Qaraşanyŋ soŋynda tolassyz jauǧan qar qalany basyp saldy. Qalany qardan tazartuǧa jūdyryqtai jūmylǧan astana audandary qar tazalau jūmysyn künı-tünı toqtatqan joq.
Almaty audany qar tazalauǧa 440 jol jūmysşysy jäne 364 bırlık arnaiy tehnikany jūmyldyrdy. Onyŋ ışınde 39 bırlık sypyru maşinasy, 11 qūm şaşqyş tehnika bar.
Bırınşı kezekte qardan tazartu basty köşelerde, aialdama punktterınde jäne jaiau jürgınşıler ötkelderınde jürgızıledı. Qazırgı taŋda tūiyq köşeler men oramışılık aumaqtardy qardan tazalau jūmystary jürgızılude. Sondai-aq köşelerge qūm-tūz qospasyn şaşyp, köktaiǧaqqa qarsy reagentpen sebu jūmystary da jürgızılıp jatyr. «24 qaraşa künı elordada jauǧan qardyŋ qalyŋdyǧy 25 mm boldy. Bıraq ailyq mölşerı 28 mm boluy kerek edı. Iаǧni bır täulık ışınde tüsken qar ailyq normaǧa jeteqabyl boldy. Almaty audynynyŋ äkımdıgı qar tazalau jūmysyn küşeitılgen rejimde jürgızıp jatyr. Negızgı jūmysymyz – ortalyq köşelerdı, aialdama pavilondaryn, jaiau jürgınşıler ötkelın qardan tazartu. Osydan keiın basqa köşeler men ışkı oramdyq aumaqtar tazalanady. Būǧan qosa, köşelerge qūm qosylǧan tūz şalyp, joldaǧy köktaiǧaqtyŋ aldy alyndy. Osy uaqytqa deiın Almaty audany aumaǧynan 53 M3-den astam qar şyǧaryldy. Qar öte qalyŋ jauǧandyqtan tazalau jūmystary älı bırneşe künge jalǧasatyn türı bar» dedı Almaty audany äkımınıŋ apparatynyŋ bas mamany Batyrhan Jazyqbaev.
