Tūŋǧyş Prezident künı qarsaŋynda elordada «Jetı jol» problemalyq tūrǧyn üi keşenınıŋ üleskerlerıne päter kıltterı tabystaldy. Qala tūrǧyndary qonys toiyn 8 jyldan astam küttı. Qūrylysy ūzaqqa sozylǧan qūrylystyŋ aiaqtaluymen Nūr-Sūltan qalasy äkımdıgınıŋ uäkılettı ūiymy «Elorda qūrylys kompaniiasy» JŞS ainalysty.
«Tūŋǧyş Prezident künı qarsaŋynda Nūr-Sūltan qalasynyŋ äkımdıgı taǧy bır tūrǧyn üi keşenınıŋ qūrylysyn aiaqtady. «Jetı jol» tūrǧyn üi keşenı 2018 jyly problemalyq dep tanyldy. Bastapqy merdıgerdıŋ qūrylysy 2013 jyly bastaldy. 8 jyldan keiın «Jetı jol «TK-nıŋ 600-ge juyq üleskerı öz päterlerınıŋ kıltın aldy» dedı «Elorda qūrylys kompaniiasy» JŞS basqaruşy direktory Maqsat Şaiahmetov.
Tūŋǧyş Prezident-Elbasy Nūrsūltan Nazarbaevtyŋ bastamasymen 2020-2025 jyldarǧa arnalǧan «Nūrly jer» memlekettık tūrǧyn üi-kommunaldyq damu baǧdarlamasy qūryldy. «Elorda qūrylys kompaniiasy» JŞS memlekettık baǧdarlama aiasynda Nūr-Sūltan qalasy äkımdıgınıŋ vedomstvoaralyq komissiiasy ūsynǧan problemalyq nysandardyŋ qūrylysyn qarjylandyrady. Kompaniianyŋ basqaruşy direktorynyŋ aituynşa, 2021 jyldyŋ soŋyna deiın äkımdık «Elorda qūrylys kompaniiasy» JŞS aldyna 7,5 myŋ ülesker bar 18 nysandaǧy 57 üidıŋ problemasyn şeşu mındetın qoiǧan. Onyŋ ışınde 31 üidıŋ mäselesı şeşıldı, 4,3 myŋnan astam üleskerge öz päterlerın jöndeu üşın kıltter berıledı. Elorda üleskerlerınıŋ problemalyq mäselelerın 2022 jyldyŋ soŋyna deiın şeşu josparlanǧan.
«Men – «Jetı jol» tūrǧyn üi keşenınıŋ üleskerımın. Bız päterımızdı 8 jylǧa juyq küttık. Bügın – bız üşın quanyşty oqiǧa. Bız kıltımızdı aldyq» dep ülesker Jarasqan Baitasova quanyşymen bölıstı. Olga Vladimirovna – qonys toiyn toilaǧan jandardyŋ bırı. 600 üleskerdıŋ qatarynda bolǧan ol jyldar boiy öz baspanasyn küttı. «Men päterdı 8 jyldan astam uaqyt küttım. Barşaŋyzdy osy merekemen qūttyqtaǧym keledı, aqyry bız küttık. Bızdı qoldaǧany üşın Prezidentımızge ülken alǧysymyzdy bıldıremız» dedı «Jetı jol» TK päter iesı.
2019 jyldyŋ jazynda elordada 150-den astam tūrǧyn üi bolǧan. Memleket basşysynyŋ tapsyrmasy boiynşa ūzaq qūrylys jūmystaryn aiaqtau boiynşa jüielı jūmystar jürgızılude. 2019 jyldyŋ jarty jylynda 13 köppäterlı tūrǧyn üi keşenı salynyp, paidalanuǧa berıldı. 2020 jyly 20 köppäterlı tūrǧyn üi aiaqtaldy. Biyl elordada taǧy 57 problemalyq köppäterlı tūrǧyn üi keşenınıŋ qūrylysyn aiaqtau josparlanuda. Ülestık qūrylystyŋ ärbır nysany boiynşa qadamdyq ıs-şaralar jospary bar. Qūrylys jūmystarynyŋ aiaqtalu barysy – Memleket basşysynyŋ baqylauynda.
