qalalyq Qoǧamdyq keŋes müşelerı osyndai şeşımge kelıp otyr. Keşe ötken atalmyş organnyŋ otyrysynda būl mäsele köpşılık talqysyna şyǧarylyp, bıraz sūraqtar tuyndatqannan keiın jasyl jelekke jauapty astanalyq Tabiǧi resurstar jäne tabiǧatty paidalanudy retteu basqarmasyna erejenı tüzeu üşın bır apta uaqyt berıldı.
Otyrysty jürgızıp otyrǧan qalalyq Qoǧamdyq keŋes töraǧasy Sansyzbai Esılov jauapkerşılık mäselesın kötere otyryp: «Astananyŋ jasyl beldeuı turaly aitpai-aq qoiaiyn, Prezident saiabaǧyna qanşa aǧaş otyrǧyzylǧanyn, olardyŋ qanşasy jersıngenın maǧan aita alasyzdar ma? Būl saiabaqqa özı bardyŋyzdar ma?
Onda suaru qūrylǧylary jūmys ıstemeidı. Aǧaştardyŋ 50 paiyzy qurap ketken. Osynyŋ bärıne kım jauap beredı?» degen sūraqtardy baǧyttady Tabiǧi resurstar jäne tabiǧatty paidalanudy retteu basqarmasy basşylyǧyna.
Onyŋ aituynşa, Astana elorda atanǧaly myŋdaǧan aǧaş egıldı. Olardyŋ qanşasy japyraq jaiǧanyn esepke alu kerek. Osy mäselenı jäne olardy kütıp ūstauǧa jūmsalatyn qarjyny, t.b. osy siiaqty mäselelerdı anyqtap alu qajet. Sansyzbai Seiıtjanūlynyŋ sözınşe, Prezidenttık saiabaqtyŋ qūrylysy jürıp jatqanyna da 7 jyl boldy. «Ol jerdegı aǧaştyŋ naqty sanyn kım aityp beredı?» dedı Qoǧamdyq keŋes töraǧasy.
Būǧan Tabiǧi resurstar jäne tabiǧatty paidalanudy retteu basqarmasy basşysynyŋ orynbasary Säken İsaev jauap berdı. «Prezident saiabaǧynyŋ qūrylysyna Kommunaldyq şaruaşylyq basqarmasy tapsyrys berdı. Byltyr atalmyş basqarma besınşı köşpelı otyrystan keiın şara qoldanyp, saiabaqty paidalanuǧa beru aktısı boiynşa tiıstı organdarmen kelısım jasap, nysandy kommunaldyq menşıkke tapsyrdy. Biyl būl mäsele äkımdıkte köterıldı. Onda saiabaqty qalpyna keltıru, iaǧni kürdelı jöndeuden ötkızu, jasyl jelektı sanau kerektıgı aityldy. Bügıngı künge būl saiabaq bızge tapsyrylǧan joq» deidı ol.
Onyŋ aituynşa, osy jyly basqarmaǧa sanaq jürgızu üşın qarjy bölındı. Qazırgı taŋda būl ıs audandarda qolǧa alyndy. Saryarqa audany boiynşa sanaq aiaqtaldy. Osy audanda jasyl beldeudı esepke almaǧanda 156 myŋ aǧaş bary anyqtaldy. Säikes qorytyndylar şyǧarylǧannan keiın Aqparattyq tehnologiia ortalyǧy arqyly mälımetter bazasynyŋ bıryŋǧai jüiesı qūrylady.
Sansyzbai Esılov būl mäselenı tekten-tek kötermegenın jetkızdı. Jasyl jelektı kütıp ūstau jäne qorǧau erejelerınen jauapkerşılıkke qatysty naqty aqparat taba almaǧanyn aitty. «Būl qūjat qaladaǧy jasyl jelekke qatysty tuyndaityn mäselelerdıŋ bärın retteuı tiıs. Bıraq aǧaş otyrǧyzu jaǧynan erejelerde şikılıkter jetkılıktı» degen Qoǧamdyq keŋes töraǧasy qūjatty jetıldıruge bır apta uaqyt berudı ūsyndy. Ony keŋes müşelerı qoldady.
Sondai-aq, Qoǧamdyq keŋes otyrysynda qaladaǧy uchaskelık komissiialar turaly, şahardaǧy köşı-qon üderısın retteu jönındegı erejeler maqūldanyp, bırqatar qūjat jobalary qaraldy.
Amanǧali QALJANOV
