4 qyrküiekte Nūr-Sūltan qalasy mäslihatynda qorşaǧan ortany qorǧauǧa jäne tabiǧatty paidalanudy retteuge qatysty qoǧamdyq tyŋdaular ötedı. Sonyŋ qarsaŋynda deputattar osy salalarda qalada atqarylyp otyrǧan jūmystarmen tanysu maqsatynda «Astana-Kögaldandyru qūrylysy» AQ pen «Astana ormany» JŞS nysandaryna bardy.
Alǧaşqy käsıporyn ielıgınde Qaraǧandy tas joly boiyndaǧy №1 tälımbaq, jylyjailar jäne dendrosaiabaq jūmys ıstep jatyr. Deputattar osyndaǧy jylyjailardy aralady. Mūnda bölme ösımdıkterı men qalany kögaldandyruǧa taratylatyn gülder ösırıledı. Kün suytqanda būl ösımdıkter jylyjaiǧa qaitarylady. Jalpy alǧanda ösımdıkterdıŋ 50 türı otyrǧyzylyp, baptalady.
«Astana-Kögaldandyru qūrylysy» AQ basqarma töraǧasy Ruslan Oralovtyŋ aituynşa, şaharda käsıporynǧa tiesılı ärtürlı 390 myŋ aǧaş bar. Ştatta 750 adam jūmys ısteidı. Osy jazda ūiym Prezidenttık saiabaqty kütıp ūstau jūmystaryn qolǧa aldy. Alaida kütımı mäsele tuyndatyp jatqan «Atatürık» saiabaǧyna qatysy joq eken. Onyŋ sebebı saiabaq qaraityn Baiqoŋyr audany äkımdıgımen kelısımşart jasalmaǧan.
Jalpy, käsıporyn jūmysyna qatysty bırqatar tüitkılder bar eken. Ötken jyly şahardy kögaldandyru jūmysy ūsaq lottarǧa bölındı. Soǧan säikes tenderdı şaǧyn kompaniialar ūtyp alǧan. Al osy ūiymnyŋ enşısıne būl jūmystardyŋ 30 paiyzy ǧana qalǧan. Sol sebepten jūmysşylar da qysqaryp, köptegen tehnika qazır qaŋtaruly tūr. Osydan da şyǧar, deputattar bügıngı künderı qaladaǧy jasyl jelektı kütıp ūstau tiıstı deŋgeide emes ekenın aitty. Mäselen, Mäjit Şaidarov jaz boiy aǧaştar men gülder ekı ret qana suarylǧanyn körgenın jetkızdı. Ramziia Ömırbaeva saiabaqtardyŋ sūryqsyz jaǧdaiyna nazar audardy.
Käsıporyndy qazır basqaryp otyrǧan «Astana» äleumettık-käsıpkerlık korporasiia ūiymnyŋ bastapqy jūmystaryna 150 mln teŋge bölgen. Kelesı jyly tehnikany jaŋartuǧa da qarjy bölınbek. «Astana-Kögaldandyru qūrylysyn» aksionerlık qoǧamnan jauapkerşılıgı şekteulı serıktestıkke audaru ısı de bastalǧan. Korporasiia basşylyǧynyŋ sözınşe, osydan keiın ūiymdy basqaru men onyŋ jūmysyn üilestıru jeŋıldeidı. Aldaǧy bır ai kölemınde soǧan säikes ştattyq keste bekıtıledı.
«Astana-Kögaldandyru qūrylysy», «Astana ormany», «Astana-Tazalyq» jäne «Astana-Arnaiy qyzmet körsetu biurosy» syndy tört käsıporyn jekeşelendırudıŋ keşendı josparyna engızılgen bolatyn. Qala äkımdıgı tarapynan būl käsıporyndardyŋ kommunaldyq menşıkke qajettılıgı jaily joǧary jaqqa bırneşe märte hat jazylǧannan keiın būl toqtatyldy. Tiıstı şeşım Ekonomikany jaŋǧyrtu jönındegı memlekettık komissiia otyrysynda qabyldanyp, atalmyş käsıporyndar jekeşelendıruge jatatyn ūiymdar tızımınen şyǧaryldy. Bıraq bır şart qoiyldy. Būl üş käsıporyn bırıgu kerek edı. Bıraq bız öz tarapymyzdan būl künderı olardy jeke-jeke qaldyru jaily mäselenı qarap jatyrmyz. Sebebı bırıktıru tiımsız bola ma dep oilaimyz» dedı Nūr-Sūltan qalasy Aktivter jäne memlekettık satyp alu basqarmasynyŋ basşysy Ersın Ötebaev.
Elordanyŋ jasyl beldeuın qalyptastyru jūmystarymen «Astana ormany» JŞS ainalysyp otyr. Mäslihat deputattary osy ūiymnyŋ qarauyndaǧy qala syrtyndaǧy jasyl jelekke oranǧan aumaqqa bardy. Käsıporyn tek qana aǧaştardy egıp, olardy ösırumen ainalyspai, būl jūmystardy ǧylymmen ūştastyryp otyr. Keiıngı kezde qylqanjapyraqty aǧaştar otyrǧyzylyp jatyr. Jer bederıne qarai japyraqty taldardy da egedı.
«Qazaqstan ormandy ösırumen ainalysatyn älemdegı jalǧyz el dep aituǧa bolady. Europadaǧy Resei, Türkiia, basqa da elder ormandy qalpyna keltıru jūmystarymen ainalysady. Al bız joq jerden orman ösıremız. Būl jūmysta ǧylymsyz bolmaidy. Sebebı aldymen jer bederın zertteu kerek. Mäselen, alǧaşqy jyldary elordanyŋ köp jerınde egılgen aǧaştar jersınbedı. Zertteu jūmystarynan keiın būl ıs alǧa basty» dedı mäslihat deputaty Aqylbek Kürışbaev maman retınde.
«Astana ormany» JŞS basqarma töraǧasy Mäulen Samambetovtıŋ aituynşa, jasyl beldeudı qalyptastyru jūmysynyŋ alǧaşqy kezeŋı 1998 jyly bastalyp, 2004 jyly aiaqtaldy. Osylaişa tiıstı jūmystar kezeŋ-kezeŋımen jüzege asyrylyp jatyr. Jalpy alǧanda alty kezeŋ josparlanǧan. Qazırgı kezde törtınşı kezeŋ jūmystary atqarylyp otyr. Byltyrǧa deiın käsıporyn qyrǧauyl ösırumen de ainalysqan. Endı būl ıstı qaita qolǧa almaq. Velojoldar boiynşa da bıraz jospar bar eken. Käsıporyndy aralau kezınde deputattarǧa osyndai jūmystar tanystyryldy.
