«EKSPO-2017» Halyqaralyq mamandandyrylǧan körmesı künderı qalanyŋ şalǧai aimaqtaryn körme ortalyǧymen bailanystyratyn 7 jaŋa Shuttle Bus baǧdary engızıldı. Mūny köşe-jol jelısınıŋ jüktemesın tömendetu üşın «ALAY-ASTRA» jäne «KeŋMart-ASTRA» kölıktık ortalyqtary ūiymdastyryp otyr.
Endı №500 Halyqaralyq äuejai – «Nūrly Jol» temır jol vokzaly, №501«Rahmet» OSO – Klinikalyq-oŋaltu ortalyǧy, №502-«Astana» M – «Arnau» TK, №503- «Alai» – «Arnau» TK kölıktık haby №504 – «Dostar-1» TK – Klinikalyq-oŋaltu ortalyǧy №505 – «Nūrly Jol» temır jol vokzaly – «Arnau» TK, №506 – «Kenmart» OSO – «Qazanat» ippodromy arasynda qatynaityn bolady. Sonymen qatar, №№ 10, 12, 15, 18, 35, 37, 40, 51, 53, 70, 102, 303 qalalyq baǧyttaryna qosymşa 50 kölık üstemelenıp, baǧdar küşeitıletın bolady.
Būl turaly astanalyq qoǧamdyq kölık qyzmetınıŋ jūmysyna qatysty mäseleler boiynşa brifingte jariia etıldı. Elordalyq Kölıktı dispetcherleu ortalyǧynyŋ basşysy Bauyrjan Seitov, «Astana LRT» JŞS jolauşylar kölıgı bölımınıŋ basşysy Beibıt Esjanov qoǧamdyq kölıktıŋ jūmysyn jaqsartu, qyzmet sapasy men qyzmet körsetu mädenietın joǧarylatu tūrǧysynda atqarylyp jatqan ısterge taldau jasady.
Bügınde qalalyq avtobus parkı 1 025 avtobustan tūrady, onyŋ ışınde 358-ı – kondisionerlermen jabdyqtalǧan jaŋa avtobustar. Jolauşylar tasymaly qyzmetıne 1192 jürgızuşı tartylyp, 1101 konduktor jol boiynda jūmys ısteude. Qoǧamdyq kölık qyzmetıne qala tūrǧyndary 4,5 myŋnan astam şaǧym tüsken. Arnaiy tekseruden keiın 52 jürgızuşı jäne 150 konduktor jūmystan bosatyldy.
Aigül UAISOVA
