«Qostanai, bız bırgemız!» qaiyrymdylyq şarasy aiasynda elordalyq Qazaqstan halqy Assambleiasy örtten zardap şekken Qostanai oblysynyŋ tūrǧyndaryna 40 tonna gumanitarlyq kömek jıberdı. Qazır eldıŋ är öŋırınde Qostanai oblysyndaǧy alapat ört saldarynan baspanasyz qalǧan otbasylardy qoldau maqsatynda arnaiy ştabtar qūrylyp, qarjylai jäne zattai kömek körsetude. Sauapty ıske elordalyqtar da belsendılık tanytyp jatyr.
Nūr-Sūltan qalalyq Qazaqstan halqy Assambleiasy qaiyrymdylyq aksiiasyna bastamaşy boldy. Oǧan elordanyŋ etnomädeni bırlestıgınıŋ ökılderı, QHA käsıpkerler qauymdastyǧy, Nazarbaev universitetı Joǧary biznes mektebı tülekterınıŋ qauymdastyǧy, «Alumni of Nazarbayev University School of business» KEŪ, mesenattar, biznesmender jäne qala tūrǧyndary atsalysty.
Nūr-Sūltan qalasy «Dostyq» üiınde ūiymdastyrylǧan qaiyrymdylyq aksiiasy barysynda örtten zardap şekken oblys tūrǧyndaryna 15 million teŋgege juyq azyq-tülık, tösek-oryn jabdyqtary jäne bırınşı kezekte qajettı zattary bar 40 tonnaǧa juyq gumanitarlyq kömek jıberıldı.
– Qostanai oblysynda alapat ört ärbırımızdıŋ qabyrǧamyzdy qaiystyrdy. Qiyn jaǧdaida qalǧan otandastarymyzdy qoldau – azamattyq mındetımız. Elordadan 8 tonna jük tielgen alǧaşqy kömek jeksenbı künı ketse, bügın taǧy 40 tonna jük tiep jıberdık. Eldıŋ bırlıgın körsetetın igılıktı ıske atsalysuǧa niettı azamattar taǧy da qajettı zattardy jinap jatyr, – dep atap öttı qalalyq ışkı saiasat basqarmasynyŋ basşysy Däuren Babamūratov.
Gumanitarlyq kömek ört şalǧan aimaqtaǧy tırşılıktı qamtamasyz etuge, örtengen üiler men infraqūrylymdy qalpyna keltıruge baǧyttaluda.
– QHA qostanailyqtardyŋ basyna kün tuǧanda, qarap otyra almady. Işkı saiasat basqarmasymen bırlesıp, Qostanaiǧa kömek körsetıp jatyrmyz, – dep atap öttı QHA müşesı, «Dustlik» QR özbekter qauymdastyǧy töraǧasynyŋ orynbasary Hasan Şaripov.
