Keşe Astana qalalyq mäslihatynyŋ zaŋdylyq, qūqyqtyq tärtıp jäne qoǧammen jūmys jönındegı tūraqty komissiianyŋ otyrysy öttı. Onda elordalyq Kommunaldyq mülık jäne memlekettık satyp alular basqarmasy ötkızgen konkurstardyŋ aqparattyq aiqyndylyǧyn qamtamasyz etu mäselesı ortaǧa salyndy. Būl mäsele jönınde atalmyş basqarma basşysynyŋ orynbasary Daniiar Iаkupov baiandama jasady.
Onyŋ aituynşa, jekeşelendırudıŋ 2016-2020 jyldarǧa arnalǧan keşendı josparyna säikes Astananyŋ kommunaldyq menşık qoryna kıretın 20 mekeme jekeşelendıruge jatady. Olardyŋ 12-sı biyl jekeşelendırıluı tiıs. Atap aitsaq, «Astana-Tazartu» JŞS, «Astana-Millenium KZ» JŞS jäne «Akmola-Dirmen» JŞS saudaǧa şyǧaryldy. «Körkem – qūima kombinaty» käsıpornyn tender arqyly satu ūiǧaryldy.
«Astana» sporttyŋ oiyn türlerı klubyn «Däulet» sport kombinatyna qosu jolymen qaita qūru şeşıldı. Taǧy bırqatar mekemeler taǧdyry tiıstı komissiia otyrystarynda qaraldy. Kreditorlyq jäne debitorlyq qaryzy bar käsıporyndar mäselesı de şeşımın tapty. Būǧan qosa keibır mekemeler jalǧa jäne senımdı basqaruǧa berıletın boldy. Sondai-aq, memlekettık satyp alular konkursyna säikes monitoring jasaldy.
Baiandamany tyŋdaǧan komissiia müşelerı atalmyş jūmys boiynşa bırqatar ūsynystar engızdı. Sonyŋ ışınde Qazaqstan Respublikasynyŋ sybailas jemqorlyqqa qarsy zaŋnama talaptaryn qataŋ saqtauǧa, atalmyş jūmysty uaqytyly jürgızuge nazar audardy.
Amanǧali
Qaljanov
