JERGILIKTI POLİSİIа QYZMETI ESEP BERDI

Keşe IID Jergılıktı polisiia qyzmetınıŋ basşysy Baqytjan Malybaev halyq aldynda jyl boiy atqa­rylǧan jūmys­tardyŋ qorytyndy esebın berdı. Esep beru kezdesuıne Astana qalasy äkımınıŋ orynbasary Andrei Lukin men qalalyq Qoǧamdyq keŋestıŋ töraǧasy Sansyzbai Esılov qatysty.

Ūlt jospary boiynşa qūryldy
Äuelı mınberge köterılgen qala basşysynyŋ orynbasary Andrei Lukin «Astana – qauıpsız qala» baǧytynda bıraz jūmystyŋ atqarylǧanyn, qoǧamdaǧy tärtıptı qalyptas­tyruda tūrǧyndardyŋ da ülesı baryn jäne Jergılıktı polisiia qyzmetınıŋ qūramyna uchas­kelık polisiia inspektorlary, iuvenaldyq, jol-pat­ruldık, tabiǧatty qorǧau poli­siiasy, äielderdı zorlyq-zomby­lyqtan qorǧau, arnaiy qabyldau ornynan äkımşılık qamauǧa alynǧan tūlǧalardy qabyldap-taratu bölımşelerı bırıktırılgenın atap öttı.
Al Astana qalasy Qoǧamdyq keŋesınıŋ töraǧasy Sansyzbai Esılov Jergılıktı polisiia qyzmetı Memleket basşysynyŋ bes institusionaldyq reformany jüzege asyruǧa baǧyttal­ǧan «100 naqty qadam» Ūlt jos­parynyŋ 30-qadamy boiynşa qūrylǧanyn, biyl 1 qaŋtardan bastap jūmysyn bastaǧan būl qyzmettıŋ qorytyndy esebı maŋyzdy ekenın aitty. Bır jyl­dyŋ özınde būl sala jaqsy jaǧy­nan körınıp, qoǧamǧa qajet­tılıgı baiqaldy. Zaŋ boiynşa Jer­gılıktı polisiia qyzmetı jylyna ekı ret esep beru kerek.
Odan keiın halyq aldyna şyqqan IID Jergılıktı polisiia qyzmetınıŋ basşysy Baqytjan Malybaev biylǧy jūmystardyŋ qorytyndysyn baiandady. Onyŋ mälımdeuınşe, Täuelsızdıktıŋ 25 jyldyǧy qarsaŋynda esep berıp otyrǧan Jergılıktı polisiia qyzmetı qyzmetkerlerınıŋ sany 1,5 myŋnan asady. Elor­da­nyŋ damu qarqyny men tūr­ǧyndar sany artuyn eskere oty­ryp, ıs jürgızuge qosymşa 200 ştattyq uchaskelık polisiia inspektorlary men 150 JPP Polky ofiserler qūramyn alu turaly ūsynysty Astana qala­synyŋ äkımdıgı qoldady.

10 myŋnan asa äkımşılık qūqyq būzuşylyq anyqtaldy
– Memleket basşysynyŋ nūsqauymen Jergılıktı polisiia qyzmetınıŋ qoǧamnyŋ mūqtajdyqtaryn qamtamasyz etu jäne onyŋ bereke-bırlıkte tūraqty damuy sekıldı negızgı baǧyttary aiqyndalǧan. Bızdıŋ bar küş-jıgerımızdı salyp jūmys ısteuımızge mındettelgen mäsele – ol qūqyq būzuşylyqtyŋ aldyn alu. Qaladaǧy jedel jaǧdailardyŋ jai-küiın eskere otyryp, şuly şaǧyn uchas­kelerde bırqatar aldyn alu ıs-şaralary öttı. Nätijesınde anyqtalǧan 10 myŋnan astam äkımşılık qūqyq būzuşylyq anyqtalyp, sonyŋ şeŋberınde 300 ıs jürgızıldı jäne 8 myŋnan asa azamat ışkı ıster organdaryna jetkızıldı, – dedı Baqytjan Malybaev.
Sonymen qatar, ekı kezeŋge bölıngen keŋ auqymdy aksiia­lar ūiymdastyryldy. Aldymen 25 qaŋtar men 25 mamyr aralyǧynda «Sälemetsız be! Men sızdıŋ uchaskelık poli­siia inspektoryŋyzbyn» aksiiasy öttı. 1 qyrküiekten 1 jeltoqsanǧa deiın jürgızılgen «Uchaske» atty ekınşı aksiia kezınde inspektorlar aulalar men päterlerdı aralap, aimaqtyŋ män-jaiymen tanysyp şyqty. Osy ıs-şaralar tūrǧyndardy tanuǧa, jaldamaly päterler jönınde, körşılerdıŋ mazasyn aluşylardyŋ äreketın anyqtauǧa, adamdardy esepke aluǧa, jalpy tolǧandyrǧan mäseleler jaily mälımet ji­nauǧa köp kömegın tigızdı.
Osyndai jūmystar barysynda 215 myŋnan astam päter men 40 myŋǧa juyq üilerge tekserıs jürgızılıp, 900 myŋǧa juyq tūrǧyndardyŋ mälımetı jinaldy. Sondai-aq, jalǧa berılıp otyrǧan 4 myŋnan astam päter anyqtaldy. Onyŋ ışınde 2,5 myŋy qazırgı taŋda Kırıster departamentınde tırkeude tūr. Iаǧni, solardyŋ esebınen el qazynasyna 11 ai ışınde 30 mln teŋgeden astam tabys tüsken.
Bügınde uchaskelık polisiia qyzmetkerlerıne qoǧamdyq polisiia kömekşılerı retınde PİK ştatynda tırkelgen 200-den asa konserj kömektesıp jür. Jalpy, polisiia kömekşılerı bolyp jürgen 1,5 myŋnan asa azamat bar. Olardyŋ habarlauy boiyn­şa 3 myŋnan astam äkımşılık qūqyq būzuşylyq anyqtalǧan. Äkımdıktıŋ qoldauymen qoǧamdyq kömekşıler arasynda erekşe közge tüsken belsendılerge jylyna 13 mln teŋge bölınedı.

Tūrǧyndar tılegı eskerıledı
Jergılıktı polisiia qyzme­tınıŋ basşysy biylǧy jūmys­tardan habardar etken soŋ jinalǧan jūrttyŋ saualdaryna jauap berdı. Qoiylǧan sūraqtardyŋ bırı däl qazırgı uaqytta özektı bolyp tūrǧan kölıkterge «Ş» belgısınıŋ jabystyryluy turaly boldy. Iаǧni, kölık jürgızuşılerınıŋ köbı osy belgını taqpaǧan jaǧdaida aiyppūlmen jazalanatynyna narazy. Būǧan Baqytjan Malybaev «Patruldık polisiia «Ş» belgısın ornatpaǧandarǧa aiyppūl salmaidy. Tek qana toqtatyp, eskertu jasaidy. Būdyrly doŋǧalaqqa auystyru är adamnyŋ öz qauıpsızdıgı üşın. Al arnauly belgını taǧyp alǧan, ärine jaqsy» dep jauap qatty.
Sondai-aq, tūrǧyn üi keşen­derınıŋ tūrǧyndary är kırebe­rıste ornatylǧan beinebaqylau üşın aqy töleitınderıne qyn­jylys bıldıretınderı jetkızıldı. Būl şaǧymǧa «Är tūrǧyn aiyna bar bolǧany 300 teŋge töleidı. Ol aldymen qylmystyŋ aldyn alu üşın, qauıpsızdık üşın jasalǧan şarua. Osy arqyly köptegen qūqyq būzuşylyq
azaidy» delıngen jauap berıldı.
Osy jiynda qalada ūialy tele­fondardyŋ köp qoldy bolatyny, bıraq polisiia qyzmet­kerlerı tauyp beruge kömek­tespeitını jaily şaǧymdan­ǧandar tabyldy. Soŋynda halyq­ty tolǧandyrǧan mäsele­ler­dıŋ bärı aldaǧy uaqytta nazarǧa alynatyny, sol boiyn­şa jūmystar atqarylatyny aityldy.

Orynbek ÖTEMŪRAT