Qazırgı taŋda kez kelgen adam üşın eŋbek şarttarynyŋ būzylmauy, jūmys ornynyŋ saqtalyp, ailyǧynyŋ uaqytynda tölenuı jäne eŋbek jaǧdaiynyŋ naşarlap ketpeuı asa maŋyzdy. Būl baǧytta Astana qalalyq orta sapasy jäne baqylau basqarmasy jyl basynan berı 267 tekseru jürgızdı. Aǧymdaǧy jyldyŋ 31 qaŋtaryndaǧy jaǧdai boiynşa segız käsıporyndaǧy 66 qyzmetkerdıŋ aldynda bereşek 38,2 mln teŋgenı qūrady. Jürgızılgen jūmystardyŋ nätijesınde jalaqy boiynşa 430 mln teŋge bereşek öteldı, osylaişa 1758 qyzmetkerdıŋ qūqyǧy qorǧaldy.
Astanada 1758 qyzmetkerdıŋ qūqyǧy qorǧaldy jäne olarǧa 430 mln teŋge jalaqy boiynşa bereşek qaitaryldy. Äleumettık jäne eŋbek qatynasyn retteu maqsatynda qalada 34 myŋnan astam ūjymdyq şart jasaldy. Būl turaly Qalalyq orta sapasy jäne baqylau basqarmasynyŋ basşysy Däulet DOSQŪLOV Astana qalasy kommunikasiialar alaŋynda ötken baspasöz mäslihaty barysynda mälımdedı.
Säulet-qūrylys baqylauyn jüzege asyru nätijesı boiynşa 121 mln teŋgeden astam somaǧa 477 subekt jauapkerşılıkke tartylyp, qūrylys saluşylar, merdıgerlık ūiymdar, jobalau jäne saraptama kompaniialary oryndauǧa mındettı eskertulerdı joiu üşın 210 ūiǧarym engızıldı.
– Äkımşılık ıs jürgızu şeŋberınde zaŋsyz qūrylys boiynşa pärmendı sanksiialardyŋ bolmauyna bailanysty qūrylysty zaŋsyz dep tanu jäne ony būzu turaly, sondai-aq nūsqamalar talaptaryn oryndaudy mäjbürleu turaly talap qoiudyŋ sot praktikasy jolǧa qoiyldy. Sot arqyly 5 talap-aryz qanaǧattandyryldy. Soŋǧy üş jyldaǧy körsetkış boiynşa äkımşılık ıster sany azaiǧan. Būdan basqa, sot aktılerın mäjbürlep oryndau boiynşa sot oryndauşylarymen bırlese otyryp jūmys üilestırıldı. Osy aralyqta 40-tan astam sot aktısı oryndaldy, – dedı D.Dosqūlov.
Qūrylys jūmysy talapqa sai
Bügıngı taŋda Qalalyq orta sapasy jäne baqylau basqarmasy bazasynda elordada salynyp jatqan 1523 nysan tırkelgen. Ondaǧy qūrylystyŋ barysy men sapasyn basqarmada taǧaiyndalǧan jauapty tehnikalyq qadaǧalau sarapşysy baqylaidy. Basqarma basşysynyŋ aituynşa, ol ai saiyn salynyp jatqan qūrylys jūmysynyŋ barysy turaly esep berıp otyrady.
– Ai saiyn qaladaǧy qūrylys obektılerınde jürgızılıp jatqan jūmystar turaly mekemege 1000-nan astam esep kelıp tüsedı jäne sol taldaulardyŋ qorytyndysy boiynşa jol berılgen qate-kemşılık üşın tiıstı şaralar qabyldanady. Elordadaǧy qūrylys nysandarynyŋ salynu barysyn qadaǧalap otyratyn «E-Qurylys» aqparattyq jüiesınıŋ nätijelerı boiynşa tehnikalyq qadaǧalau sarapşylary qūrylys ūiymdarynyŋ denı talaptarǧa sai jūmys ıstep jatyr, – dedı basqarma basşysy.
Tūrǧyn üi qūrylysyna ülestık qatysu salasyndaǧy memlekettık baqylaudy jüzege asyru nätijesınde jergılıktı atqaru organdary 2018 jyldan bastap 2022 jyldyŋ aǧymdaǧy uaqytyna deiıngı kezeŋde 320-baptyŋ 1-bölımı boiynşa 143 qūrylys ūiymy anyqtalyp, äkımşılık jauapkerşılıkke tartyldy.
Säulet-qūrylys baqylauyn jüzege asyru nätijesı boiynşa 121 mln teŋgeden astam somaǧa 477 subekt jauapkerşılıkke tartylyp, qūrylys saluşylar, merdıgerlık ūiymdar, jobalau jäne saraptama kompaniialary oryndauǧa mındettı eskertulerdı joiu üşın 210 ūiǧarym engızıldı
«Aldaǧy uaqytta qūrylysy ūzaqqa sozylǧan nysandar tekserılıp, 310433,73 şarşy metr tūrǧyn üi-jaidy paidalanuǧa beru josparlanuda» dedı basqarma basşysy.
1758 qyzmetkerdıŋ qūqyǧy qorǧaldy
Eŋbek qatynasy, eŋbek qauıpsızdıgı jäne eŋbektı qorǧau salasyndaǧy baqylaudy jüzege asyru nätijesı boiynşa 267 tekseru jürgızıldı.
– Eŋbektı qorǧau – erekşe baqylauda. Aǧymdaǧy jyldyŋ 31 qaŋtaryndaǧy jaǧdai boiynşa segız käsıporyndaǧy 66 qyzmetkerdıŋ aldynda bereşek 38,2 mln teŋgenı qūrady. Jürgızılgen jūmys nätijesı boiynşa 430 mln teŋge jalaqy boiynşa bereşek öteldı, osylaişa 1758 qyzmetkerdıŋ qūqyǧy qorǧaldy. Äleumettık jäne eŋbek qatynasyn retteu maqsatynda qalada 34 myŋnan astam ūjymdyq şart jasaldy, – dedı D.Dosqūlov.
Jazataiym oqiǧalardyŋ köpşılıgı qūrylys nysanynda bolady. Käsıporyndardaǧy osyndai oqiǧalar saldarynan 55 qyzmetker zardap şektı.
Memlekettık eŋbek inspektorlary qalanyŋ Käsıpodaq ortalyǧymen jäne QR jūmys beruşılerdıŋ (käsıpkerlerdıŋ) ūlttyq konfederasiiasymen bırlesıp, käsıporyndarda eŋbek qauıpsızdıgı jäne eŋbektı qorǧau jönındegı talaptardy saqtau boiynşa tüsındıru jūmysyn jürgızedı. Aǧymdaǧy jyly 3900-den astam qyzmetkerdı qamtumen osyndai 135 kezdesu ūiymdastyryldy.
Januarlardy qorǧau – basty nazarda
Basqarma veterinarlyq jäne fitosanitarlyq qauıpsızdıktı ūiymdastyru salasyndaǧy jūmysty tūraqty türde jürgızıp keledı.
– Bügıngı taŋda Astana qalasynyŋ aumaǧynda barlyǧy 2361 januar, onyŋ ışınde 269 bas ırı qara mal, 1642 bas ūsaq mal, 4 bas şoşqa, 446 bas jylqy anyqtaldy. 2022 jyly auyl şaruaşylyǧy januarlaryn ūstaumen ainalysatyn jeke jäne zaŋdy tūlǧalardyŋ jalpy sany – 91. Ötken 2022 jyly asa qauıptı aurularǧa qarsy 2957 diagnostikalyq zertteu jürgızılse, 2023 jyly 3250 zertteu jürgızu josparlanyp otyr, – dedı basqarma basşysy.
Januarlardy vaksinasiialau boiynşa 27505 manipuliasiia jürgızıldı. 2023 jyly qūs tūmauyna qarsy 5 myŋ vaksinasiia jürgızu josparlanuda. Sondai-aq, jyl soŋyna deiın qaladaǧy 3500-ge juyq qaŋǧybas januar men mysyq tegın zararsyzdandyrylady.
– Sondai-aq, Astana qalasynyŋ aumaǧynda 2023 jyly auyl şaruaşylyǧy daqyldarynyŋ ziiandy jändıkterıne, atap aitsaq, şegırtkelerge qarsy 700 ga alqapty öŋdeu josparlanuda. Ötken kezeŋde kompaniialar men jeke tūlǧalarǧa 927 lisenziia berıldı. Säulet, qala qūrylysy jäne qūrylys qyzmetı salasynda saraptamalyq jäne injiniringtık qyzmetterdı jüzege asyratyn 221 sarapşy attestattaudan öttı. Säulet, qala qūrylysy jäne qūrylys salasyndaǧy jobalardy basqaru boiynşa barlyǧy 61 kompaniia akkreditteldı. Tehnikalyq inspeksiia standarttar men reglamentterdıŋ talaptaryn būzbai, belgılengen merzımde 5810 memlekettık qyzmet körsettı, – dedı D.Dosqūlov.
