Elorda äkımı Altai Kölgınov demalys künderı bırqatar qalalyq nysandardy aralap, jūmys barysymen tanysty.
Qala basşysy aldymen «Astana LRT» jauapkerşılıgı şekteulı serıktestıgıne bardy. Mūnda äkım qaladaǧy qoǧamdyq kölık problemalary men astananyŋ infraqūrylymyn damytudyŋ özektı mäselelerımen tanysyp, uaqyt ozdyrmai qolǧa alynuy tiıs mındetterdı aiqyndady. Būl rette qalanyŋ şet aimaqtaryndaǧy joldardy jöndeu, «Astana LRT» JŞS-nyŋ mekenjai baǧdarlamalary boiynşa qoǧamdyq kölık baǧdarlarynyŋ soŋǧy aialdama nysandaryn salu, jol qozǧalysyn retteu qūraldaryna keşendı qyzmet körsetu, qala köşelerınıŋ qauıptı uchaskelerınde 77 baǧdarşam ornatu qajettılıgın atap öttı.
Sonymen qatar äkım «Nūra-Esıl» arnasyna baryp, jaǧalaudy abattandyru jūmystarymen jäne tazartu qūrylǧylarynyŋ qūrylysymen tanysty. №27 köşenıŋ qūrylys alaŋyna bolyp, atqarylyp jatqan jūmysqa köz jetkızdı. Telman tūrǧyn alabynyŋ oŋtüstık jaǧyndaǧy Esıl özenınıŋ sol jaǧalauynda ornalasqan II-6 aimaǧynyŋ nöser kärızın tazartu qūrylǧylarynyŋ qūrylysymen de tanysty. Qūrylysqa arnalǧan oryn kürdelı jūmysty qajet etetın, jerasty sularymen tolǧan, erterekte qiyrşyq tas öndırılgen bos karerde ornalasqan. Joba boiynşa mūnda 1814,0 gektarǧa su jinau aumaǧy, II-6 aimaǧynyŋ nöser kärızın tazartu qūrylǧysymen täulıgıne 36,280 m3 sudy ötkızu qarastyrylatyn nysan salynatyn bolady.
Elorda äkımı nysandardy aralau kezınde tiıstı käsıporyndar men mekemelerge josparlanǧan jūmystardy şiratudy ärı merzımge säikes jürgızuge bailanysty tapsyrmalar jüktedı.
