Ömırde özım ūstanatyn jäne sanaly ǧūmyrymda ainymauǧa sert bergen bır prinsipım bar: jelılık marketing (setevoi marketing) pen piramidalardan aulaq jüru. Ömırde bır närseden qatelespedım desem – osy ūstanymymdy aitar edım.
Talai jelılık kompaniia, «holdingterdıŋ» treningterıne baryp kördım. Sondaǧy qatysuşylardyŋ türıne qarap otyryp, sol adamdardy sol sätte «al endı, tūr da, qasyŋda otyrǧan adamnyŋ qūlaǧyn qyrşyp al» deseŋ, oilanbai sony ısteitın, bıreulerı söitıp jatqanda özgelerı qol şapalaqtap otyratyn zombilerge ūqsatamyn.
Aqyry bastadym ǧoi, aitaiyn.
NL jäne basqa siiaqty kompaniialardyŋ bylai ziiany joq, öz-özımen quyp, özderı BAD-taryna senıp jürgen bıreuler äiteuır. Bıraq…
Olar öz önımın kez kelgen syrqattyŋ emı, myŋ da bır derttıŋ dauasy dep ūsynady. Adam soǧan senıp, alyp, soǧan aldanyp jürıp, auruyn asqyndyryp aluy mümkın. Aitalyq, olar bas auyrǧanda kömektesedı dep bır därısın beredı. Adam alyp ışedı, basy auyrǧany şynymen basylady. Därıgerge barmaidy. Bıraq onyŋ basy auyrǧanynyŋ sebebı basqa boluy mümkın ǧoi: onda qan tamyrlarynyŋ problemalary da, jürek te, omyrtqa da, moiyn da aralasuy mümkın. Olardyŋ keibırı tek mehanikalyq aralasu arqyly jazylady. Aitalyq, bas aurudyŋ köp türın moiynǧa massaj jasap emdeuge bolady. AL bız NL-dıŋ poroşoktaryn ışıp jüre beremız, qysylǧan tamyr sol qysylǧan küiınde tūra beredı.
Bır jyldary «Ūly Asu» degen kompaniia bolǧan. Älı de bar. Solar Amerikadan «Valiupta» degen preparat äkep satyp jürdı. Äu basta ol närse äieldıŋ tösek qatynasynda paidalanuy üşın oilap tabylǧan. Bıraq, uaqyt öte kele, onyŋ qūramyndaǧy L-arginin degen aquyz (aminqyşqyly ma, esımde joq) myŋ da bır dettıŋ dauasy ekenın ǧalymdar anyqtapty-mys. Sodan Qazaqstanda jappai valiuptaterapiia bastalsyn. Sol kompaniianyŋ adamdary sol geldı kımge ūsynbady, kımge tyqpalamady deisıŋ: asqazany auyrǧanǧa da, közı auyrǧanǧa da, tıptı omyrtqasy zaqymdanyp, gryja-protruziia bolyp jürgenderge de. Ol geldı auyrǧan jerge jaqsa da bolady eken, tıldıŋ astyna salyp sıŋırıp alsa da bolady eken, tıptı suǧa ezıp ışse de bolady eken.
Bırneşe jyldan keiın sol kompaniia önımın «Sensual» degen atpen qaita sata bastady, tek būl joly «po priamomu naznacheniiu», iaǧni toiat ala almai jürgen äielderge dep satty. Qazır de bar-au deimın. Tek 2008 jyly bır qūdaǧiymyz közındegı glaukomany sonymen emdeimın dep, közınen aiyrylyp qala jazdaǧany esımde.
Önım satatyn jelılık marketing – jalpy naryqta bäsekege şydamaityn önımderın ötkızu amaly. Sol strukturanyŋ bärın ūstap tūruǧa, jantalasyp norma oryndaǧandar mınıp jatqan mersedesterge, «öŋırlık menedjerlerdıŋ jiyndary men treningterıne» qanşa aqşa ketetının eseptep körse – sol önımnıŋ özındık qūny şyǧady. Tiyn tūratyn önım ekenın tüsınesıŋ.
Al sız, sonşa armiiany asyraǧyŋyz kele me?
Nazgül QOJABEK
