Keşe Almatydaǧy Abai atyndaǧy Memlekettık akademiialyq opera jäne balet teatrynda Qazaqstan jazuşylarynyŋ kezektı XV qūryltaiy öttı.
Jazuşylar odaǧy – elımızdegı eŋ alǧaşqy jäne eŋ ırı şyǧarmaşylyq bırlestıkterdıŋ bırı. Odaq müşelerınıŋ elımızdıŋ mädeni ömırınıŋ damuy men ruhani qūndylyqtardy nyǧaituǧa, jastardy tärbieleu ısıne qosyp otyrǧan ülesı mol. Qūryltaidy Qazaqstan Jazuşylar odaǧy basqarmasynyŋ töraǧasy Nūrlan Orazalin aşty. Jiynǧa QR Mädeniet jäne sport ministrı Arystanbek Mūhamediūly qatysyp, Elbasy Nūrsūltan Nazarbaevtyŋ qūttyqtauyn oqyp berdı. Qūttyqtau hatynda Memleket basşysy Qazaqstan Jazuşylar odaǧynyŋ HV qūryltaiynyŋ jūmysyna tabys tıledı.
Qūryltaida Qazaqstan Jazuşylar odaǧy basqarmasynyŋ jaŋa qūramasyn, basqarmanyŋ jaŋa töraǧasyn, baqylau-tekseru komissiiasyn sailap, aǧalar alqasynyŋ qūramyn bekıtu qarastyrylǧan.
Täuelsızdıktıŋ alǧaşqy künderınen bastap memleket tarapynan qalamgerler nazardan tys qalǧan emes. Byltyr QR Mädeniet jäne sport ministrlıgı «Mädeniet turaly» zaŋǧa kıtap şyǧaru bölıgınde tiıstı özgertuler men tüzetuler engızdı. Būl tüzetuler talai jyldar boiy şeşımın tappai kele jatqan qazaqstandyq avtorlarǧa qalamaqy töleu ısıne qatysty. Atalǧan zaŋ qolyna qalam ūstaǧan jazuşylarǧa berılıp jatqan ülken mümkındık, jaŋa serpılıs boldy. Sondai-aq, elımızdıŋ oblystyq, audandyq, qalalyq, auyldyq kıtaphanalaryn jaŋa kıtaptarmen qamtu maqsatynda 2017 jyldan bastap kıtap taralymy 5000 danaǧa deiın ūlǧaitylyp, qalamaqy beru prosesı tübegeilı özgerdı.
Söitıp, söz zergerlerı bas qosqan jiynda odaqtyŋ jaŋa töraǧasy sailandy. Qalamgerler belgılı aqyn, Memlekettık syilyqtyŋ laureaty Ūlyqbek Esdäulettıŋ kandidaturasyn bırauyzdan qoldady. Odaq töraǧasynyŋ orynbasary bolyp Mereke Qūlkenov, Bauyrjan Jaqyp, Baqyt Bedelhan jäne Aqberen Elgezek keldı.
Azamat ESENJOL
