Jiynǧa Bükılälemdık jabaiy tabiǧat qorynyŋ serıktesı, «Tūraqty damu» jer qorynyŋ qoǧammen bailanys qyzmetınıŋ direktory Ruslan Şefer, «EKSPO-2017» ūlttyq kompaniiasynyŋ baspasöz qyzmetınıŋ jetekşısı Aigül Mükei, «7 telearnanyŋ» jürgızuşısı Kamil Galiev, Qazaqstandaǧy biologiialyq aluan türlılıktı saqtau assosiasiiasy bılım baǧdarlamalarynyŋ üilestıruşısı Janna Aqsatarova jäne «Bilain Qazaqstan» kompaniiasynyŋ äleumettık jobalar jönındegı menedjerı Anar Jūmaǧūlova qatysyp, jūrtşylyqty jaryqty ünemdeuge şaqyrdy.
Byltyr «Jer saǧaty» aksiiasyna älem boiynşa 2 milliardtan asa adam qatysqan bolatyn. Bastama barysynda Eifel mūnarasy, Kreml, Big Ben, Rim Kolizeiı, Almatydaǧy Köktöbe telemūnarasy, Astanadaǧy Bäiterek sekıldı äigılı mädeni nysandar jaryǧyn bır saǧatqa öşırgenı belgılı. Şartarapta türlı konserttık baǧdarlamalar ötkzılıp, aksiia ülken būqaralyq şaraǧa ūlasqan bolatyn.
Biyl da elımız osy şaraǧa belsene qatysqaly otyr. Baspasöz mäslihatyna qatysuşylardyŋ aituynşa, bügıngı şara «Jasyl jelek otyrǧyzudyŋ ūlttyq künı» ūrany aiasynda ötkızılıp, qala aumaǧyn kögaldandyru, aǧaş otyrǧyzu jūmystary belsendı jürgızılmek. Būl – erıktı şara. Sondyqtan, jaryqty ünemdıgısı keletın kez kelgen adam oǧan üles qosyp, bır saǧatqa elektr jaryǧyn öşıruıne bolady. Halyqaralyq şaranyŋ basy-qasynda jürgender biyl aksiiaǧa qatysuşylar būrynǧydan da köbeietınıne şübä keltırmeidı.
