Medisinalyq saqtandyru jüiesınde saqtandyrylǧan är azamat tölengen jarna mölşerıne qaramastan MÄMS arqyly medisinalyq qyzmetterdıŋ barlyq paketı boiynşa, onyŋ ışınde qūny qymbat tūratyn joǧary tehnologiialyq medisinalyq qyzmetterdı de tegın alady.
– Atalǧan 10-nan asa joǧary tehnologiialyq medisinalyq qyzmetterge – bas jäne moiyn arteriialarynyŋ endarterioektomiiasy, bas jäne moiyn qan-tamyrlarynyŋ endovaskuliarlyq embolizasiiasy, jambas-tıze buyndaryn reviziia jasau arqyly almastyru, terınıŋ allotransplantasiiasy, ekstra jäne intrakranialdy qantamyrlardy şunttau jatady, – dep tüsındırdı atalǧan auruhana direktorynyŋ medisinalyq qyzmet sapasyn baqylau jäne innovasiia jönındegı orynbasary Baqytjan Abdullaev.
Mysal retınde 19 jastaǧy Ä. esımdı azamattyŋ syrqat tarihyn aita ketuge bolady. Ol mūrnynan qan aǧyp, toqtamauyna bailanysty auruhananyŋ şūǧyl medisinalyq kömek körsetu bölımşesıne özdıgınen şaǧymdanyp kelgen. Därıgerlerdıŋ qarauynan, laboratoriialyq jäne diagnostikalyq tekserulerden keiın auruhananyŋ otorinolaringologiia bölımşesıne şūǧyl türde jatqyzylady. Nauqas soŋǧy 6 aida mūryn-jūtqynşaǧynda böten zat tūrǧandai sezımnıŋ paida bolǧanyn aitady. Auruhanaǧa kelgenge deiın eşqandai medisinalyq kömekke jügınbegen. Nauqasqa mūryn-jūtqynşaǧynyŋ qatersız ısıgı diagnozy qoiylady. Arnaiy daiyndyqtan keiın oǧan bas jäne moiyn qan-tamyrlarynyŋ endovaskuliarlyq embolizasiiasy otasy tegın jasaldy, MÄMS aiasynda jasalǧan qūny 4,7 mln teŋge tūratyn ota aqysyn medisinalyq saqtandyru qory töledı. «Maǧan körsetılgen medisinalyq kömekke dän rizamyn. Ota öte sättı öttı. Bölımşenıŋ därıgerlerıne, medbikelerı men tazalyqşylaryna, ärine, bölımşe meŋgeruşısıne alǧysymdy bıldıre otyryp, olardyŋ jūmystaryna sättılık tıleimın!» deidı 8 künnen keiın tolyq emdelıp, jazylyp üiıne şyqqan pasient.
