Sybailas jemqorlyqpen belsendı küres jalǧasatyn boldy. Prezident Joldauynda memlekettık qyzmetter aiasynda qyzmetşılerdıŋ tūrǧyndarmen tıkelei qarym-qatynasyn azaitu qajettıgı aityldy.
Äsırese, jer qatynastary men qūrylys salasyndaǧy biurokrattyq räsımder – eldı mazalaityn mäsele. Būl salada eşqandai aşyqtyq joq ekenın Prezident te moiyndap otyr. Sondyqtan tiıstı organdarǧa jer qory men jyljymaityn mülık nysandary turaly mälımetterdıŋ bıryŋǧai aqparattyq bazasyn jasaudy tapsyrdy.
Jalpy, 2019 jyly körsetıletın memlekettık qyzmetterdıŋ 80 paiyzy, al 2020 jyly kemınde 90 paiyzy elektrondy formatqa köşırıluge tiıs. Ol üşın Memlekettık körsetıletın qyzmetter turaly zaŋ jedel jaŋartylmaq. Sonymen qatar, qaramaǧyndaǧy qyzmetkerler sybailas jemqorlyqqa qatysty qūqyqbūzuşylyq jasaǧan jaǧdaida bırınşı basşylardyŋ jeke tärtıptık jauapkerşılıgın küşeitu mäselesın pysyqtau qolǧa alynatyn boldy. Basşylardyŋ jeke jauapkerşılıgı demekşı, būl mäsele qala äkımdıgınde ötken jergılıktı atqaruşy organdardyŋ keŋesınde de köterıldı. QR Memlekettık qyzmet ısterı jäne sybailas jemqorlyqqa qarsy ıs-qimyl agenttıgı Astana qalasy boiynşa departament basşysy Jazira Jylqyşieva jiynda jemqorlyqqa qarsy atqarylyp jatqan jūmystarǧa toqtaldy. Onyŋ aituynşa, memlekettık qyzmetşılerdıŋ käsıbi deŋgeiın arttyru üşın syiaqy jäne faktorlyq-baldyq şkalaǧa negızdelgen jaŋa jalaqy jüiesın engızu maŋyzdy qadam bolyp otyr. Endı jalaqynyŋ kölemı jūmystyŋ sipaty men kürdelılıgıne, al bonustardy bölu tüpkılıktı nätijelerge jetuıne bailanysty bolady. Qazırdıŋ özınde jaŋa jalaqy jüiesınıŋ oŋ äserı baiqalǧan.
Atap ötken jön, bügınde №10 emhana, Balalar üiı jäne №54 mektep-liseiıne oŋtailandyru jūmystary jürgızıldı. Nätijesınde qyzmet sapasy men mamandardyŋ jalaqysyn arttyruǧa baǧyttalǧan milliondaǧan teŋge ünemdelgen.
Al Sybailas jemqorlyqqa qarsy ıs-qimyl Ūlttyq biurosynyŋ Astana qalasy boiynşa departament basşysy Dulat Äzbergenov şeneunıkterdıŋ jauapkerşılıgı turaly aitty. Basşylardyŋ lauazymdyq mındetterın bılmeuı jäne joǧary jeke jauapkerşılıktıŋ bolmauy ūjymda sybailas jemqorlyq qūqyq būzuşylyqtarǧa äkeledı, – deidı ol. Mysaly, qyzmet babyn asyra paidalanyp, 9 jylǧa bas bostandyǧynan aiyrylǧan Saryarqa audany äkımınıŋ būrynǧy orynbasary Riza Akchurinnıŋ kezınde audannyŋ üş äkımı auysqan. «Alaida olardyŋ bırde-bıreuı Akchuringe qatysty tiıstı şaralar qabyldaǧan joq» deidı ol.
Is-şaraǧa qatysqan qoǧam ökılderı ūsynystar aityp, memlekettık organdardyŋ jūmysyna bırqatar eskertuler jasady. Astana äkımınıŋ orynbasary Asqar Amrin azamattyq qoǧammen özara ärekettesudı arttyru jäne käsıbi qyzmettıŋ aşyqtyǧyn qamtamasyz etudı jergılıktı atqaruşy organdardyŋ jūmysyn küşeitu boiynşa hattamalyq räsımde naqty tapsyrmalar berdı.
