Jūmysşy äielderdı qūttyqtady
![](https://astana-akshamy.kz/wp-content/uploads/2022/03/17aab6355d39b5e2853fe7cb009fc89e_1280x720.jpeg)
Nūr-Sūltan qalasynyŋ äkımı Altai Kölgınov kommunaldyq qyzmet salasynda aianbai eŋbek etıp jürgen qyz-kelınşekterdı 8 nauryz merekesımen qūttyqtady. Kommunaldyq qyzmet parkıne barǧan şahar basşysy olarǧa gül şoqtary men alǧys hat tabystady.
«Qalanyŋ tazalyǧyn tap-tūinaqtai etıp jürgen näzık jandar qysta qar kürep, mūz oiady. Sanitarlyq tazalyq jūmysyn jürgızıp, kün jylyǧanda gül men aǧaş otyrǧyzyp, elorda şyraiyn keltıredı. Kündelıktı küibeŋ tırşılıkte olardyŋ beinetın baiqai bermeimız. Alaida olardyŋ tynymsyz tırşılıgınıŋ sebebımen qalamyz taza qalpyn saqtap keledı.
Olardyŋ osy eŋbegıne barynşa qoldau körsetıp, eŋbek jaǧdaiyn jaqsartamyz: kommunaldyq qyzmet parkın jüielı türde jaŋartyp, jalaqy mölşerın köteremız. Kommunaldyq qyzmetkerlerımızdıŋ jankeştı jūmysyn joǧary baǧalaimyz. Jauapkerşılıgı mol, asa maŋyzdy ıstı atqaryp jürgenderıŋızge alǧysym şeksız. Sızderge myqty densaulyq, otbasylaryŋyzǧa amandyq tıleimın» dedı A.Kölgınov kezdesu barysynda.