JAUJÜREK MYŊ BALA
Bozbalalardy äskeri-patriottyq baǧytta tärbieleu maqsatynda elordada ornalasqan №68655 äskeri bölımınde «Jaujürek myŋ bala» äskeri-patriottyq oiyndar ūiymdastyryldy.
Qalalyq Jastar saiasaty mäselelerı basqarmasynyŋ ūiytqysymen ötken oiynǧa 18 komanda qatysty. Astanalyq joǧary oqu oryndary, kolledj ben mektep qūrama komandalary 8 saiystan sürınbei öttı. Jıgıtter äskeri estafeta men krosqa qatysyp, jartylai avtomatty vintovkadan oq atty. «AK» avtomatyn bölşektep, keiın ony qaita jinady. Qanatty ötkel arqyly bögetten, al böget astynan eŋbektep qaqpanǧa öttı. Eŋ myqtylary granatany nysanaǧa laqtyryp, böget jolyna deiın jettı.
Äskeri-patriottyq oiyndardyŋ jeŋımpazdaryn basqarma basşysy Ashat Oralov marapattady. Oiyn qorytyndysy boiynşa I oryn iegerı Qazaqstan tehnologiia jäne biznes universitetı, II oryn – käsıbi-tehnikalyq kolledj, al III oryn politehnikalyq kolledjge būiyrdy. Odan bölek, 8 baiqaudyŋ ärqaisysynan üzdık atanǧan sarbaz baǧaly syilyqtarmen marapattaldy.
Jastar saiasaty mäselelerı basqarmasynyŋ basşysy Ashat Oralovtyŋ pıkırınşe, äskeri jarystardyŋ jastardyŋ patriottyq ruhyn oiatudaǧy rölı zor.
Güldana Talǧatqyzy