Jer jännaty Jetısu – alaqandai saiabaqta
Elordlanyŋ 20 jyldyǧyna orai qalada 20-ǧa juyq jaŋa saiabaq, alleia boi köterıp, qala qonaqtary men tūrǧyndaryna esıgın aiqara aşty. Solardyŋ bırı – «Jetısu» saiabaǧy.
Şahardaǧy būrynǧy «Arai» saiabaǧy tolyqtai jöndeuden öttı. Qazır jaŋarǧan saiabaq «Jetısu» dep atalady. Bır jarym jyl jürgızılgen qūrylys jūmystaryna 40-tan asa tehnika men zamanaui tehnologiialar paidalanylyp, 700-ge juyq maman jūmyldyrylypty.
Almaty oblysynyŋ elorda mereitoiyna tartuy retınde salynǧan baqta atalmyş öŋırdıŋ qūndy jädıgerlerı köpşılık nazaryna ūsynylyp otyr. Jetısudyŋ körıktı jerlerınıŋ barlyǧy bır saiabaqtyŋ aumaǧyna syiyp ketken. Ondaǧy subūrqaq pen ūzyndyǧy 1,5 km bolatyn velojol, jügıru joldary jäne sport qūrylǧylary men balalarǧa arnalǧan oiyn alaŋdary – astanalyqtar men qala qonaqtarynyŋ qūzyrynda.
15 gektar jerdı alyp jatqan saiabaq negızgı bes bölıkke bölıngen. Iаǧni saiabaq kıreberıs qaqpa, avtotūraq, sporttyq oiyn alaŋy, demalatyn oryn men tanymdyq tarihi orynnan tūrady. Onyŋ är bölıgı erekşe. Mysaly, tarihi orynnan Şaryn şatqaly men Taŋbaly tasty, öŋırdegı taulardy, maǧynaly müsınderdı, Almaty aportyn, jer jännaty Jetısudyŋ özenderın köruge bolady. Tıptı mūndaǧy joldyŋ özı Ūly Jıbek jolyn beinelep tūrǧandai.