Jol qauıpsızdıgı nazardan tys qalmaidy

Astanada ötken jyly 2017 jylmen salystyrǧanda jol-kölık oqiǧalary 9,4 paiyzǧa, jolda qaza tap­qandar 43,3 paiyzǧa, jaraqattanǧandar 10,4 paiyzǧa azaidy. Naqtyraq aitqanda, byltyr 16929 jol apaty tırkelse, aldyŋǧy jyly 17607 oqiǧa tırkeldı. Būl – el boiynşa eŋ tömengı körsetkışterdıŋ bırı, iaǧni elordada jol-kölık oqiǧalary men ondaǧy qaiǧyly jaǧdailar basqa aimaqtarmen salystyrǧanda sirek kezdesedı. Mäselen, ötken jyly 100 myŋ tūrǧynǧa şaqqanda bas qalada joldaǧy ölım-jıtım 3,3 paiyzdy qūraǧan. Al būǧan qatysty respublikadaǧy ortaşa körsetkış – 11,5 paiyz. Astanadaǧy jol qozǧalysynyŋ qauıpsızdıgı – Amsterdam (3,2) men Niu-Iork (3,2) qalalarynyŋ deŋgeiınde.

Astanada ötken jyly 2017 jylmen salystyrǧanda jol-kölık oqiǧalary 9,4 paiyzǧa, jolda qaza tap­qandar 43,3 paiyzǧa, jaraqattanǧandar 10,4 paiyzǧa azaidy. Naqtyraq aitqanda, byltyr 16929 jol apaty tırkelse, aldyŋǧy jyly 17607 oqiǧa tırkeldı. Būl – el boiynşa eŋ tömengı körsetkışterdıŋ bırı, iaǧni elordada jol-kölık oqiǧalary men ondaǧy qaiǧyly jaǧdailar basqa aimaqtarmen salystyrǧanda sirek kezdesedı. Mäselen, ötken jyly 100 myŋ tūrǧynǧa şaqqanda bas qalada joldaǧy ölım-jıtım 3,3 paiyzdy qūraǧan. Al būǧan qatysty respublikadaǧy ortaşa körsetkış – 11,5 paiyz. Astanadaǧy jol qozǧalysynyŋ qauıpsızdıgı – Amsterdam (3,2) men Niu-Iork (3,2) qalalarynyŋ deŋgeiınde. Osyndai statistikany joldaǧy qauıpsızdık mäselesıne arnalǧan qalalyq mäslihattyŋ tūraqty komissiialarynyŋ köpşılık tyŋdauynda Astananyŋ Polisiia departamentınıŋ äkımşılık polisiia basqarmasy bastyǧynyŋ mındetın atqaruşy Eljan Chupekov keltırıp, jol-kölık oqiǧalarynyŋ sebepterın, onda kımder kınälı bolyp tanylǧanyn atap öttı.

– Kölık jürgızuşılerınıŋ kınäsınen 373 oqiǧa oryn alyp, 22 adam qaitys boldy. Jaiau jürgınşıler 155 jol apatyna sebep bolyp, 12 adam qaiǧyly qazaǧa ūşyrady. Jol-kölık oqiǧalarynyŋ sebepterınıŋ bırı jürgızuşılerdıŋ retteuşısı bar qiylystardaǧy erejelerdı būzuymen bailanysty bolyp otyr. Atap aitsaq, jürgızuşıler qarsy kelgen kölıktı ötkızbegen. Osyndai jol apattary kezınde 4 adam köz jūmyp, 69 adam ärtürlı jaraqattardy alǧan, – dedı ol.
Onyŋ aituynşa, qalada jol-kölık oqiǧalaryn azaitu maqsatynda ötken jyly 15 qiylysta solǧa būrylystar alynyp tastaldy. Būl şarany qoldanuǧa mümkın bolmaǧan 24 qiylysta qosymşa baǧdarşamdar ornatyldy. Osy jūmys biyl da jalǧasady. Mūnyŋ üstıne jaiau jürgınşıler ötkelderıne retteuşılerdı köbeitu kerek.
Baiandamaşy jürgızuşılerdıŋ ūialy telefonmen söilesıp kele jatyp, jol apattaryn tudyratynyn rastady. Jalpy, byltyr 4 myŋnan astam jürgızuşıge aiyppūl salyndy. Ötken jyly şahar tūrǧyndary 4,8 paiyzǧa köbeiıp, kölık sany da 25 myŋǧa artqan. Jol-kölık jelısı keŋeigen. Alaida tūrǧyn üilerdıŋ qūrylysy jol-kölık jelısın saludan äldeqaida ılgerı keledı. Būl jaǧdai baǧdarşamdardy ornatudy keşeuıldetıp, jol-kölık oqiǧalaryn tudyryp jatyr.
Qalada ornatylǧan «Sergek», «Raidspid», «Vokord», «İntegro» beinekameralary jol-kölık oqiǧalaryn anyqtauǧa ülken septıgın tigızude. Mäselen, ötken jyly olar­dyŋ kömegımen 500 myŋǧa juyq qūqyq ­būzuşylyq anyqtalǧan. 2017 jylmen salystyrǧanda būl 6 esege köp. Biyl taǧy 4 myŋnan astam «Sergek» beinekameralaryn ıske qosu jos­parlanyp otyr. Osy qondyrǧylar 332 qiylysta ornatylady.
Aldyndaǧy otyrystarda qalalyq mäslihat deputattary «Sergek» beinekameralaryn şetkı aimaqtarda ornatu mäselesın bırneşe märte köterdı. Atap aitqanda, deputat Miras Şekenov «Ürker» tūrǧyn alabynda beinekamera kerek ekenın jetkızgen. İnvestisiialar jäne käsıpkerlıktı damytu basqarmasynyŋ basşysy Älışer Äbdıqadyrov «Ürkerde» tiıstı talapqa säikes baǧana ornatylatynyn mälımdep, būl mäsele şeşıletının aitty.

Sondai-aq qazır qalada velojoldar qūrylysy jaqsy jürıp jatqanyn aitqan M.Şekenov būl jūmysta bır närse eskerılmegenın jetkızdı. «Velojoldardy saldyq. Dūrys. Bıraq olardyŋ küre jolmen qiylysatyn tūstary mülde eskerılmegen. Būl qiylystarda tiıstı belgıler joq. Osy jaǧdai velosipedtı paidalanuşylarǧa qauıp tudyryp otyr» dedı deputat.
Onyŋ ärıptesı Saiat Batpenov osy oraida «Ürker» tūrǧyn alaby aumaǧynda jaqsy velojol salynǧanyn, alaida kölık jürgızuşılerı sony eskermei, sol aumaqta jol-kölık oqiǧalary oryn alatynyn aityp, būl jaǧdai qalai şeşılıp jatqanyn sūrady. Bırınşı sūraqqa jauap bergen Kölık jäne jol infraqūrylymyn damytu basqarmasynyŋ basşysy Ashat Qaraǧoişin velojoldar men küre joldar tüiısetın jerlerge belgıler salynatynyn jetkızdı. E.Chupekovtıŋ sözınşe, «Ürkerdegı» velojol aumaǧy da baqylauǧa alynǧan.
Qoǧamdyq kölıkterdıŋ qatysuymen bolatyn jol-kölık oqiǧalary byltyr 18 paiyzǧa azaiǧan. Alaida qazır qalada avtobus jürgızuşılerıne qatysty jaǧdai kürdelı. Bügınderı segız avtopark­te barlyǧy 1678 jürgızuşı jūmys ıstese, taǧy 796 jürgızuşı jetıspeidı. Mūny «Astana LRT» JŞS ökılı Jeŋıs Quandyqūly baiandady. Osy sebepten jürgızuşılerge tüsetın salmaq auyr bop tūr. Olar tört kün jūmys ıstep, bır kün ǧana demalady. Jol-kölık oqiǧalaryn tudyrularyna osy jaǧdaidyŋ äserı ülken.
Köpşılık tyŋdauda mäslihat deputattarynda qoǧamdyq kölık jürgızuşılerıne qatysty bıraz saualdar tuyndady. Būl mäsele bölek qaralatyn bolyp ūiǧaryldy. Jalpy alǧanda, osy otyrystan keiın qalada jol qauıpsızdıgı mäselesı qanaǧattanarlyq degen oi tüidık.