Elordada köktemgı jügıru ıs-şarasy öttı. Triatlon saiabaǧynda 500 äuesqoi jügıruşı jarys jolyna şyqty.
Soŋǧy jyldary elordada būqaralyq sportqa qatysuşylar sany artyp keledı. Sondai köpşılıkke arnalǧan sporttyq ıs-şaranyŋ bırı «Astana run» jobasy aiasynda ūiymdastyrylǧan köktemgı jügıru jarysy boldy. Eŋ bastysy – ıs-şaraǧa qatysqan astanalyqtar jügıru arqyly bır-bırımen tanysyp qana qoimai, densaulyqtaryn şyŋdap, boi sergıtıp, köŋılderın köterıp qaitty. Ärbır qatysuşyǧa qalanyŋ sänıne ainalǧan ǧimarattary, säuletterı beinelengen medal berıldı. Şyn mänınde köktemgı jügıru elordanyŋ bır trendıne ainalyp bara jatqanyn körsettı.
«Astana run – 4 kezeŋnen tūratyn ärı qalanyŋ türlı jerınde ötetın erekşe saiys. Keiıngı jyldary Astana köşıp keluşılerdıŋ sany boiynşa köşbasşylardyŋ qataryna kıredı. Sondyqtan dästürlı bäsekemızdıŋ är kezeŋınde şamamen 30 paiyz qatysuşy bırınşı ret qatysady. Olar tek jügırıp qana qoimai, hobbiıne säikes adamdarmen tanysyp, qalaǧa tez sıŋısıp ketedı» deidı jarys ūiymdastyruşysy Janat Qojahmetov.
«2019 jyldan keiıngı resmi alǧaşqy jarysym – būl. Salystyrmaly türde jügıru soŋǧy kezde trendke ainaldy. Alaida osyndai ürdıs monoqalalarda da jalǧasyn tapsa eken deimın. Sebebı kışı qalalarda jügıru, velosiped jürgızu älı salauatty ömırdıŋ bır bölşegı retınde tolyqqandy sanalmaidy» dedı Asyl esımdı qatysuşy.
Jalpy «Astana run» jügıru jobasy 4 kezeŋde ötedı. Alǧaşqy köktemgı jügıruge 18-29, 30-39, 40-49, 50-59, 60 jastan joǧary sanattaǧy adamdar 5 şaqyrymǧa jügırse, 10-17 jastaǧy jasöspırımder 1 şaqyrymǧa, al 3-9 jas aralyǧyndaǧy balalar 400 metrge jügırdı. Äuesqoi jügıruşıler endı jazǧy, küzgı jäne qysqy jügıru merekelerın kütedı.
