Seisenbı künı ötken «Nūr Otan» partiiasy Astana qalalyq filialy Saiasi keŋesınıŋ keŋeitılgen otyrysynda 2015-2025 jyldarǧa arnalǧan Sybailas jemqorlyqqa qarsy ıs-qimyl baǧdarlamasynyŋ jobasy talqylandy. Otyrysty elorda äkımı, partiianyŋ qalalyq filialynyŋ töraǧasy İmanǧali Tasmaǧambetov jürgızdı.
– Sybailas jemqorlyq – eldıŋ äleumettık-ekonomikalyq jäne ruhani örkendeuıne kedergı keltıretın bırden-bır faktor. 2008 jyly qabyldanǧan partiia baǧdarlamasy jemqorlyqpen kürestı jaŋa deŋgeige köterude maŋyzdy röl atqardy. Alaida, qoǧamdaǧy, jalpy älemdegı ürdıske nazar sala otyryp, jemqorlyqpen küreste tyŋ ädıster qoldanu arqyly jüielı ıs-qimyl jürgızu kerektıgın tüsınemız. Auyr ındet aiyqpas dertke ainalmauy üşın ony der kezınde auyzdyqtai bıluımız qajet. Sondyqtan, osy baǧdarlamany halyq aldyna aşyq türde şyǧaryp otyrmyz, – dedı baiandama jasaǧan «Nūr Otan» partiiasy Astana qalalyq filialy töraǧasynyŋ bırınşı orynbasary Sapar Ahmetov.
Astanada partiianyŋ 319 bastauyş ūiymy jūmys ısteidı. Baiandamaşynyŋ aituynşa, jaŋa baǧdarlamanyŋ jobasyn talqylauǧa osy ūiym müşelerı, jiyntyǧy 25 myŋ adam qatysyp, jemqorlyqty auyzdyqtauǧa qatysty 200-den astam ūsynys engızgen. Qalalyq filialda būl ūsynystar sūryptaudan ötkızılıp, 21 ūsynys partiianyŋ Ortalyq apparatyna joldanǧan.
2015-2025 jyldarǧa arnalǧan Sybailas jemqorlyqqa qarsy ıs-qimyl baǧdarlamasynyŋ jobasynda «Qoǧamdyq baqylau turaly» Zaŋdy qabyldau qarastyrylǧan. Sapar Ahmetov partiianyŋ qalalyq filialy atalǧan Zaŋnyŋ qabyldanuyn qoldaityndyǧyn jetkızdı. Ol mekemelerdegı qoǧamdyq baqylaudy küşeitu üşın qajet. Äsırese, densaulyq saqtau ūiymdaryndaǧy baqylau keŋesterı, bılım beru mekemelerındegı qamqorlyq keŋesterı qoǧamdyq baqylaudyŋ senımdı tetıkterıne ainaluy tiıs.
Baiandamaşynyŋ keltırgen mälımetterıne süiensek, «Nūr Otan» partiiasy Astana qalalyq filialynyŋ qoǧamdyq qabyldauynda ötken jarty jylda memlekettık organdar basşylary 143 qabyldau ötkızgen. Oǧan 749 adam qatysqan. Käsıpkerlerdıŋ aryz-şaǧymdary boiynşa aǧymdaǧy jyldyŋ nauryz aiynda qalanyŋ Ortalyq bazarynda qoǧamdyq qabyldaudyŋ köşpelı otyrysy ötken. Onyŋ qorytyndysynda oryndy jalǧa alu qūny negızsız köterıletını anyqtaldy. Baǧalar ösuınıŋ bır sebebı osy bolyp tūr.
AZ-KEM ANYQTAMA
Astanada 2013 jyly ötken jartyjyldyqty qosqanda sybailas jemqorlyq faktılerı boiynşa 49 qylmystyq ıs qozǧaldy. Alty adam äkımşılık jauapkerşılıkke tartyldy. Aǧymdaǧy jyldyŋ alty aiynyŋ qorytyndylary boiynşa qarjy polisiiasyna memlekettık qyzmetkerlerge qatysty segız material jöneltıldı. Sybailas jemqorlyqqa jol bergen jetı adam, türlı qūqyqbūzuşylyqtarmen körıngen 46 adam «Nūr Otan» partiiasy qatarynan şyǧaryldy. Tärtıptık keŋeske jaǧymsyz äreketterı üşın segız memlekettık qyzmetkerdı jūmystan şyǧaru ūsynyldy.
PİK-ter tūrǧyndardan jinaǧan aqşany qaida jūmsaidy? Halyq osy sūraqpen de jiı şaǧymdanyp jatady eken. «Atalǧan jaǧdai būl mäselede baqylau jetıspeitının jäne aşyqtyǧyn bıldıredı. Salyqtan jaltaru, alaiaqtyqqa baru osyndaidan da tuyndaidy. Osylardyŋ bärın saralasaq, jemqorlyq qylmystar tek memlekettık organdarǧa ǧana emes, qala ekonomikasynda jetekşı orynǧa şyqqan jeke sektorǧa da tän ekenın köremız. Sondyqtan, baǧdarlama jobasyna sauda jäne tūrǧyn üi-kommunaldyq şaruaşylyq salalaryndaǧy köleŋkelı ekonomikanyŋ damuyn toqtatatyn tetıkter engızıluı qajet dep oilaimyz» dedı Sapar Qairatūly.
Partiianyŋ qalalyq filialy töraǧasynyŋ bırınşı orynbasarynyŋ oiynşa, jemqorlyqpen küreste BAQ pen äleumettık jelınıŋ de bar mümkındıkterın paidalanu kerek. Būl memlekettık organdar men ūlttyq kompaniialardyŋ aşyqtyǧyn jäne olardyŋ halyqqa qol jetımdılıgın arttyrady. Qazırde būl jūmys köŋıl könşıtpeidı. Keibır memlekettık organdardyŋ internet resurstary talapqa sai emes. Olarda jaŋalyqtar lentasy, bos oryndar jönınde aqparat ornalastyrylmaǧan. Atalǧandardan özge de kemşılıkter kezdesedı. «Aqparattyŋ qol jetımdılıgı turaly» zaŋ qabyldanatyn bolsa, būl olqylyqtar joiylmaq.
Qyzmet körsetudıŋ sapasy, memlekettık organdar qyzmetkerlerınıŋ mädeniettılıgı de ülken röl atqarady. Sapar Ahmetov halyqtyŋ olarǧa degen senımın arttyru üşın Halyqqa qyzmet körsetu ortalyqtary jäne salyq organdary qyzmetkerlerınıŋ jalaqysyn köterudı ūsyndy. Qazırgı kezeŋde HQKO qarapaiym qyzmetkerınıŋ ortaşa jalaqysy – 65 myŋ teŋge, Jūmyspen qamtu ortalyqtarynda – 45 myŋ teŋge, salyq organdarynda – 60 myŋ teŋge şamasynda bolyp otyr.
Sybailas jemqorlyqty auyzdyqtau ısıne memlekettık organdar men azamattyq qoǧam bırıgıp jūmyluy kerek. Baǧdarlama jobasynda būl ıske Ūlttyq käsıpkerler palatasy arqyly biznes qauymdastyqtaryn tartu qarastyrylǧan. Bügınde Astanada 56 myŋ belsendı türde jūmys ıstep kele jatqan biznes subektılerı tırkelgen. Elordanyŋ salyq kırısterınıŋ 70 paiyzy da şaǧyn jäne orta bizneske tiesılı eken. «Äkımşılık kedergılerdı joiu, salyq zaŋnamasyn jeŋıldetu bizneske belsendı azamattardyŋ keluıne jaǧdai jasaidy. Jaŋa baǧdarlama ädıl bäsekelestıkke, käsıpkerlıktıŋ keŋ bastamalaryna jäne myqty orta taptyŋ qalyptasuyna oŋ äserın tigızedı» dedı Sapar Ahmetov
Saiasi keŋes otyrysyna qatysqan «Nūr Otan» partiiasy Töraǧasynyŋ bırınşı orynbasary Bauyrjan Baibek arnaiy qūrylǧan jūmys toby alty ai boiy jaŋa baǧdarlamany qaraǧanyn jetkızdı. Talqylauǧa 800-den astam adam qatysyp, Ortalyq apparatqa osynşama ūsynys kelıp tüsken. Partiia öz ışınde ǧana talqylamai, oppozisiianyŋ da pıkırın bılgen. «Ärbır adam jemqorlyqqa qarsy ıs-qimyl tek qana memlekettıŋ ısı emes, menıŋ de ısım dep qarau kerek» dedı ol.
Sondai-aq, talqylauǧa qatysqan Parlament Mäjılısınıŋ deputaty, «Nūr Otan» partiiasy Astana qalalyq filialy janyndaǧy sybailas jemqorlyqqa qarsy ıs-qimyl jönındegı qoǧamdyq keŋestıŋ töraǧasy Ramazan Särpekov, Astana qalalyq mäslihatynyŋ Zaŋdylyq, qūqyqtyq tärtıp jäne jūrtşylyqpen jūmys mäselelerı jönındegı tūraqty komissiianyŋ töraǧasy Nikolai Meşeriakov, Astana qalasy koreilerınıŋ etnomädeni bırlestıgınıŋ töraǧasy Aleksandr Kim baǧdarlama jobasy jaily pıkırlerın bıldırıp, öz ūsynystarymen bölıstı.
«Jalǧyzdyŋ ünı şyqpas, jaiaudyŋ şaŋy şyqpas» degen sözben otyrysty tüiındegen Astana qalasynyŋ äkımı, «Nūr Otan» partiiasy qalalyq filialynyŋ töraǧasy İmanǧali Tasmaǧambetov jemqorlyq sekıldı jegı qūrtqa qarsy bırlesıp qimyldauǧa şaqyrdy.
Amanǧali QALJANOV
