Qala bilıgı Astanadaǧy jol qūrylysyna qatysty öz mındetın qajetınşe atqarmaǧan kompaniialarmen kelısımşartty būzyp, jauapsyz merdıgerlerdıŋ mäselesın bırjaqty ettı.
Mamandardyŋ mälımetınşe, biyl 20,8 şaqyrymdy qūraityn 22 jaŋa köşe salynyp, 91 köşenıŋ 61,15 şaqyrymdyq joly jöndeledı dep josparlanuda.
Esterıŋızge salsaq, mamyr aiynda Astana äkımı Äset İsekeşev avtokölık joldarynyŋ qūrylysyn tekseru barysynda ökılettı organdarǧa mındetterın atqarmaǧan jaǧdaida, merdıgerlermen kelısımşartty būzudy tapsyrǧan-dy. Nätijesınde mamandandyrylǧan audanaralyq ekonomikalyq sotynda köşe qūrylysy jönınde memlekettık satyp aluǧa qatysqan bırqatar merdıgerlerdı jauapsyz dep tanu tūrǧysynda bes talap-aryz berılıp, onyŋ üşeuımen, iaǧni «DM Infrastructure», «SCC Company», «Tehstroiservis» kompaniialarymen kelısımşart būzylǧan. Kelısımşart boiynşa merdıgerler magistraldyq köşelerdı salyp, qaladaǧy kölık keptelısın azaituǧa ülken üles qosulary kerek edı. Jalpy, atalmyş kompaniialarǧa Jangeldin köşesınen Kümısbekov, Beisekova köşelerıne deiın jäne E10, E30, E15, E25 köşelerı men Türkıstan köşesınen №23 pen №30 köşelerıne deiıngı aralyqqa jol qūrylysyn jürgızu jūmystary jüktelgen bolatyn. Alaida olar özderıne artylǧan mındettı oryndamaǧandyqtan, kelısımşart negızsız dep tanyldy.
Ökılettı organdardyŋ avtojol nysandarynyŋ qūrylysy jönındegı tekseru jūmystary älı de jalǧasuda. Tekserıs barysynda kompaniialardyŋ kelısımşartta körsetılgen mındetterdı oryndamaǧany turaly derek rastalsa, olar bırden jauapsyz merdıgerler tızımıne engızıledı.
