Sosialistık Eŋbek Erı, traktorşy nemıs qyzy Natalia Gellert kezınde tek Qazaqstanǧa ǧana emes, Keŋes Odaǧy kölemıne de keŋınen tanyldy.
Qyzylorda oblysynyŋ Qazaly audanynda düniege kelıp, qazaq jıgıtıne tūrmysqa şyqqan ol Selinograd oblysy Qorǧaljyn audanynyŋ Amangeldı sovhozynda «K-700» temır tūlparyn tızgındep, otyz jylǧa tarta eŋbek ettı. Ömırın egıs dalasymen bailanystyrǧan qarşadai qyzdyŋ adal eŋbektıŋ arqasynda abyroiy asty, daŋqy artty. Keudesıne «Altyn jūldyz» qadady.
Natalia Vladimirovnanyŋ Otan aldyndaǧy eŋbegı eskerılıp, 1979 jyly alǧaş ret Lenin ordenın alǧanda, ony «Äiel şyraǧy», «Qazbauyr būlttar», «Sezım patşalyǧy», taǧy da basqa prozalyq kıtaptarymen köpşılıkke tanymal, Qazaqstannyŋ eŋbek sıŋırgen qairatkerı, jazuşy Şärbanu Qūmarova men jazuşy Mädi Hasenov ızdep baryp, qūttyqtapty.
Mädi Hasenov – Kökşetau oblysy Zerendı audanynyŋ tumasy. «Alǧaşqy än», «Tūlpardyŋ dübırı», «Qainar būlaq» jäne basqa da köptegen kıtaby jaryq körgen. Ūzaq jyldar baspasöz salasynda jemıstı eŋbek ettı. Qalamy qarymdy jurnalist.
Surette: soldan oŋǧa qarai jazuşy Mädi Hasenov, Natalia Gellert jäne jazuşy Şärbanu Qūmarova egıs dalasyndaǧy qosyn basynda.
Ǧaziza İSAHAN
