Halyqty nätijelı jūmyspen qamtu jäne azamattardy käsıpkerlıkke tartu maqsatynda elordada naqty jūmys atqarylyp jatyr. Qalalyq Tekseru komissiiasy «Eŋbek» memlekettık baǧdarlamasynyŋ jekelegen ıs-şaralaryn ıske asyru tiımdılıgıne memlekettık audit jürgızıp, kezektı otyrysynda onyŋ qorytyndylary turaly mäselenı qarady.
Tekseru komissiiasynyŋ töraǧasy İmanjüsıp Aqpanbaev audit Nūr-Sūltan qalasynyŋ «Jūmyspen qamtu jäne äleumettık qorǧau basqarmasy», «Bılım basqarmasy» memlekettık mekemelerı men Jūmyspen qamtu ortalyǧyna jürgızılgenın atap öttı. Öz kezegınde komissiia otyrysyna osy mekemelerdıŋ basşylarymen bırge komissiia müşelerı qatysty.
Otyrys barysynda söz alǧan komissiia müşesı Amandyq Moldaşev, atqarylyp jatqan jūmystarǧa qaramastan, atalmyş mekemelerde biudjet qarajatyn josparlau jäne paidalanu kezınde QR zaŋnamasy normalarynyŋ būzuşylyǧy jalǧasyp jatqanyn jetkızdı. Osylaişa «Eŋbek» baǧdarlamasyna qatysuşylardy tehnikalyq jäne käsıptık bılımmen qamtamasyz etu» bölıgınde «Eŋbek» baǧdarlamasynyŋ bırınşı baǧytynyŋ oryndaluyna jürgızılgen taldau jäne baǧalau belgılengen körsetkışterdıŋ oryndalmaǧanyn körsettı.
Oqu bıtırgennen keiın jastardyŋ basym bölıgı diplommen jūmysqa ornalasuǧa asyqpaidy. Tıptı bügıngı taŋda eŋbek naryǧynda asa sūranysqa ie elektrik, modeler-pışuşı, lift elektromehanigı, sandyq aqparatty öŋdeu jönındegı maman degen mamandyqtary bola tūra, jürgızuşı, äkımşı, art-menedjer, şaştaraz, makiiaj suretşısı, kassir, hatşy, rieltor, sanitar, jük tiegış syndy ärtürlı jūmysşy mamandyǧymen nan tauyp jürgender jeterlık.
Sonymen qatar Bılım basqarmasy jürgızgen monitoring qorytyndysy boiynşa 2020 jyly 886 tülektıŋ 329-y jäne ötken jyly 956 tülektıŋ 249-y jūmysqa ornalaspaǧan.
– Jūmys beruşılerdıŋ ötınımderı jäne eŋbek naryǧynda talap etıletın bılıktılıkter men daǧdylar boiynşa qysqamerzımdı käsıptık oqytuǧa qatysuşylar boiynşa da jaǧdai qaitalanady. Osylaişa oqudy aiaqtaǧandardyŋ ülesı orta eseppen 94 paiyzdy, jūmysqa ornalasqandardyŋ ülesı 71 paiyzdy qūraidy, būl rette soŋǧy ekı jylda bılım aluşylardyŋ sany 2019 jylmen salystyrǧanda 5,7 esege azaidy. Bılım beru ūiymdarynda qysqa merzımdı käsıptık oqytudyŋ qūnyn aiqyndau ädıstemesı joq, ony Bılım ministrlıgı 2020 jylǧy säuırde bekıtuı tiıs edı, būl rette Jūmyspen qamtu ortalyǧy oqytu qūnyn oqu oryndarynyŋ baǧa ūsynysyna süiene otyryp aiqyndady, – dedı A.Moldaşev.
2021 jyly qysqa merzımdı käsıptık oqytudy aiaqtaǧan tyŋdauşylar boiynşa Jūmyspen qamtu ortalyǧy alǧan 79 adamdy bılıktılıgı boiynşa jūmysqa ornalastyrudy qamtamasyz etpegen. Jaŋa biznes-ideialardy ıske asyruǧa memlekettık grant beru bölıgınde «Eŋbek» baǧdarlamasynyŋ ekınşı baǧytynyŋ oryndaluyna jürgızılgen taldau men baǧalauda bırqatar kemşılık pen būzuşylyq anyqtady.
Jyl saiyn qoǧamdyq jūmystardy qarjylandyru üşın qomaqty qarajat bölıngenmen, soŋǧy üş jylda jūmyssyzdardyŋ tek 3,9 paiyzy ǧana tūraqty jūmysqa ornalasty. «Alǧaşqy jūmys orny» jobasy boiynşa alǧaş ret jūmys ızdep jürgen tülekter, jūmys ızdep jürgen adamdar, 29 jastan aspaǧan jastar qataryndaǧy, halyqty jūmyspen qamtu ortalyǧynda tırkeluıne qaramastan, jūmyssyz adamdar, onyŋ ışınde NEET sanaty, jūmys täjıribesı joq jäne «Ūrpaqtar kelısımşarty» jobasy özınıŋ tiımsızdıgın körsettı.
Tekseru komissiiasy otyrysynyŋ qorytyndysy boiynşa qauly qabyldanyp, audit obektılerıne tiıstı tapsyrma men ūsynym jıberıldı.
Gülbarşyn
Ökeşqyzy
