JIGIT SŪLTANY men QAZAQ ARUY ANYQTALDY
Elordada kolledj studentterı arasynda ūiymdastyrylǧan «Qazaq qyzy» jäne «Äke – balaǧa synşy» baiqaularynyŋ jeŋımpazdary anyqtaldy. Qyzdar arasynda Kölık jäne kommunikasiia kolledjı studentı İndira Keŋes tört kezeŋnen sürınbei ötıp, jeŋımpaz atandy. Al jıgıtterdıŋ ışınen Tūran-Profi kolledjınıŋ studentı Jaŋaūlan Baltabekov suyrylyp şyqty.
Baiqau qalalyq Işkı saiasat basqarmasynyŋ qoldauymen «Bolaşaqqa baǧdar: ruhani jaŋǧyru» baǧdarlamasy aiasynda ötkızıldı. Maqsat – qazaq qyzdaryna tän inabattylyqty boijetkenderdıŋ boiyna sıŋıru, qoǧamdaǧy äke rölın aiqyndau, sondai-aq, otbasylyq, mädeni, ruhani qūndylyqtardy nasihattau.
Şara aldynda jasöspırım qyzdar arasynda qoǧam qairatkerı Orazkül Asanǧazy «Boijetken nazaryna» atty tärbie saǧatyn ötkızdı. Onda qazaq qyzyna tän tärbie, inabattylyq, ibalylyq, ızettılık jaiy söz bolǧan.
«Elbasy maqalasynda är ūlttyŋ ūlttyq qasietı bolady delıngen. Ana bır qolymen besıktı, bır qolymen älemdı terbetedı. Ūltty ūlt etetın – sol ūlttyŋ qyzdary, sol sebeptı de bügıngı saiysta qyzdardyŋ tärbiesıne basa nazar audarylyp otyr. Mūny ūlt bolaşaǧyn oilaudyŋ qamy dep bılıŋız. Eger äiel ana tılınde söilese, ūlt ana tılınde söileidı» dep söz söiledı ädılqazylar alqasynyŋ töraiymy Orazkül Asanǧazyqyzy.
Jıgıtter qauymy da önerlerın ortaǧa saludan aianyp qalmady. Özın-özı tanystyrudan keiın bozbalalar halqymyzdyŋ salt-dästürı men tarihyna qatysty sūraqtarǧa jauap berdı. Al «Önerım – ömırım» kezeŋınde qatysuşylar än aityp, bi bilep, ūlttyq aspapta oinady. Aqtyq saiysta jıgıtter auyr gır tasyn köterıp, bılek küşın synady.
Aita keteiık, saiys osymen ekınşı jyl qatarynan ötkızıldı.
Güldana TALǦATQYZY