Elordada balalardyŋ qatysuymen bolatyn jol-kölık oqiǧalary azaimai tūr. Jol saqşylary kölık tızgındegenderdı tärtıpke şaqyrǧanymen, nätije az. Eskertuge qūlaq aspaǧandar esırıp, joldyŋ qarsy jolaǧyna şyǧyp ketıp, qas-qaǧym sätte jazataiym oqiǧalar tırkelude.
Qalalyq polisiia departamentınıŋ baspasöz qyzmetınıŋ habarlauynşa, jyl basynan berı Astanada balalardyŋ qatysuymen osyndai 11 oqiǧa tırkeldı.
Saǧat 17.30 şamasynda GAZ kölıgınıŋ jürgızuşısı Q.Amanjolov köşesımen Täuelsızdık daŋǧylyna qarai jürıp kele jatyp, belgılengen jerde joldan ötıp bara jatqan 14 jasar qyz balany qaǧyp ketken. Oqiǧa saldarynan kämeletke tolmaǧan qyz balaǧa medisinalyq kömek körsetıldı. Jol-kölık oqiǧasynyŋ faktısı boiynşa anyqtau jürgızılıp jatyr.
Astana qalasynyŋ polisiia departamentı «Balalardyŋ joldaǧy qauıpsızdıgı» jedel aldyn alu ıs-şarasy şeŋberınde jürgızuşılerdıŋ joldaǧy tärtıbın arttyrumen bırge kämeletke tolmaǧandardy joldardaǧy qauıpsızdıktı saqtaudyŋ negızgı erejelerı turaly habardar etıp, jasöspırımder arasynda tüsındıru jūmystaryn jürgızudı jalǧastyruda. Osyǧan bailanysty, atalmyş ıs-şara şeŋberınde köşe qiylystarynan ötu erejelerın būzǧany üşın 977 jürgızuşı, jaiau jürgınşılerge artyqşylyq bermegenı üşın 170 adam, arnaiy ūstap tūratyn qūrylǧysyz balalardy tasymaldaǧan 366 jürgızuşı äkımşılık jauapkerşılıkke tartyldy. Sonymen qatar, jol erejesın būzǧan 1143 jaiau jürgınşı anyqtaldy.
Jalpy, «Balalardyŋ joldaǧy qauıpsızdıgı» jedel aldyn alu ıs-şarasy kezeŋınde 700-den astam oqytu sabaǧy men 100-ge juyq seminar, sondai-aq aula aumaqtary men balalar alaŋdaryn jailastyru mäselelerın talqylai otyryp, jūrtşylyqtyŋ qatysuymen 40-qa juyq jiyn ūiymdastyryldy.
Is-şara şeŋberınde jalpy bılım beretın jäne mektepke deiıngı oqu oryndarynyŋ jaqyn maŋyndaǧy köşe-jol jelısıne tekseru jürgızıldı. Atalǧan jūmystyŋ qorytyndysy boiynşa oryn alǧan kemşılıkterdı joiuǧa 126 ūiǧarym berıldı.
