Kelesı jyly elordadaǧy «Jerūiyq» saiabaǧy tolyǧymen jaŋǧyrtylady. Nysanda sportpen ainalysatyn jäne balalar oinaityn alaŋdar salynady. Atap aitqanda, basketbol, voleibol, futbol, tennis, t.b. sport türlerımen şūǧyldanuǧa jaǧdai jasalady. Skeit jäne vorkaut aimaqtary aşylady. Tiıstı injenerlık jelıler tartylyp, kärız jüiesınıŋ qūrylysy jürgızıledı. Mūny Almaty audanynyŋ äkımı Bektenbai Espolov mälımdedı. Audan tūrǧyndary arasynda jürgızılgen saualnamanyŋ nätijesınde saiabaqtyŋ jaŋa kelbetınıŋ jobasy äzırlendı.
GÜLZARLAR ŪLǦAIYP, VELOJOLDAR ŪZARDY
Biylǧy jyly audandy abattandyru baǧytynda bırşama ıster eŋserıldı. Sonyŋ ışınde Triatlon, Prezidenttık jäne Esıl özenı jaǧalauyndaǧy saiabaqtar velojoldar men jaiau jürgınşıler joldaryn qosu arqyly bırıktırıldı. Būl jūmys qala äkımınıŋ tapsyrmasymen jedeldetılıp, ekı aidyŋ ışınde atqaryldy. Qorytyndysynda qosylǧan demalys aimaqtarynyŋ jalpy kölemı 250 gektardy qūrady.
– Saiabaqtardy bırıktırudıŋ nätijesınde gülzarlardyŋ kölemı 1,9 million şarşy metrden asty. Velojoldar ūzyndyǧy 20 şaqyrymǧa jettı. Ekı basketbol alaŋy, osynşama futbol alaŋy salynyp, üstel tennisıne arnalǧan bes üstel ornatyldy. Balalardyŋ oiyn alaŋy, vorkaut aimaqtar, kögalda demaluǧa arnalǧan 13 aimaq aşyldy. Esıl özenı jaǧalauy boiynda ätkenşekter qoiyldy, – deidı B.Espolov.
QOǦAMDYQ KEŊISTIKTER KÖBEIDI
Sonymen qatar qoǧamdyq keŋıstıkterdı abattandyru jūmysy qarqyndy jürgızıldı. Jalpy, biyl Almaty audanynda adamdardy tartatyn 18 aimaq körkeitıldı. Būl jūmystan şet aimaqtar da şet qalǧan joq. Qoǧamdyq keŋıstıkter «Michurino», «Küigenjar», «Promyşlennyi» tūrǧyn alaptarynda aşyldy.
Qyrküiek aiynyŋ ortasynda M1 («Arqar») köpırı astynda jaŋa demalys aimaǧy paidalanuǧa berıldı. Onda graffitiler beinelenıp, sport alaŋdary ornatyldy. Jaryqtandyrylǧan demalys orny bırneşe aimaqqa bölındı. Vorkautqa, krossfitke arnalǧan aimaqtar, balalar alaŋy salyndy.
– Būl elordadaǧy ǧana emes, bırtūtas Qazaqstandaǧy taza auada sportpen, sonyŋ ışınde auyr atletikamen ainalysuǧa mümkındık beretın bıregei oryn. Bolaşaqta osyndai demalys aimaqtary köbeiedı dep oilaimyn. Ärine, osy jobany jüzege asyrǧanda sportpen jäne şyǧarmaşylyqpen ainalysatyn jastarǧa onyŋ qauıpsız jäne paidaly boluyn oilastyrdyq. Būl sport aimaǧyna ǧana emes, dala önerınıŋ art-galereiasyna ainaldy. Aimaqty bezendıruge ärtürlı qalalarda tūratyn suretşıler qatysty, – deidı audan äkımı.
AULALAR ABATTANDY
Bügınde audanda 420 aula bolsa, sonyŋ 396-sy, iaǧni 95 paiyzy abattandyrylǧan. Osy jyly 33 aulany keşendı abattandyru jürgızılse, 75-ın jöndeu-qalpyna keltıru jasaldy. «Oŋtüstık-Şyǧys» tūrǧyn alabynda B.Momyşūly 16, Ile 30 jäne R.Qoşqarbaev 80/1, mekenjailarynyŋ aulalary körkeitıldı. «İnternasionalnyi» jäne «Jeleznodorojnyi» tūrǧyn alaptarynda ekı şaǧyn baq salynyp, futbol jäne balalar alaŋdary ornatyldy.
– Keiıngı üş aida audandaǧy aulalardyŋ jartysyn aralap şyqtym. Sonyŋ barysynda bır kemşılıktı baiqadym. Abattandyrylǧan aulalarda şaǧyn arhitekturalyq formalardyŋ bärı qara jerge ornatylǧan. Sol sebepten bır qaraǧan adamǧa sūrqai körınıs bolyp elesteidı. Tūrǧyndardyŋ ötınışımen bız barlyq alaŋǧa jasandy gazon töseimız dep şeştık. Qorytyndysynda biyl bırneşe aulada mūny jüzege asyrdyq. Basqa aulalarda da būl jūmys jalǧasady, – deidı B.Espolov.
TŪRǦYNDAR ÖTINIŞTERINE QŪLAQ ASQANDA
Bır aita keterlıgı, Almaty audanynyŋ basşylyǧy tūrǧyndardyŋ ötınışterıne qūlaq asuǧa tyrysady. Jalpy alǧanda atalmyş audanda 300 myŋnan asa adam tūrsa, oǧan qarasty alty tūrǧyn alapty 95 myŋ adam mekendeidı. Olar äkımdıkke tıkelei jäne äleumettık jelıler, iKomek109 qyzmetı arqyly ötınışterın joldap jatady.
– Audanymyzdyŋ tūrǧyndary öte belsendı. Mäselen, ötken jyly 14 myŋ ötınıştı qarasaq, osy jyldyŋ toǧyz aiynda 18200 ötınış kelıp tüstı. «Adaldyq alaŋy» jobasynyŋ aiasynda front-keŋsege byltyr 10 myŋnan asa adam jügınse, osy jyly 7 myŋ adam ötınışterın jıberdı. Būl keŋsede ötınışterdı qaldyrumen qatar ärtürlı memlekettık qyzmetterdı aluǧa bolady. Tūrǧyndarmen qarym-qatynasqa arnalǧan būl öte yŋǧaily format. Bolaşaqta taǧy osyndai bırneşe keŋse aşudy josparlap otyrmyz, – deidı B.Espolov.
Onyŋ aituynşa, audan biudjetınıŋ aşyqtyǧyn qamtamasyz etu maqsatynda İnteraktivtı kartamen jūmys jürgızıledı. Būl resurs biudjetke qatysty barlyq mälımetpen tanysuǧa mümkındık beredı.
JOLDAR JÖNDELIP, KÖŞELER JARYQTANDYRYLDY
Audanda joldardy salu jūmysy da özektı. Mūnda jalpy ūzyndyǧy 314 şaqyrymdy qūraityn 365 köşe bolsa, sonyŋ 84-ınde asfalt joq. Būl – 59 şaqyrym. Osy jyly 39 köşege asfalt salu josparlanǧan. Sonyŋ 33-ınde tiıstı jūmystar aiaqtaldy. Audan äkımı qalǧan 6 köşenı jyl soŋyna deiın salyp bıtıremız dep otyr.
Jaryqtandyruǧa kelsek, būl tarapta ıs bıraz ılgerıledı. Bıraq atqarylatyn jūmystar älı de barşylyq. Atap aitqanda, 365 köşenıŋ 29-y jaryqtandyrylmaǧan. 420 aulanyŋ 18-ı qaraŋǧyǧa batyp otyr. Osy aulalardy ışkıoramdyq baǧdarlama arqyly jaryqtandyru josparlandy. Osy jyly 17 ortalyq köşe men küre joldardyŋ boiynda 3 myŋ şam auystyryldy.
Biylǧa josparlanǧan kögaldandyru jūmysy aiaqtaluǧa jaqyn. Osy jyly audan aumaǧynda 3 myŋ aǧaş otyrǧyzyldy.
QYSTYŊ QAMYN OILAǦANDA
Qys – qyr astynda. Ötken jyly qalaǧa qardyŋ mol tüskenı eldıŋ esınde. Sony eskerıp, audan äkımdıgı biyl aulalardan qar şyǧaru üşın bölek alty brigadany qūrmaq. Qazırgı taŋda merdıgerlermen sanitarlyq tazalau men qysqa daiyndyq barysy jan-jaqty talqylanyp jatyr.
Gazdandyru josparyna säikes «Jeleznodorojnyi» tūrǧyn alabyna tiıstı jelılerdı tartu jūmysy tolyǧymen aiaqtaldy. «Promyşlennyi» tūrǧyn alabynda būl ıs aiaqtaluǧa jaqyn. Tūrǧyndarǧa gazǧa qosylu mäselesın tüsındıru maqsatynda olar alaiaqtarǧa aldanbas üşın J.Jabaev 12/2 jäne Şalköde 3, mekenjailarynda ekı front-keŋse aşyldy. Osy keŋselerde senımdı 30 merdıgerdıŋ qyzmetı ūsynylady.
