Astana qalasy äkımdıgınıŋ Jūmyspen qamtu ortalyǧynda bos oryndar järmeŋkesı öttı.
Järmeŋkege keluşılerdıŋ denı jastar boldy. Sol künı olar bır uaqytta bırneşe jūmys beruşımen äŋgımelesuge mümkındık aldy. Äsırese, oqu oryndarynyŋ tülekterıne «Jūmyspen qamtu jol kartasy – 2020» baǧdarlamasy aiasynda jastar praktikasyna qatysa alatyny tüsındırılıp, halyqtyŋ nysanaly toptaryna jatatyn jandarǧa äleumettık jūmys oryndary ūsynyldy.
Qalalyq Jūmyspen qamtu ortalyǧynyŋ direktory Oljas Omardyŋ aituynşa, biyl ärtürlı jeke menşık nysanyndaǧy jūmys beruşılermen, atap aitsaq, «Halyq bankı» AQ, «Joǧarǧy sottardyŋ apparaty» MM, İndustriia jäne jaŋa tehnologiialar ministrlıgınde 912 bos orynǧa zaŋger, ekonomist, esepşı, baǧdarlamaşy, metrolog, menedjer, äleumettık jūmysşy jäne t.b. mamandyqtar boiynşa 123 şart jasalypty.
Qazırgı uaqytta Jūmyspen qamtu ortalyǧy jastar praktikasyn ūiymdastyru boiynşa qalalyq jūmys beruşılerden ötınım qabyldauda. Sonymen bırge mūnda üş ai oqu merzımımen «aspaz», «tıgınşı», «mektepke deiıngı bılım beru tärbieşısı», 10 ai oqu merzımımen «bailanys montajşysy-kabelşı», «tıgınşı», «pışuşı», «kütuşı-kışı meiırbike» mamandyqtary boiynşa käsıptık beiımdeuden ötuge tılek bıldırgenderden ötınışter qabyldanuda. Baǧdarlamaǧa qatysu üşın jūmyssyz azamattar audany boiynşa jūmyssyz retınde tırkelıp, Jūmyspen qamtu ortalyǧyna kelıp ötınış jazuy qajet.
Gülbarşyn ÖKEŞQYZY
