Keşe Muzykalyq jas körermen teatrynda Astana qalasy äkımdıgınıŋ tıkelei qoldauymen ūiymdastyrylyp, elordanyŋ 25 jyldyq mereitoiyna arnalǧan respublikalyq BAQ ökılderı baiqauynyŋ jeŋımpazdary marapattaldy. Saltanatty şaraǧa memleket jäne qoǧam qairatkerlerı, qala basşylyǧy, qalalyq mäslihat deputattary, qalamgerler men ziialy qauym ökılderı, baiqaudyŋ konkurstyq komissiiasyn qūraǧan belgılı jurnalister, mediasarapşylar qatysty.
Astana qalasy äkımınıŋ orynbasary Eset Baiken jinalǧan qauymdy elordanyŋ 25 jyldyq mereitoiymen qūttyqtai kele, BAQ-tyŋ bas qalanyŋ tynys-tırşılıgındegı alatyn ülken ornyna toqtaldy.
– Tarihqa köz jügırtsek, däl 25 jyl būryn Aqmola qalasynda bar-joǧy 20-ǧa juyq būqaralyq aqparat qūraly jūmys ıstegen eken. Qazır elordamyzda 640-tan astam BAQ halyqqa qyzmet körsetude. Sonyŋ ışınde 30-dan astam telearna bolsa, 490-nan astam baspa basylymy, 137 internet basylymy tırkelgen. Bükıl elımızdıŋ jarşysy elordamyzda şoǧyrlanyp, memlekettık qyzmet, elordamyzdyŋ tynys-tırşılıgı, Ükımettegı jaŋalyqtar qamtylady. Özımızdıŋ qyzmetımızde osy salaǧa köŋıl audaru – basty mındetterımızdıŋ bırı. Osyǧan dälel Memleket basşysy Qasym-Jomart Kemelūly Toqaev özınıŋ bır sözınde būqaralyq aqparat qūraldary elımızde memleket tarapynan erekşe nazar audaratyn sala ekenın, öz ısınıŋ maitalmandary, jurnalister ärdaiym qoldauǧa ie bolatynyn atap ötken, – dedı Eset Baiken.
Qala basşysynyŋ orynbasary baiqaudyŋ maqsaty jaiynda aita kele: «elordamyz turaly erekşe maqalalar şyqsyn, elordamyzdyŋ tynys-tırşılıgı, damu ürdısı, tarihy, qyzyqty tarihi sätter jaryq körsın dep oiladyq. Būl baiqau bır jarym ai būryn jariialandy. Kütkenımızden artyq nätijege qol jetkızıp otyrmyz, 100-den astam ötınım kelıp tüstı. Bır jūmystyŋ bır jūmystan artyqşylyǧy köp, kemı joq. Üzdıkterdı taŋdau qiynǧa tüsıp, qazylar alqasynyŋ qūramynda jurnalistika salasynyŋ maitalmandary boldy. Menıŋ oiymşa, ädıl şeşım şyǧaryldy. Taiauda ǧana ötken «Tūmar» baiqauynyŋ nätijelerın eseptei kele, bızdıŋ baiqaumen sabaqtastyryp, ortaq nätijege qol jetkızdık. Būl baiqau elordamyzdyŋ aiasynan asyp, öŋırlerdıŋ jurnalisterı de qatysyp, top jardy. Osy mereitoilyq baiqau jalǧasyn tauyp, dästürge ainalady degen oiymyz bar» dedı.
Memleket jäne qoǧam qairatkerı Quanyş Sūltanov jurnalistikanyŋ ötkenı men bügını turaly aita kele, qazırgı BAQ artyqşylyǧyn söz ettı.
– Jurnalistikanyŋ är däuırge, är zamanǧa bailanysty ösıp-örkendeu kezeŋderı bolyp, ejelden özıne tän ötkırlıkpen, şynaiylyqpen, sapa men qoǧam mäselesıne belsendı aralasyp kele jatqan eŋ bır özektı sala. Bügıngı jurnalistika, baspasöz, būqaralyq aqparat qūraldarynyŋ jūmysy men örısındegı basty qūndylyǧymyzdy aitsam, memlekettık, ūlttyq täuelsızdıgımızdıŋ arqasynda, ruhani erkındıgımızdıŋ arqasynda örısımız keŋ, öremız biık, bet-jüzımız aşyq jaŋa ūrpaqpen bırge jaŋa Qazaqstannyŋ ösuıne kuä bolyp, sonyŋ bel ortasynda kele jatyrmyz, – dedı Quanyş Sūltanov.
Jüzden jüirık şyqqan jurnalisterdı Astana qalasy mäslihatynyŋ töraǧasy Erlan Kanalimov, «Qazaq gazetterı» JŞS bas direktory, belgılı ǧalym, akademik Dihan Qamzabekūly, Aqparat jäne qoǧamdyq damu ministrınıŋ orynbasary Eldar Tolǧanbaev, «Habar» Agenttıgı» AQ basqarma töraǧasy Berık Uäli, belgılı radio jäne telejurnalist Qymbat Dosjan marapattady.
Jalpy atalmyş baiqauǧa jetı atalym boiynşa barlyǧy 100-den astam ümıtker materialdaryn ūsyndy. Top jarǧan jurnalisterdıŋ arasynda «Elorda Aqparat» JŞS-ıne qarasty «Astana aqşamy», «Vecherniaia Astana» gazetı redaksiialarynyŋ jäne Elorda.info saitynyŋ qyzmetkerlerı boldy.
Atap aitqanda «Üzdık jurnalist-sarapşy» atalymynda bırınşı oryndy Gülşat Seraly («Astana aqşamy» gazetı) ielendı. «Vecherniaia Astana» gazetınıŋ tılşısı Maksim Udod osy atalymda üşınşı oryndy aldy, al ekınşı oryn «Egemen Qazaqstan» gazetınıŋ ştattan tys tılşısı – Arnūr Asqarǧa būiyrdy.
«Üzdık fotoreportaj» atalymynda «Astana aqşamy» gazetınıŋ fototılşısı Sūltan Seiıt üşınşı oryn jüldesın Erlan Omarovpen («Egemen Qazaqstan» gazetı) bölıstı. Būl atalymda bırınşı oryn Şükır Şahaidyŋ, ekınşı oryn Vladislav Vodnevtıŋ qanjyǧasyna bailandy.
«Äleumettık jelıdegı Astananyŋ 25 jyldyǧy turaly üzdık material» arnaiy atalymynda Elorda.info saityndaǧy ärıptesımız Saltanat Jaqypova üşınşı oryndy ielendı. Ekınşı oryndy Renat Täşkenbaev alsa, bırınşı oryndy belgılı jurnalist Qainar Oljai jeŋıp aldy.
Basqa atalymdardaǧy jüldeler tömendegıdei bölındı:
«Üzdık şoluşy» – 1-oryn – Nazira Baltaşeva («Golos naroda» aqparattyq agenttıgı), 2-oryn – Äbubäkır Smaiylov («Jas qazaq» portaly), 3-oryn – Äigerım Mūsataeva («Liter.kz» saity);
«Üzdık radioreportaj» – 1-oryn – Dulat Abibullaev («Qazaq radiosy»), 2-oryn – Rauşan Sybanjanova («Halyq radiosy»), 3-oryn – Azamat Tılepov («Qazaq radiosy»);
«Üzdık telesiujet» – 1-oryn – Mark Briuşko («Jıbek joly» telearnasy), 2-oryn – Ǧabit Bökenbai («Qazaqstan» telearnasy), 3-oryn – Dinara Äbdırova («24 kz» telearnasy);
«Üzdık mobilograf» – 1-oryn – Ūlan Äbışev («Qazkontent» AQ), 2-oryn – Äigerım Erjanova («Evraziia» bırınşı arnasy), 3-oryn – Abai Uahit («Amanat» partiiasy);
Bırınşı orynǧa – 1 000 000 teŋge, ekınşı orynǧa – 500 myŋ teŋge, üşınşı orynǧa – 300 myŋ teŋgenıŋ sertifikaty tapsyryldy. Marapattau şarasy muzykalyq nömerlermen körkemdelıp, Muzykalyq jas körermen teatrynyŋ ärtısterı, Zarina Omarova, Dosymjan Taŋatarov, Aidar Jūmabai, Altynbek Äbılda men Äigerım Amanjolova öner körsettı.
