«Aialaǧan Astana» jeŋımpazy endı «Jaŋa tolqynda» baǧyn synamaq.
Qala künıne arnalǧan merekelık şaralar aiasynda «Aialaǧan Astana» atty respublikalyq jobanyŋ aqtyq kezeŋı ötıp, jüzden jüirık anyqtaldy. Endı «Artek» lagerındegı balalardyŋ Halyqaralyq «Jaŋa tolqyn» än baiqauynda el namysyn astanalyq önerpaz Mūhammedälı Jügınısov qorǧaityn boldy. Sonymen bırge oǧan 1 million teŋge kölemındegı aqşalai syilyq tapsyryldy.
«Euraziia» bırınşı arnasynyŋ» tıkelei efirınde körsetılgen baiqaudyŋ finaly üş künge sozyldy. «Balalyq şaqtyŋ änūrany» kezeŋınde qatysuşylar balalar repertuaryndaǧy änderdı oryndady. Ekınşı künı olar käsıbi änşılermen bırge duet qūryp, tanymal multfilm änderın şyrqasa, saiystyŋ aqyrǧy künınde kışkentai änşıler atamekenge, eŋselı elordanyŋ tuǧan künıne patriottyq änderın tartu ettı.
Finalǧa 17 qatysuşy şyqsa da, daiyndyq barysyndaǧy bır aidyŋ ışınde ūiymdastyruşylar olardyŋ keibıreuın duet pen trioǧa bırıktırgen bolatyn. Körermen nazaryna är künı 12 nömır körsetılıp otyrdy. Büldırşınder «Zaratushtra Band» orkestrınıŋ süiemeldeuımen jandy dauysta än salyp qana qoimai, qoiylym tärızdes nömırlerınde akterlık şeberlıkterın de baiqatty. Bır ai boiy vokaldan sabaq alǧan olar dūrys tynys aludy, notadan auytqymaudy üirengendıkterın aitady. Onysy aiqyn körınedı. Sebebı balalar änmen qosa, jügırıp te, sekırıp te, qiyn-qiyn qimyl qozǧalystaryn jasap, bi bilep te ülgerdı. Al, sahnada bärın ūştastyryp, ändı jetkıze bılu ekınıŋ bırınıŋ qolynan kele bermeitını ras. Osy erekşelıkterdı qazylar alqasyndaǧylar ünemı tılge tiek etıp, änge degen qūştarlyqtaryna taŋdanystaryn jasyrmady. Qazylar alqasynyŋ qūramynda Baiǧali Serkebaev, Janar Aijanova, Jūbanyş Jeksenūly, Sergei Lazarev, Timati, Iýlianna jäne joba prodiuserı Lina Arifulina boldy. Sonymen qatar, halyq ta qatysuşylardyŋ önerın baǧalap, sms-habarlama arqyly dauys beru mümkındıgıne ie boldy.
Oral qalasynan kelgen Daniia İşanqūlova «Körermen közaiymy» atandy jäne 1-oryndy enşıledı. Al, 2-oryn «Balapanchiki» triosyna jäne Janaikerım Ötegenovaǧa būiyrdy. Almatylyq Iаsmin Majitova jüldelı 3-orynnan körındı. Sonymen qatar, Astana qalasynyŋ äkımdıgı atynan arnaiy syilyq Nastia Perşikovaǧa, al «Nūr Otan» partiiasynyŋ atynan qyzylordalyq Dias Omarǧa tapsyryldy.
Al, finalda eŋ joǧary ūpai sanyn jinaǧan Mūhammedälı Jügınısov gran-pri iegerı atandy. Jeŋımpaz ekenın estıgende ol: «Barşaŋyzǧa rahmet! Men öte baqyttymyn!» dep, quanyştan közıne jas aldy. «Qabıletıŋdı kım baiqady?» degen sūraǧymyzǧa ol: «Bır künı aǧam Rüstem «Nosa» degen än salyp jürgen. Men bolsam, qosyla kettım. Dauysymdy estıp, «Mä, Mūhammedälı taǧy aitşy» dep taŋǧaldy. Söitıp, maǧan da köp närsenı üirete bastady. Al, vokalmen 6 jasymnan bastap ainalystym. Men bolaşaqta äigılı Maikl Djekson, tym qūrymaǧanda aǧam siiaqty änşı bolǧym keledı» dep jauap berdı. «Anam artqa qaramai, alǧa ūmtylu kerek ekenın ünemı aityp otyrady. «Jaŋa tolqynda» da gran-prige qol jetkızemın degen senımım mol» deidı ol.
UYZ LEBIZ
Roza RYMBAEVA, Qazaqstannyŋ halyq ärtısı: – Eŋ talantty, eŋ ädemı balalar öner körsettı. Ärqaisysy eşkımdı qaitalamaityn, eşkımge ūqsamaityn dara daryn iesı. Jeŋbegender eŋselerın tüsırmesın. Men de jastaiymnan talai baiqauǧa qatystym. Bıraq menıŋ basty konkurstarym on segız jasymnan bastaldy. Al būl balalar, tıptı, kışkentai! Iаǧni, olardyŋ ömırındegı muzyka merekelerı älı alda. Än – öz ışımızde. Ol qanattandyrady, baqytty etedı. Eŋ bastysy, muzykany şyn süiu kerek!
Janar AIJANOVA, änşı: – Adamnyŋ talaby, qabıletı kışkentai kezınen baiqalady. Boida körıngen sol qasiettı uaqytynda baptap, şyŋdau kerek. Al, «Aialaǧan Astana» – şyǧarmaşyl balalardyŋ tılekşısı. Ökınışke qarai, bızdıŋ kezımızde mūndai mümkındıkter bolǧan joq. Baiqaudyŋ üşınşı künınde qazylar alqasyna şaqyryldym. Kelgen boida, ūiymdastyruşylar «Mūhammedälı degen bala bar. Alǧaşqy künnen-aq jaqsy körınıp, joǧary ūpai jinap kele jatyr» dep bızge aldyn ala qūlaqqaǧys ettı. Qanşa degenmen «ädıl qazy» degen atymyz bar ǧoi, «Eşkımdı bölıp jarǧymyz kelmeidı. Äuelı bärın tyŋdap alaiyq. Keiın tiıstı baǧalaryn qoiamyz» dedık. Estıdık, kördık. Şynymen Mūhammedälı közge ottai basyldy. Dauysy jaqsy, top jaruǧa laiyq eken! Būl balalardyŋ joldary aşyldy. Vokaldan sabaq aldy, sahna mädenietın meŋgerdı, akterlık şeberlıkke üirendı. Tıptı, sahnaǧa şyǧyp ketken kei ärtısterden de asyp tūr. Endıgı menıŋ oiym, jüldege ie bolǧandar jetekşılerın tauyp, al qalǧandary köleŋkede qalyp qoimasa eken.
Mädina JAQYP
