JŪMYS JÄRMEŊKESI
Bügın saǧat 10.00-13.00 aralyǧynda Beibıtşılık köşesı, 25 mekenjaiynda ornalasqan «Örken» ıskerlık ortalyǧynyŋ 2-qabatynda bos jūmys oryndary järmeŋkesı ūiymdastyrylady.
Atalǧan şarany Astana qalasynyŋ äkımdıgıne qarasty Jūmyspen qamtu ortalyǧy ötkızedı. Järmeŋkege 25-ten asa elordalyq jūmys beruşı qatyspaq. Olar 2 myŋdai jūmys ornyn ūsynady.
Ekı qolǧa bır kürek ızdegen jastar «Jūmyspen qamtu jol kartasy – 2020» baǧdarlamasy şeŋberınde arnaiy praktikaǧa baryp, zor täjıribe jinai alady. Sonymen qosa, halyqtyŋ nysanaly tobyna jatatyn azamattardyŋ äleumettık jūmysqa tūruyna ülken mümkındık qarastyrylǧan. Järmeŋke barysynda Jūmyspen qamtu ortalyǧynyŋ mamandary qaita oqytu men mamandyq alu turaly keŋes beredı.
Aita keteiık, jyl basynan berı Astanada 3265 jaŋa jūmys orny aşyldy. Onyŋ ışınde 245-ı – önerkäsıp, 692-sı – sauda, 175-ı – kölık jäne bailanys, 490-y – bılım jäne densaulyq saqtau, 498-ı – qūrylys jäne kommunaldyq şaruaşylyq, al 1165-ı ekonomika salasyna qatysty.
astana-akshamy.kz