JOǦALǦAN ZATTARDY TAUYP BEREDI

Astana qalasy Işkı ıster departamentıne qarasty Aqparattyq-analitikalyq ortalyq janynan Tabylǧan zattar biurosy aşyldy. Būdan bylai elordalyq azamattar jolşybai joǧaltyp alǧan qūjattaryn sol mekemeden tabuyna bolady.

Biuro qyzmetkerlerınıŋ negızgı qyzmetı – zaŋdy jäne jeke tūlǧalardyŋ joǧalǧan qūjattary men zattaryn qabyldau, tırkeu, beru jäne saqtau.

Ärbır kelıp tüsken qūjattar men zattar tırkeu jurnalyna jazylady. Sodan keiın arnauly seifte saqtalady. Qūjat ielerın tez arada anyqtau üşın tabylǧan zattardyŋ derektemelerı aqparattyq qamtamasyz etu bölımıne joldanady eken.

Tabylǧan zattar biurosynyŋ operatory Anar Habaidyŋ aituynşa, bügınde eluden astam adamnyŋ qūjaty tabylǧan. Olardyŋ ışınde türlı senımhattar, äskeri bilet, dip­lom, saqtandyru kartasy, bank esepşoty, attestat, tūrǧyn üige tırkeu kıtaby, jeke kuälık pen pasport, jürgızuşı kuälıgı, päter qūjaty, satu-satyp alu kelısımı, neke kuälıgı bar. Tıptı, Qairat esımdı azamattyŋ onnan astam qūjaty osynda jatyr eken.

«Tabylǧan zattar biurosyna radio­ak­tiv­tık jäne jarylǧyş zattar, äserı küştı ulardy, qaru jaraq pen oq-därılerdı saqtau üşın qabyldauǧa tyiym salynady. Astana qalasy aumaǧynan tabylǧan qūjattar tızımı departamenttıŋ elektrondy saitynda da jariialanady. Biuro jüielı türde jaŋar­ty­lyp otyrady» deidı operator Anar Habai.

Qūjattardyŋ saqtalu merzımıne kelsek, biuroǧa tüsken künnen bastap bır jyl. Al, tırkeu jurnalynyŋ saqtalu merzımı üş jyldy qūraidy. Tabylǧan qūjattar men zattardy qaitaru menşık iesınıŋ jazbaşa ötınışı negızınde jürgızıledı. Ötınışte tabylǧan zat iesınıŋ osy zatqa qūqyn rastaityn belgılerı men basqa da qajettı mälımetter körsetıledı.

Endı qūjatyn joǧaltqan kez kelgen azamat Sauran köşesı 7-üi mekenjaiynda ornalasqan Tabylǧan zattar biurosynyŋ 71-60-32 bailanys telefonyna habarlasyp, qūjatynyŋ bar-joqtyǧyn bıle alady.