Eŋbek jäne halyqty äleumettık qorǧau ministrlıgı «Mügedektıgı bar adamdar üşın jūmys oryndaryn kvotalau qaǧidalaryn bekıtu turaly» būiryq-jobasyn jariialady.
«Kvotany audannyŋ, respublikalyq maŋyzy bar qalalardyŋ, astananyŋ jergılıktı atqaruşy organdary jūmys oryndary sanynyŋ 2-4 paiyzǧa deiıngı mölşerınde mügedektıgı bar adamdardy jūmysqa ornalastyru üşın 5 jeltoqsannan keşıktırılmei aldaǧy jylǧa kvota belgıleidı. Jūmys beruşıler belgılengen kvotaǧa säikes, 6 ai ışınde mügedektıgı bar adamdardy qyzmetke ornalastyru üşın jūmys oryndaryn ūsynady» dep jazylǧan «Aşyq» NQA portalynda jariialanǧan qūjatta.
Jergılıktı atqaruşy organdar jūmyskerlerdıŋ mynadai tızımdık sany bar ūiymdarǧa kvota belgıleidı:
- 50-den 100 adamǧa deiın qyzmetkerı bar käsıporyndarda – jūmyskerlerdıŋ tızımdık sanynyŋ 2% mölşerınde;
- 101-den 250 adamǧa deiın qyzmetkerı bar käsıporyndarda – jūmyskerlerdıŋ tızımdık sanynyŋ 3% mölşerınde;
- 251-den artyq adam jūmys ısteitın käsıporyndarda jūmyskerlerdıŋ tızımdık sanynyŋ 4% mölşerınde belgıleidı.
Būl rette kvota QR Eŋbek kodeksınde, «QR memlekettık qyzmetı turaly» zaŋda qyzmetke ornalasudyŋ erekşe şarttary, lauazymǧa taǧaiyndau tärtıbı aiqyndalǧan jaǧdailarda belgılenbeidı.
Sondai-aq, qūjatta jazylǧandai, kvota mügedektıgı bar adamdardyŋ sany qyzmetkerlerdıŋ ortaşa jyldyq sanynyŋ 20%-dan astamyn qūraityn qoǧamdyq bırlestıkter men ūiymdarda bölınbeidı. Būǧan qosa, eŋbekke qabılettı jastaǧy mügedek adamdar bolmaǧan eldı mekenderde de kvota belgılenbeidı. Jūmys oryndarynyŋ kvotasy şeŋberınde jūmysqa ornalasu mügedektıgı bar adam mansap ortalyǧynda jūmyssyz retınde tırkeluı tiıs. Keiın oǧan jūmys oryndary ūsynylady. Qauly 14 säuırge deiın köpşılık talqylauda bolady.
