Körşı elderdegı körsetkış köŋıl toltyrmaidy. Sondyqtan elımızde koronavirus infeksiiasynyŋ ekınşı tolqynyna daiyndyq qyzu. Osy maqsatta elordanyŋ barlyq emhanalarynda filtr-kabinet ıske qosyldy. Olardyŋ negızgı mındetı – JRVİ jūqtyrǧan nauqastardy oqşaulau.
Filtr-kabinetterde nauqastar PTR testten ötedı. Virus anyqtalǧan jaǧdaida nauqas ambulatorlyq baqylauǧa alynyp, emdeledı. Mūndaǧy basty maqsat – nauqasty pnevmoniia siiaqty auyr jaǧdaiǧa tüsırmeu. Jaqynda osyndai kabinettıŋ bıreuı qaladaǧy №10 emhanada aşyldy. Qalalyq qoǧamdyq densaulyq saqtau basqarmasynyŋ basşysy Timur Mūratov atalǧan emhanaǧa baryp, koronavirustyŋ ekınşı tolqynyna daiyndyq barysyn tekserdı. Onyŋ aituynşa, barlyq nauqas bazaǧa engızıledı, olardyŋ bırınen koronavirus anyqtalsa, basqalary bailanysta bolǧandar esebınde bolady. Medisina mamandary olardyŋ üiıne baryp, PTR testıleuden ötkızuı mümkın. Sol üşın mobildı brigadalar qūryldy. Al filtr-kabinetke tek belgılı bır sebeptermen emhanaǧa bara almaityndar keledı.
Basqarma basşysynyŋ mälımdeuıne qaraǧanda, äzırge elordadaǧy epidemiologiialyq jaǧdai tūraqty. Bügıngı taŋda stasionarlarda 87 nauqas em aluda. Ambulatorlyq mekemelerdegı 60 nauqas ta baqylauda. Olardyŋ keibırınde auru simptomsyz ötıp jatyr. Simptomy bar nauqastarǧa ambulatorlyq em-dom jasaluda. Sondai-aq bas därıger elorda ekınşı tolqynǧa daiyn ekenın jetkızdı. Bıraq bärı de auru jūqtyrǧandardyŋ sanyna bailanysty bolmaq. Äleumettık araqaşyqtyq saqtap, maska taqpasaq, nauqastardyŋ sany qaita artyp ketetını anyq.
«Qalanyŋ densaulyq saqtau jüiesı 5 600 tösek-oryn men 434 İVL apparat jäne basqa da jabdyqpen qamtylǧan. Sondyqtan bız auru sanyn ösıruge jol bermeuımız kerek. Ärbır adam auyrmaudyŋ jolyn ızdep, barlyq sanitarlyq talaptar mültıksız oryndalsa, ekınşı tolqyn bızdı ainalyp ötuı mümkın» dedı spiker.
