QALA EKOLOGİIаSYNA EKOLOGİIаSYNA OŊ ÄSER ETEDI.
Elordada «Halyq qatysatyn biudjet» jobasyn jüzege asyru jalǧasuda. Osylaişa, qaladaǧy barlyq audandardyŋ aumaqtary tūrǧyndardyŋ bastamalary men ūsynystary negızınde damyp, abattanyp keledı.
[smartslider3 slider=3894]
Qanatqaqty joba 2019 jyly alǧaş ret qolǧa alynǧan bolatyn. Ony qalanyŋ belsendı tūrǧyndary qyzu qoldady. Audan äkımdıkterınıŋ saittary arqyly ūsynylǧan jobalar halyqtyŋ talqysyna tüstı. Bügınde joba qai deŋgeide jüzege asyrylyp jatqany jäne qai aulalarda abattandyru jūmystarynyŋ aiaqtalǧany jönınde tömende az-kem toqtaludy jön kördık.
SARYARQA AUDANYNDA
Tūrǧyndardan 70 ötınış kelıp tüsken. Sapartau keŋesınıŋ şeşımımen olardyŋ 23-ı: 100 päterden az tūrǧyn üi keşenderındegı 10 aula jäne 100 päterden köp tūrǧyn üi keşenındegı 13 aula boiynşa jobalar maqūldandy. Sonyŋ bırı – «Arman aulasy» jobasy. Būl Jeŋıs daŋǧylyndaǧy 26 A jäne Jeltoqsan köşesındegı 27/1 mekenjaida ornalasqan üilerdıŋ tūrǧyndarynan tüsken ötınış edı. Tūrǧyndardyŋ aituynşa, būl jerde jas otbasylar köp, ärqaisynyŋ 3-4 balasy bar. Olar üşın būl maŋda oiyn alaŋy qarastyrylmaǧan. Sondai-aq aulada ülkenderdıŋ de demalatyn orny bolmaǧan. Sondyqtan tūrǧyndar aulaǧa zamanaui jabyndarmen jäne oiyn alaŋymen jabdyqtalǧan balalar alaŋqaiynyŋ, eresekter demalyp, qoly bos kezde äŋgımelesıp otyratyn oryndyqtardyŋ, jattyǧu keşenınıŋ qajettıgın alǧa tartqan bolatyn. Bügınde jaŋartylǧan alaŋda balalar quana asyr salyp oinap jür. Jöndeuden keiın mūnda jasandy kögaldar men zamanaui demalys orny paida boldy.
Jeŋıs daŋǧyly, 26 A mekenjaiynda ornalasqan üige qyzmet körsetetın «Skif» MİB-nıŋ töraǧasy Ǧalymjan Täuekelov «Halyqtyŋ biudjetke qatysuy» jobasy negızınde josparlanǧan jobalar tegıs oryndalǧanyn, eŋ bastysy, tūrǧyndar riza ekenın jetkızdı.
– Baiqauǧa alǧaş ret qatysyp otyrmyz. Elimaş Jakianova, Svetlana Sinkevich, Äsem Janǧulina, Valerii Taşilina sekıldı belsendı tūrǧyndardyŋ arqasynda qazırgı uaqytta jalpy jūmystar aiaqtaldy. Būl rette azamattardyŋ pıkırlerı eskerıldı. «Skif» TK tūrǧyndarynyŋ atynan Saryarqa audany äkımınıŋ orynbasary Marsel Ūzaqov, abattandyru jäne qoǧamdyq keŋıstıktı damytu bölımınıŋ bas mamany Baǧjan Sabdenov, «New level» JŞS merdıgerlık ūiymynyŋ ökılı Erlan Boqaevqa alǧysymyzdy bıldıremız, – dedı Ǧ.Täuekelov.
Abai daŋǧyly, 1 mekenjaiynda ornalasqan üide de köpbalaly otbasylar basym bolyp şyqty. Olar ünemı öz küşımen senbılıkter, aulanyŋ syrtqy kelbetın bezendıru, kögaldandyru jūmystaryn jürgızedı. Degenmen, osy üidıŋ aulasynda balalarǧa arnalǧan zamanaui oiyn jäne sport alaŋdary bolmaǧan, saraptamalyq keŋestıŋ şeşımımen «Quanyş aumaǧy» jobasy maqūldanǧannan keiın būl maŋda qarttar men jastarǧa arnalǧan oryndyqtar jäne şatyrlar qoiylyp, bükıl oiyn alaŋynyŋ aumaǧynda qauıpsız rezeŋke jabyn paida boldy. Qazır balalar jaŋartylǧan alaŋda alaŋsyz asyr saluda.
– Tūrǧyndardyŋ tılegımen aulamyzdaǧy balalar alaŋy tübegeilı özgerdı. Jobany özımız jasadyq, keiın tūrǧyndarmen kelıstık, nätijesınde aulamyz ajarlanyp şyǧa keldı, – dedı Abai daŋǧylyndaǧy №1 üidıŋ MİB töraiymy Elena Kojniiazova.
ALMATY AUDANYNDA
«Halyq qatysatyn biudjet» jobasy aiasynda audan tūrǧyndary 53-ten astam jobalyq ūsynystar bergen bolatyn. Olardyŋ 23-ı maqūldaudan öttı. Sonyŋ ışınde balalar alaŋdaryn abattandyru boiynşa ūsynys köp boldy, al qalǧandary aulalardy jaryqtandyru jäne kögaldandyru mäselesın ūsyndy. Mäselen, Momyşūly daŋǧylyndaǧy №19 üi tūrǧyndary aulada balalar tym köp bolǧandyqtan, jazda oiyn jabdyqtary olardyŋ barlyǧyna bırdei jetpeitının, sonymen bırge sporttyq trenajerlerdıŋ jäne jaiau jürgınşılerge arnalǧan trotuardyŋ qajet ekenın alǧa tartty. Audan äkımdıgı tūrǧyndardyŋ ötınımın maqūldap, tez arada aulany abattandyrdy. Endı osy maŋda tūratyn balalar äsırese sporttyq jattyǧular jasap, bos uaqyttaryn tiımdı ötkızuge mümkındık tuǧanyna mäz. Jaiau jürgınşılerdıŋ de tılegı eskerılıp, bügınde būl aula barlyq jastaǧy adamdar üşın tartymdy orynǧa ainaldy. Osy üige qyzmet körsetetın «Järdem-Udacha» PİK-nıŋ töraiymy Gülnar Lastaeva tūrǧyndar atynan audan äkımdıgıne rizaşylyǧyn aitty.
Qobylandy batyr köşesındegı №7 üidıŋ aulasy da tūrǧyndar tılegımen qaita jaŋǧyrtyldy.
– Osy maŋdaǧy meşıttıŋ janynda bos oryn bolatyn, «Halyq qatysatyn biudjet» jobasy aiasynda mūnda oryndyqtar men balalar alaŋy bar saiabaq jabdyqtaldy. Sondai-aq jaryqtandyru mäselesı tolyǧymen şeşıldı. Aldaǧy uaqytta aulamyz būdan da jaqsy bolady degen senımdemız, – dedı Üi basqaruşysy Roza Mahanova.
Onyŋ aituynşa, būl üi eskı jäne apatty jaǧdaidaǧy üilerdı būzu baǧdarlamasy aiasynda salyndy. Audan tūrǧyndarynyŋ ūsynysymen osy aumaqta jyly aialdama ornatylyp, futbol alaŋynyŋ edenı özgertıldı, futbol qaqpasy dänekerlendı jäne aǧaştar otyrǧyzyldy.
BAIQOŊYR AUDANYNDA
Aǧymdaǧy jyly äkım apparatynyŋ resmi saityna «Halyq qatysatyn biudjet» jobasy boiynşa audan tūrǧyndarynan 29 ūsynys tüsken. Dauys beruden keiın 15 jetekşı joba ırıktelıp alyndy, olardy ıske asyru 28 säuırde bastalǧan edı. Bügıngı taŋda 5 aula abattandyryldy, qalǧan 10 aulany abattandyru jūmystary 1 qyrküiekke deiın aiaqtalady dep josparlanyp otyr.
Abai daŋǧyly, 63 mekenjaiynda ornalasqan «Taraz» tūrǧyn üi keşenınıŋ tūrǧyndary «Balalar – bızdıŋ bolaşaǧymyz» degen jobany ūsynǧan edı. Joba maqūldanǧannan keiın auladaǧy eskı oiyn alaŋdary jaŋalaryna auystyrylyp, jaŋa kögaldary bar futbol alaŋy paida boldy, basketbol alaŋy qalpyna keltırıldı.
Kravsov köşesı, 3/2 jäne 5/2 mekenjaiynyŋ tūrǧyndary da aumaqty abattandyru arqyly ärtürlı jastaǧy tūrǧyndardyŋ sapaly demalysyn ūiymdastyrudy sūraǧan-tyn. Ötınışterı eskerusız qalmady. Joba maqūldanyp, aula jaŋartyldy. Zaman talabyna sai jabdyqtalǧan oiyn alaŋynda balalarymen demalu mümkındıgıne ie bolǧan jas analar da quanyşyn jasyra almady. Solardyŋ bırı – İndira Seiıtqojina jaŋa jobanyŋ arqasynda balalarynyŋ qūmda oinap, syrǧanaq, ätkenşek teuıp, alaŋsyz demalǧanyna mäz.
ESIL AUDANYNDA
Eŋ köp ötınımderdı Esıl audany qabyldady. Olardyŋ jalpy sany – 75. Dauys beru arqyly 52 aula aumaǧyn qamtityn 42 ötınım ırıktelıp alyndy, onda futbol, voleibol, balalar alaŋdary, trenajerler ornatylady, asfalt töselıp, kögaldandyru jūmystary, qosymşa jaryqtandyru nüktelerı jürgızıledı.
Aqmeşıt köşesı №7 mekenjaidaǧy «Grasiia» tūrǧyn üi keşenınıŋ tūrǧyndary äkımdıkke özderı ūsynǧan jobanyŋ maqūldanatynyna äu bastan sendı. Qazır olardyŋ alaŋynda kürdelı jöndeu jūmystary jürgızılude. Aula boiynşa demontajdau jäne syrlau jūmystary aiaqtaldy, şöp, şaǧyn säulet nysandary men trenajerler äkelındı. Jöndeuden keiın Syǧanaq köşesı boiynda ornalasqan «Jetı böşke» tūrǧyn üi keşenındegı № 21, 23, 23/1, 25, 25/1, 25/2, 27 üilerdıŋ tūrǧyndary zamanaui jäne jaily qalalyq ortany qalyptastyru maqsatynda aula aumaǧyn abattandyryp, aulanyŋ estetikalyq kelbetı qalyptastyrylady. Tūrǧyndar tılegın eskere otyryp, audan äkımdıkterı balalar men sport alaŋdaryn jaŋartyp, trotuarlardy bruschatkalarmen jabu jäne qauıpsızdıktı qamtamasyz ete otyryp, syrtqy jelılerdıŋ qūdyqtaryn jaqsartu, oryndyqtar men urnalar ornatu, aula aumaǧynyŋ syrtqy jaryqtandyruyn ornatu, kölıkke arnalǧan tūraq oryndaryn josparlau jäne veloparkovkalardy jabdyqtau, jasyl jelekterdı üilesımdı otyrǧyzu, aulanyŋ ötu joldarynyŋ jabyndaryn jöndeu, bordiur tasyn bölşekteu jäne ornatu, sondai-aq jaŋa asfalt töseu, jer asty qoqystaryn jinau jäne saqtau tehnologiiasy bar jaŋa tiptegı konteinerlerdı ornatu jūmystaryn odan ärı jalǧastyrady. Osylaişa, bas şahardyŋ tört audanynyŋ da aulalary zaman talabyna sai jaŋartylady.
Elordada qalany kögaldandyruǧa da erekşe köŋıl bölınıp keledı. Biyl ötken jyldaǧydai 1 mln-ǧa juyq jasyl jelek otyrǧyzu josparlanǧan.
– Kögaldandyru jūmystary qalanyŋ barlyq audandarynda, sonyŋ ışınde tūrǧyn üi massivterınde, saiabaqtarda, qoǧamdyq keŋıstıkterde jäne t.b. jürgızılude. Mäselen, botanikalyq baqta ötken jyly taǧy 5 myŋ aǧaş otyrǧyzyldy, aǧymdaǧy jyly taǧy 3 myŋ aǧaş otyrǧyzu josparlanuda, – dedı «Astana-Zelenstroi» JŞS basşysy Aibar Nauryzali.
Almaty audany äkımdıgınıŋ öndırıstık-tehnikalyq bölım basşysy Aslan Bisegulovtyŋ mälımdeuınşe, aǧymdaǧy jyly atalmyş audanda 500 myŋǧa juyq gül egıledı. Atap aitsaq, B.Momyşūly eskertkışınıŋ janyndaǧy saiabaqtarda, «Otan qorǧauşylar», «Jerūiyq», Oquşylar saraiynyŋ aldynda, äl-Farabi köşesınde, Abylai han jäne R.Qoşqarbaev daŋǧyldarynda, Q.Mūŋaitpasov köşesınde, «Qazaq elı» alaŋynda jäne t. b. körnekı jerlerde gülzarlar ornalasady. Jalpy gülbaqtar audany 10 myŋ şarşy metrden asatyn aumaqty qamtidy. Közdıŋ jauyn alatyn körıktı güldermen qosa, biyl osy audanda 6 myŋnan astam aǧaş otyrǧyzylady dep josparlanyp otyr. Aldaǧy uaqytta qaladaǧy saiabaq, köşe men jol jiegı aqqaiyŋ, qaraǧai, terek, emen, jūpargül sekıldı jasyl jelekpen kömkerıledı.
Gülbarşyn ÖKEŞQYZY
