«Jūmyspen qamtu jol kartasy-2020» baǧdarlamasy şeŋberınde 5 myŋ elordalyq jūmysqa ornalastyryldy

Qalalyq mäslihatta qoǧamdyq tyŋdau ötıp, onda «Jūmyspen qamtu jol kartasy – 2020» baǧdarlamasy şeŋberınde elordada jūmyssyzdyq deŋgeiın tömendetu boiynşa jūmystyŋ nätijelerı qaraldy. Üstımızdegı jyly baǧdarlamany ıske asyru qorytyndylaryn qalalyq jūmyspen qamtu, eŋbek jäne äleumettık qorǧau basqarmasy basşysynyŋ mındetterın atqaruşy Artem Äbıldinov baiandady. 

Onyŋ aituynşa, 2016 jyly «Jūmyspen qamtu jol kartasy – 2020» baǧdarlamasy ekı baǧyt boiynşa ıske asyryluda: «İnfraqūrylymdy jäne tūrǧyn üi-kommunaldyq şaruaşylyqty damytu esebınen jūmyspen qamtu» jäne «Oqytu arqyly jūmysqa ornalasuǧa kömektesu jäne jūmys beruşınıŋ qajettılıkterı şeŋberınde köşıru».

«Baǧdarlamany qarjylandyru kölemı 3 mlrd. 559,1 mln teŋgenı qūraidy. Sonyŋ ışınde, respublikalyq biudjet esebınen – 3 mlrd. 46,7 mln teŋge jäne jergılıktı biudjetten – 512,4 mln teŋge. İgeru – 95%», – dep habarlady A. Äbıldinov.

Qalalyq jūmyspen qamtu, eŋbek jäne äleumettık qorǧau basqarmasynyŋ mälımetterıne säikes, 2016 jyldyŋ 1 jeltoqsanyndaǧy jaǧdai boiynşa baǧdarlamanyŋ 4926 qatysuşysy jūmysqa ornalastyryldy, sonyŋ ışınde 3554-ı  tūraqty jūmysqa, 661-ı  jastar täjıribesıne, infraqūrylymdyq jobalar şeŋberınde – 590, äleumettık jūmys oryndaryna 121 adam ornalastyryldy.

«Baǧdarlamany ıske asyru tiımdılıgın arttyru maqsatynda aqparattyq jūmys jürgızılude. Biyl būqaralyq aqparat qūraldarynda 239 maqala jariialandy. Qalalyq Jūmyspen qamtu ortalyǧy tūrǧyndar jiı baratyn oryndarda tüsındıru jūmystaryn jürgızıp, halyqty äleumettık jelıler arqyly aqparattandyrudy qolǧa aldy», – dep atap körsettı qalalyq jūmyspen qamtu, eŋbek jäne äleumettık qorǧau basqarmasy basşysynyŋ m.a..

Jyl basynan berı elordada halyqtyŋ jūmysqa ornalasuyna qoldau körsetu maqsatynda 12 bos oryndar järmeŋkesı ötkızıldı.

«Mümkındıgı şekteulı azamattarǧa, äielder men jastarǧa arnalǧan maqsatty jūmys järmeŋkelerı ūiymdastyryldy, sondai-aq, qaladaǧy oqu oryndarynyŋ tülekterı üşın bos jūmys oryndarynyŋ järmeŋkelerı ötkızıldı», – dedı ol.

Qalanyŋ bes sauda nüktesınde Jūmyspen qamtu ortalyǧynyŋ ökılderı aşyldy, ondaǧy mamandar halyqqa jūmysqa ornalasu mäselelerı boiynşa keŋes beredı.

Jūmys ızdeuşılerge qajet aqparat «CZ Astana» qosymşasy arqyly da taratylady. Elordada jūmyspen qamtu baǧytyndaǧy şaralardyŋ arqasynda jūmyssyzdyq deŋgeiı tömendetıldı. Bügınde onyŋ körsetkışı Astanada 4,6% qūraidy, būl respublikalyq deŋgeiden 0,3%-ǧa tömen.

Özın-özı jūmyspen qamtuşy, jūmyssyz halyqty jäne mümkındıgı şekteulı azamattardy memlekettık qoldau baǧdarlamasyn ıske asyru kelesı jyly jalǧasyn tabady.

http://astana.gov.kz.