Jol-kölık jüiesı – şahardyŋ özegı

Elordanyŋ bas josparyna säikes 2023 jylǧa deiın qala qūrylysynyŋ bes perspektivalyq aimaǧy belgılengen. Bügınde Nūr-Sūltan qalasynyŋ jol jelısı 1109 köşeden tūrady. Olardyŋ jalpy ūzyndyǧy – 852,8 şaqyrym. Sonyŋ 648,1 şaqyrymyna nemese 76 paiyzyna asfalt töselgen.
Bıraq būl aimaqtardy injenerlık-kölık infraqūrylymymen qamtu jaǧynan tiıstı merzımnen köp keşıgu baiqaluda. Būǧan qosa, qaladaǧy joldardy salu men jöndeu, injenerlık jelılerdı tartu jyldamdyǧy tömen. Mūnyŋ basty sebebı – būl jūmystarǧa bölınıp jatqan qarjy jetıspei tūr.

JOLDARDYŊ 76 PAIYZYNA ASFALT TÖSELGEN

Nūr-Sūltan qalasy mäslihatynyŋ qūrylys, ekologiia, kölık, sauda jäne tūrǧyn üi-kommunaldyq şaruaşy­lyq mäselelerı jönındegı tūraqty komissiianyŋ otyrysynda osyny mälımdegen qalalyq Kölık jäne jol-kölık infraqūrylymyn damytu basqarmasynyŋ basşysy Nūrlan Soltambekov sonymen qatar keibır köşelerde kölık aǧynyn azaitu boiynşa mäsele tuyndap jatqanyn jetkızdı. Onyŋ aituynşa, Myŋ­jyldyq alleiasy, Tūran daŋǧyly, Mäŋgılık el daŋ­ǧyly, «Telman» tūrǧyn alaby, Ş. Beisekova köşesınde injenerlık jelıler men joldardy saluǧa jäne önerkäsıptık aimaqqa tiıstı jelılerdı tartuǧa biudjettık tapsyrys 405,3 mlrd teŋgenı qūraidy. Qazırgı kezde 79,6 mlrd teŋge ǧana igerıldı. Būl jūmystardy aiaqtauǧa 325 mlrd teŋgeden astam qarjy kerek. Būǧan qosa, jyljymaityn mülık nysandaryn memleket mūqtajdyǧy üşın qaitaryp, eskı üilerdı süruge 63 mlrd teŋge qajet.
Jalpy osy jyly jol-kölık infraqūrylymyn damytuǧa 37 mlrd teŋge bölındı. Sonyŋ negızgısı res­publikalyq biudjetten – 28 mlrd teŋge audaryldy. Jyl saiyn joldardyŋ kütımıne 15 mlrd teŋge qajet. Būl qarjyǧa joldardy ortaşa jäne aǧymdaǧy jöndeu, köpırler, turniketter siiaq­ty kölık infraqūrylymy nysandaryn retke keltıru kıredı.

BÖLINIP JATQAN QARJY JETPEI JATYR

«Bügıngı künge deiın 13 şaqyrymdy qūraityn 10 ortalyq köşe ǧana jöndeldı. «Agrogorodok», «Köktal», «Promyşlennyi» tūrǧyn alaptary men qalanyŋ oŋtüstık-şyǧys aimaǧynda jalpy ūzyndyǧy 6,8 şaqyrymǧa sozylatyn 14 köşege asfalt salyndy. Būǧan qosa, mektepter men balabaqşalarǧa aparatyn 4 köşenıŋ 2 şaqyrymyna asfalt töseldı. Bölınıp jatqan qarjy jetpei jatyr. Köşelerdegı jol jelısınıŋ jaǧdaiy syn kötermeidı. Işkı oramdyq joldar ortaşa jöndeusız qaldy. Būl joldardy audan äkımdıkterıne beru, iaǧni solardyŋ biudjetı esebınen joldardy jöndeu üşın qalany abattandyru erejesıne özgerıs engızudı ūsyndyq» degen N. Soltambekov tūrǧyn alaptardy damytudyŋ 2022 jylǧa deiın keşendı jospary äzırlengenın aityp, būl jūmys qalai jürgızıletının tüsındırdı.

JETI JOBA JÜZEGE ASYRYLYP JATYR

Şet aimaqtarda 21 mlrd teŋgege tiıstı jūmystar jürgızılmek. Sonyŋ ışınde joldardy ortaşa jöndeu 7 mlrd teŋgege jasalmaq. Biyl jetı joba jüzege asyrylyp jatyr. Būl – jalpy ūzyndyǧy 32 şaqyrymdy qūraityn 57 köşe. Oǧan 6 mlrd teŋge bölındı. Osy qarjynyŋ  500 milliony Şet aimaq­tardy damytu baǧdarlamasy boiynşa audaryldy. Būl qarjyǧa «Köktal-2» tūrǧyn alabynda jäne N. Tılendiev daŋǧylynan oŋtüstıkke  qarai injenerlık jelıler men joldardy salu josparlandy. Sonymen qatar «İnternasionalnyi» jäne «Michurino» tūrǧyn alaptaryna su qūbyryn tartu jūmystary jürgızılıp jatyr. Qūbyrdyŋ jalpy ūzyndyǧy – 11 şaqyrym.
«İnternasionalnyi», «Köktal-1» tūrǧyn alaptary men oŋtüstık-şyǧys aimaǧyndaǧy jobalarǧa tüzetu engızılıp jatyr. Saraptamalyq oŋ şeşımdı 2020 jyldyŋ 1 nauryzyna deiın alamyz dep josparlap otyrmyz. Tiıstı jūmystardy Şet aimaqtardy damytu baǧdarlamasy aiasynda kelesı köktemnen bastamaqpyz» deidı N. Soltambekov.

JAŊAJOL KÖŞESINIŊ «JYRY»

Qalalyq mäslihat deputaty Zeinolla Şıbkenov Jaŋajol köşesın keŋeitu mäselesın bırneşe jyldan berı köterıp jür. Otyrysta būl mäselenı qaita jaŋǧyrt­­­­qan ol jalpy alǧanda «Öndırıs» jäne «Kirpichnyi» tūrǧyn alaptaryndaǧy joldardyŋ köbısı jöndeudı qajet etetının, al osy künderge deiın jöndelgenınıŋ sapasy syn kötermeitının aitty. «Jaŋajol köşesın keŋeitu mäselenı şeşpeidı. Onyŋ sebebı, Üşqoŋyr köşesınen bastap, Aqjol köşesıne deiıngı jol bölıgın aşu kerek. Sonda Jaŋajol köşesınıŋ joly qosymşa retınde paidalanylady. Onymen tūrǧyn alaptar tūrǧyndary ǧana jüredı. Al tranzittık kölıkter Aqjol köşesımen qatynaidy» dep jauap berdı būǧan N. Soltambekov.
Onyŋ uäjıne kelıspegen deputat «Aqjol köşesın alty jolaqty etıp jasadyŋyz­dar. Bıraq sol­ǧa būrylysty jasaǧan joq­syz­dar. Joldy temır jol­dyŋ boiymen aşaiyn dep otyrsyzdar. Būl josparyŋyz ıske aspaidy. Sebebı būǧan qyruar qarjy qajet. Oǧan qaraǧanda, Jaŋajol köşesın keŋeitken köp jeŋıl. Özı qarjylyq esepteu jasadyŋyzdar ma? Mūnymen eşkım ainalyspaityn siiaq­ty ǧoi» dedı. Sondai-aq ­­­K. ­Kemeŋgerūly köşesınıŋ joly 10 santimetrge tömen jasalǧanyn, sonyŋ saldarynan jaŋbyr suy sol jerde tūryp qalatynyn aitty.
Kölık jäne jol-kölık infraqūrylymyn damytu basqarmasynyŋ basşysy osyǧan «Agrogorodok»,
«Öndırıs» siiaqty tūrǧyn alaptardy bolaşaqta önerkäsıptık aimaqqa ainaldyru josparlanyp otyrǧanyn, sondyqtan «qyzyl syzyq­tarǧa» säikes keletın aumaq­tarǧa ortaşa jöndeu jū­mystary eş jobalausyz jasa­latynyn jetkızdı.
Otyrysqa töraǧalyq etken Särsenbek Jünısov Şet aimaqtardy damytu baǧdarlamasyna 147 mlrd teŋge bölıngenın, biudjettı naqtylau kezınde mäselenı tiianaqtau kerektıgın aitty. Mäslihat deputaty Mäjit Şaidarov Y. Dükenūly köşesınde trotuar salynsa da, jol asfalttalmaǧanyn jetkızıp, osy mäselege nazar audardy.