«Köktem» tūrǧyn üi keşenı tūrǧyndary üş ai boiy liftı paidalana almady. Onyŋ üstıne, päter ielerı men liftke qyzmet körsetetın ūiym arasynda kelısımşart jasalmaǧanyna köp jyl bolǧan. Jalpy, PİK-ke bailanysty özge de qūjattarda şikılıkter bar eken. Tūrǧyndar tüitkıldı mäselenı şeşu üşın qalalyq mäslihatqa şaǧymdandy.
K.Kümısbekov, 8 mekenjaiynda ornalasqan köp päterlı üi tūrǧyndarymen qalalyq mäslihat deputattary Särsenbek Jünısov pen İrina Manjanova tiıstı organdar ökılderımen baryp, oryn alǧan jaǧdaimen tanysty.
Tūrǧyndardyŋ aituynşa, būl üide lifter jiı ısten şyǧady. «Lift būzylǧanda bız «Köktem» TK «Tūtynuşylardyŋ qūqyǧyn qorǧau qoǧamy» ūiymyna aryzdandyq. Jauapty kompaniianyŋ mamandary tekseru jürgızıp, jüielık taqtany auystyru kerektıgı jönınde şeşım şyǧardy. Jūmysty 3 million teŋgeden astam somaǧa baǧalady. Bız arzanyraq tüsetın jūmysty oilap, basqa kompaniiaǧa ötınış tüsırdık. Ol jerde 1 million teŋgege arzan ıstep beremız dedı. Alaida kelısımşart jasau kezınde PİK-tıŋ qūjattary dūrys emes bolyp şyqty. Liftke qyzmet körsetetın kompaniiamen kelısımşarttar bolmady. Sonda bız osy uaqytqa deiın lift qyzmetıne ne üşın qarjy tölep kelgenbız?» dedı tūrǧyndardyŋ bırı.
Soǧan qaramastan, päter ielerı öz küşımen liftı jöndeudı şeşıp, aldyn ala tölem üşın qarjy jinady. Bıraq qyzmettı ūsynuşymen kelısımşartqa otyru üşın PİK rekvizitterı kerek bolǧan. Mūny PİK basşysy ūsyna almaǧan.
«Bız PİK basşysynyŋ jūmysyna riza bolǧan edık. Ony auystyru turaly oiymyz da bolǧan joq. Ol öz jūmysyn tamaşa atqarady, alaida qūjattar jaǧynan salaq eken. Liftı jöndetu üşın qajet qūjattardy qalpyna keltıru jaǧynan kömek sūraimyz. Bälkım, PİK basşysyna ıs jürgızuden kurs alu kerek şyǧar? Sonda qūjattarmen osyndai tüsınıspeuşılık tumaidy dep oilaimyz» dedı tūrǧyndar.
PİK basşysy densaulyǧyna bailanysty būl kezdesuge qatysa almaǧandyqtan, mäsele şeşılmedı. Sondyqtan deputattar arada ekı aptadai uaqyt ötken soŋ, ony tyŋdau üşın sol orynǧa taǧy bardy.
Būl uaqyttan soŋ ısten şyqqan lift mäselesı şeşılgenı anyqtaldy. Kötergıştıŋ kürdelı jöndeuı bastaldy. Alaida qūjattar jaǧynan älı de şeşımın kütetın mäseleler bar eken. PİK basşysy jergılıktı atqaruşy organdary, mäslihat deputattary jäne tūrǧyndar aldynda aqtaluǧa tyrysty. Ūzaqqa sozylǧan daular, pıkırtalastar men aiyptaulardan keiın är toqsan saiyn tūrǧyndarǧa qarjylyq esepter berıletını aityldy. Al liftke qyzmet körsetetın ūiymmen kelısımşart jyl basynda jasalǧan. Būl ūiym toǧyz jyldan berı qyzmet körsetıp keledı eken.
Auyzbırşılık bolmaǧan soŋ, üi tūrǧyndary tiıstı qūjattardy uaqytynda ala almady. Endı lift şaruaşylyǧyna täuelsız saraptama jasai almaidy. Atalmyş saraptama lifterdıŋ būzyluyn anyqtap berer edı. Eger kötergışke tiıstı deŋgeide köŋıl bölınbegendıgı anyqtalsa, onda qyzmet körsetuşı kompaniia jöndeu şyǧyndarynyŋ bır bölıgın jabuy tiıs edı. Bıraq bügınderı tūrǧyndar basqa lift kompaniiasymen kelısımşartqa otyryp, öz küşımen jöndetıp jatyr. Kompaniiaǧa aldyn ala tölem jasaldy, qarjynyŋ qalǧany «Astana BEO» tübırtekterı arqyly jasalmaq.
«Tehnikalyq qyzmet körsetu – būl liftıŋ jaǧdaiyna, ūsaq bölşekterdıŋ tozuyna tehnikalyq baqylau jasau. Būǧan aǧymdaǧy jäne kürdelı jöndeu kırmeidı. Basqasyna päter ielerı jauapty. Öitkenı būl – olardyŋ ortaq mülkı. Tūrǧyndarǧa jūmystar kestesı, tiıstı karta körsetıluı tiıs. Iаǧni olar tehnikalyq qyzmet körsetudıŋ tızımıne kıretın jūmystardan habardar boluy kerek. Tūrǧyndar atqarylǧan jūmystyŋ sapasyn qadaǧalauy qajet» degen İ.Manjanova lift jöndelgen soŋ tiıstı kelısımşartqa otyryp, qyzmet körsetuşı kompaniia jūmysyn jüielı türde tekserıp otyrudy ūsyndy.
